04th Feb2022

ກົມສື່ສານ ກະຊວງ ປກສ ຈັດກອງປະຊຸມສ້າງແຜນການກຳນົດພະນັກງານນຳພາ-ບັນຊາ.

by somchan

ກົມສື່ສານ ກະຊວງປ້ອງກັນຄວາວມສະຫງົບ ໄດ້ຈັດຈັດກອງປະຊຸມເພື່ອສ້າງແຜນກຳນົດພະນັກງານນຳພາບບັນຊາ ຂຶ້ນກອງປະຊຸມດັ່ງກ່າວໄດ້ຈັດຂຶ້ນ ໃນວັນທີ 3 ກຸມພາ 2022ໂດຍການເປັນປະທານຂອງ ພັອ ແສງປະເສີດ ສຸທໍາມະວົງ ຄະນະພັກກະຊວງ, ຫົວໜ້າກົມສື່ສານ ກະຊວງປ້ອງກັນຄວາມສະຫງົບ, ມີ ພັອ ຄອນສະຫວັນ ສົມພາໄຊ ຄະນະພັກກະຊວງ, ຮອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບ, ຫົວໜ້າກົມຈັດຕັ້ງພະນັກງານ, ມີບັນດາ ຄະນະພັກ-ຄະນະບັນຊາ, ພະນັກງານຫຼັກແຫຼ່ງ ອ້ອມຂ້າງກົມສື່ສານ ເຂົ້າຮ່ວມ.

ກອງປະຊຸມການສ້າງແຜນກຳນົດພະນັກງານນຳພາ-ບັນຊາຂັ້ນກະຊວງຄຸ້ມຄອງ ກົມສື່ສານ ໃນຄັ້ງນີ້, ນາຍຕໍາຫຼວດພາຍໃນກົມດັ່ງກ່າວ ໄດ້ຮັບຟັງການເຜີຍແຜ່, ເຊື່ອມຊຶມບັນດາມະຕິຄຳສັ່ງ  ຂອງຄະນະບໍລິຫານງານພັກ ກະຊວງປ້ອງກັນຄວາມສະຫງົບ ວ່າດ້ວຍ ການຂຶ້ນແຜນກຳນົດພະນັກງານນຳພາ-ບັນຊາໃນກຳລັງປ້ອງກັນຄວາມສະຫງົບຄຸ້ມຄອງ, ຄຳແນະນຳ ຂອງຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ວ່າດ້ວຍການຈັດຕັ້ງປະຕິບັດມະຕິຄຳສັ່ງ ດັ່ງກ່າວ ພາຍຫຼັງເຊື່ອມຊຶມບັນດາເອກະສານຕ່າງໆ ແລ້ວ ກໍໄດ້ຮັບຟັງການແນະນຳວິທີທາບທາມ ແລະ ດຳເນີນການທາບທາມ.

ທັງນີ້ ກໍເພື່ອເຮັດໃຫ້ການສ້າງແຜນກໍານົດພະນັກງານນຳພາ-ບັນຊາ ໃນກຳລັງປ້ອງກັນຄວາມສະຫງົບ ໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງກາຍເປັນໂຄງການ, ແຜນວຽກລະອຽດ ແລະ ມີຄວາມເປັນເອກະພາບໃນທົ່ວກຳລັງ, ແນໃສ່ເຮັດໃຫ້ການຄາດຄະເນເປົ້າໝາຍທີ່ຈະຊັບຊ້ອນ, ຈັດວາງເຂົ້າໃນຕໍາແໜ່ງນຳພາ-ບັນຊາ ຂັ້ນກະຊວງປ້ອງກັນຄວາມສະຫງົບ ຄຸ້ມຄອງສາມາດຮັບປະກັນ ແລະ ຕອບສະໜອງໜ້າທີ່ການເມືອງຂອງພັກ-ລັດ ໃນສະເພາະໜ້າ ແລະ ຍາວນານ. ເພື່ອຍົກສູງຄຸນນະພາບຂອງວຽກງານພະນັກງານ ແລະ ຖັນແຖວພະນັກງານນຳພາ-ບັນຊາ ປະກອບສ່ວນສຳຄັນເຂົ້າໃນການປັບປຸງການເຄື່ອນໄຫວຂອງກົງຈັກການຈັດຕັ້ງແຕ່ລະຂັ້ນ ໃຫ້ມີປະສິດທິພາບ ແລະ ປະສິດທິຜົນດີຂຶ້ນກວ່າເກົ່າ.

 

Off

Comments are closed.