02nd Feb2022

ເກີດເຫດໄຟໄໝ້ຕະຫຼາດໃໝ່ປາກເຊ ( ດາວເຮືອງ ).

by Peaung Thanonkeo

ໃນວັນທີ 28 ມັງກອນ 2022 ເວລາປະມານ 4:00 ໂມງ ໄດ້ ເກີດເຫດໄຟໄໝ້ ຮ້ານຂາຍເຄື່ອງພາຍໃນຕະຫຼາດໃໝ່ປາກເຊ ( ດາວເຮືອງ ) ນະຄອນປາກເຊ ແຂວງຈຳປາສັກ. ເຊິ່ງກຳລັງເຈົ້າໜ້າທີ່ ວິຊາສະເພາະ ກອງບັນຊາການ ປກສ ແຂວງຈຳປາສັກ, ປກສ ນະຄອນປາກເຊ ພ້ອມດ້ວຍກຳລັງຫັນລົງກໍ່ສ້າງຮາກ ຖານ ຈຳນວນ 80 ກ່ວາສະຫາຍ ໃຫ້ສຸມກຳລັງເຂົ້າດັບມອດເຫດໄຟໄໝ້ໃນຄັ້ງນີ້ ໂດຍໄດ້ນຳໃຊ້ລົດມອດໄຟທັງໝົດ ຈຳນວນ 6 ຄັນ, ໃຊ້ເວລາປະມານ 02 ຊົ່ວໂມງ ເຈົ້າໜ້າທີ່ວິຊາສະເພາະຈຶ່ງສາມາດສະກັດກັ້ນແລະສາມາດຄວບຄຸມ ໄຟໄໝ້ໄອົາໄວ້ໄດ້ຜ່ານການກວດກາຂອງເຈົ້າໜ້າທີ່ເຫັນວ່າ: ເຮັດໃຫ້ເກີດຄວາມເສຍຫາຍຫຼາຍສົມຄວນໂດຍມີຫ້ອງ ແຖວ ເຊິ່ງເປັນຮ້ານຂາຍເຄື່ອງຖືກໄຟໄໝ້ ຈຳນວນ 11 ຫ້ອງ ໂດຍຫ້ອງແຖວດັ່ງກ່າວແມ່ນເປັນຕຶກ 2 ຊັ້ນ ຖືກໄຟໄໝ້ ເສຍຫາຍເກືອບໝົດ ສ່ວນສາເຫດຂອງການເກີດໄຟໄໝ້ ແລະມູນຄ່າຄວາມເສຍຫາຍທາງເຈົ້າໜ້າທີ່ວິຊາສະເພາະ ຍັງສືບຕໍ່ລົງເກັບກຳຂໍ້ມູນຕື່ມອີກ.

ແລະໃນມື້ດຽວກັນເວລາປະມານ 6 ໂມງ ໄດ້ເກີດເຫດໄຟໄໝ້ໂຮງງານອາໄຫຼ່ລົດຈັກ ຂອງໂຮງງານເທບພິທັກຕັ້ງຢູ່ບ້ານຫ້ວຍລືສີ ເມືອງບາຈຽງ ແຂວງຈຳປາສັກ ເຊິ່ງເປັນໂຮງງານຂອງ ທ້າວ ເທບພິທັກ ອາຍຸ 44 ປີ, , ອາຊີບນັກທຸລະກິດ, ຢູ່ບ້ານຮ່ອງຄະຍອມ, ນະຄອນປາກເຊ, ແຂວງຈຳປາສັກ. ມູນຄ່າ ເສຍຫາຍເບື້ອງຕົ້ນປະມານ 350.000.000 ກີບ ສ່ວນສາເຫດຍັງຢູ່ໃນຂັ້ນຕອນການເກັບກຳຂໍ້ມູນຂອງເຈົ້າໜ້າທີ່ ວິຊາສະເພາະ.

Off

Comments are closed.