05th Feb2022

1 ອາທິດຜ່ານມາ ທົ່ວປະເທດ ມີຄະດີອາຍາ ເກີດຂຶ້ນທັງໝົດ 171 ລາຍ.

by somchan

ອີງຕາມບົດລາຍງານຂອງຫ້ອງການກົມໃຫຍ່ການເມືອງ ກະຊວງປ້ອງກັນຄວາມສະຫງົບ ໃຫ້ຮູ່ວ່າ: ໃນສະຫວ່າງວັນທີ 22-28 ມັງກອນ 2022 ທົ່ວປະເທດມີຄະດີອາຍາເກີດຂຶ້ນທັງໝົດ 171 ລາຍ, ໃນນີ້, ມີຄະດີອາຍາທົ່ວໄປ 81 ລາຍ, ຄະດີຢາເສບຕິດ 70 ລາຍ, ຄະດີເສດຖະກິດ 17 ລາຍ, ຄ້າມະນຸດ 3 ຄົນ, ສາມາດແກ້ໄຂໄດ້ 110 ລາຍ, ກັກຕົວຜູ້ຕ້ອງຫາໄດ້ 217 ລາຍ, ພາຫະນະເປ່ເພ 316 ຄັນ, ຄົນໄດ້ຮັບບາດເຈັບ 178 ຄົນ, ເສຍຊີວິດ 14 ຄົນ, ສະພາບອັກຄີໄພເກີດຂຶ້ນທັງໝົດ 4 ຄັ້ງ, ຜົນເສຍຫາຍ 100 ລ້ານກວ່າກີບ.

ຂ່າວຍັງໃຫ້ຮູ້ຕື່ມອີກວ່າ: ໃນວັນທີ 24 ມັງກອນ 2022 ເຈົ້າໜ້າທີ່ກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ໄດ້ສົມທົບກັບພາກສ່ວນກ່ຽວຂ້ອງ ແກ້ໄຂເປົ້າໝາຍຄ້າມະນຸດ ຢູ່ບ້ານໜອງພະຍາ, ເມືອງໄຊທານີ ນະຄອນຫຼວງວຽງຈັນ ສາມາດກັກຕົວໄດ້ 21 ຄົນ ແລະ ຊ່ວຍເຫຼືອຜູ້ຖືກເຄາະຮ້າຍ ໄດ້ 2 ຄົນ.

ປະຈຸບັນ ເຈົ້າໜ້າທີ່ກຳລັງສືບສວນ-ສອບສວນຕາມລະບຽບກົດໝາຍ.

Off

Comments are closed.