08th Feb2022

ກະຊວງ ປກສ ປະກາດແຕ່ງຕັ້ງ ແລະ ເລື່ອນຊັ້ນໃຫ້ນາຍຕຳຫລວດຂັ້ນສູງ.

by somchan

ພິທີປະກາດແຕ່ງຕັ້ງ ແລະ ເລື່ອນຊັ້ນໃຫ້ນາຍຕຳຫຼວດຂັ້ນສູງຂອງ ກະຊວງປ້ອງກັນຄວາມສະຫງົບ, ໄດ້ຈັດໃນວັນທີ 8 ກຸມພາ 2022. ໂດຍການເປັນກຽດເຂົ້າຮ່ວມຂອງ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ, ມີຄະນະປະຈຳພັກກະຊວງ, ຄະນະພັກ-ຄະນະບັນຊາ, ກົມໃຫຍ່, ກົມກອງອ້ອມຂ້າງກະຊວງ ແລະ ກອງບັນຊາການ ປກສ ແຂວງ ເຂົ້າຮ່ວມ.


ພັອ ຫຸມພັນ ຜິວເຂັມພອນ ຄະນະປະຈຳພັກກົມໃຫຍ່ ຫົວໜ້າກົມພັກ ກົມໃຫຍ່ການເມືອງປ້ອງກັນຄວາມສະຫົງບ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການບົ່ງຕົວແຕ່ງຕັ້ງ ກຳມະການປະຈຳພັກ ແລະ ກຳມະການຄະນະພັກ ກະຊວງປ້ອງກັນຄວາມສະຫົງບ, ໃນນີ້ ໄດ້ແຕ່ງຕັ້ງ ພົຈວ ຄຳມ້າວ ຫຼ້າຈັນເພັດ ເປັນກຳມະການປະຈຳພັກ ກະຊວງ ປ້ອງກັນຄວາມສະຫງົບ, ແຕ່ງຕັ້ງ ພົຈວ ທອງສຸກ ຍ່າເອີລາວລີ, ພົຈວ ນີລະວົງ ເຈືອງຕະວະລາດ, ພັອ ພູນສະຫັວນ ພັນທະເສນາ ເປັນກຳມະການຄະນະພັກ ກະຊວງປ້ອງກັນຄວາມສະຫົງບ.


ຫຼັງຈາກນັ້ນ ພັອ ຄອນສະຫັວນ ສົມພາໄຊ ຄະນະພັກກະຊວງ ຮອງຫົວໜ້າກົມໃຫຍ່ການເມືອງ ຫົວໜ້າກົມຈັດຕັ້ງພະນັກງານ ກົມໃຫຍ່ການເມືອງປ້ອງກັນຄວາມສະຫົງບ ໄດ້ຜ່ານ ດຳລັດຂອງນາຍົກ ລັດຖະມົນຕີ ວ່າດ້ວຍການແຕ່ງຕັ້ງຮອງຫົວໜ້າ ກົມໃຫຍ່ ພະລາທິການ ກະຊວງປ້ອງກັນຄວາມສະຫົງບ ໃນນີ້ໄດ້ ແຕ່ງຕັ້ງ ພັອ ອຸດົມ ສີສົງຄາມ ເປັນຮອງຫົວໜ້າກົມໃຫຍ່ພະລາທິການ ກະຊວງປ້ອງກັນຄວາມສະຫົງບ ແລະ ຜ່ານດຳລັດ ວ່າດ້ວຍການເລື່ອນຊັ້ນນາຍຕຳຫຼວດ ໃນນີ້ ເລື່ອນຊັ້ນພັທ ຂຶ້ນ ເປັນຊັ້ນ ພັອ ຈຳນວນ 35 ສະຫາຍ. ໃຫ້ກຽດປະດັບຊັ້ນໂດຍ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ລັດຖະມົນຕີ ກະຊວງປ້ອງກັນຄວາມສະຫງົບ.

Off

Comments are closed.