10th Feb2022

ຈັບຜູ້ຖືກຫາຢາເສບຕິດ 1 ຄົນ ຂະຫຍາຍຜົນສືບຄົ້ນຫາຈັບໄດ້ອີກ 4 ຄົນ

by somda phoneor

ທ້າຍອາທິດຜ່ານມານີ້ ກອງບັນຊາການ ປກສ ເມືອງໄຊເສດຖາ ນະຄອນຫຼວງວຽງຈັນ ສົມທົບກັບອົງການຈັດຕັ້ງ ບ້ານ ຄໍາສະຫວາດ ແກ້ໄຂເປົ້າໝາຍຄ້າຂາຍຢາເສບຕິດ (ຢາບ້າ) ຢູ່ບ້ານຄໍາສະຫວາດ ເມືອງໄຊເສດຖາ ນະຄອນຫຼວງວຽງຈັນ,ໃນເບື້ອງຕົ້ນສາມາດກັກຕົວຜູ້ຖືຫາໄດ້ 1 ຄົນ ຊື່ ທ້າວ ດາລາ ຫຼື ກ໋ອກ ອາຍຸ 39ປີ ຢູ່ບ້ານ ຄໍາສະຫວາດ ເມືອງໄຊເສດຖາ ນະຄອນຫຼວງວຽງຈັນ ພ້ອມຢາບ້າ 4.767 ເມັດ ແລະ ຢາໄອ້ 1 ຖົງຢູ່ກ້ອງໂຕະໃນຫ້ອງນອນຂອງຜູ້ກ່ຽວຜ່ານການສືບສວນ- ສອບສວນຂະຫຍາຍຜົນ ທ້າວ ດາລາ ຫຼື ກ໋ອກ ຮັບສາລະພາບວ່າ: ຢາບ້າ ແລະ ຢາໄອ້ ຈໍານວນດັ່ງກ່າວແມ່ນຂອງຜູ້ກ່ຽວແທ້,ຈາກນັ້ນກໍ່ຊັກທອດຫາ ຜູ້ຮ່ວມຂະບວນການໄດ້ອີກ 4 ຄົນ ແລະ ວັນດຽວກັນກໍ່ໄດ້ກັກຕົວ ທ້າວ ໂຕ່ໂປ້, ທ້າວ ສອນໄຊ ອາຍຸ 37 ປີ ຄ້າຂາຍ ຢູ່ບ້ານຊຽງດາ ເມືອງ ໄຊເສດຖາ ໃນຂະນະກໍາລັງ ຕິດຕໍ່ພົວພັນມາເອົາເງິນຄ່າຢາບ້າ, ກວດຄົ້ນຕົວ ແລະ ລົດໂຕໂຢຕ້າປຣາໂດ ສີຂາວ ໝາຍເລກທະບຽນ ວວ 9999 ໄຊຍະບູລີ ທີ່ພວກກ່ຽວ 2 ຄົນຂັບຂີ່ມາ ພົບຢາເສບຕິດ (ຢາບ້າ) 8 ມັດ ຫຼື ເທົ່າກັບ 16.000 ເມັດ ຢູ່ໃນຕັບໂລ້, ສອບສວນເບື້ອງຕົ້ນພວກກ່ຽວ ຮັບສາລະພາບວ່າ ຢາບ້າຈໍານວນດັ່ງກ່າວ ແມ່ນຂອງພວກກ່ຽວ ຊື້ມາຈາກ ຜູ້ຮ່ວມຂະບວນການ ວັນດຽວກັນສາມາດຈັບຕົວ ທ້າວ ອາລຸນ ອາຍຸ 21 ປີ ອາຊີບ ຄ້າຂາຍ ຢູ່ບ້ານ ໜອງບົວທອງ ເມືອງ ປາກງື່ມ ແລະ ທ້າວ ຄັນທະນູ ອາຍຸ 23 ປີ ບ້ານສະຫວ່າງ ເມືອງຈັນທະບູລີ ນະຄອນຫຼວງວຽງຈັນ ພ້ອມຂອງກາງຢາເສບຕິດ (ຢາໄອ້) 1 ຖົງນ້ອຍ.

ປັດຈຸບັນ ຄະດີດັ່ງກ່າວ ຢູ່ໃນຂັ້ນຕອນຂອງການສືບສວນ-ສອບສວນ ເພື່ອຂະຫຍາຍຜົນຫາກຸ່ມແກ້ງຮ່ວມຂະບວນການ ແລະດໍາເນີນຄະດີຕໍ່ພວກກ່ຽວຕາມຂັ້ນຕອນຂອງກົດໝາຍ.

Off

Comments are closed.