10th Feb2022

ດ່ານສາກົນນາເພົ້າ ແຂວງ ຄຳມ່ວນ ສະຫຼຸບວຽກງານປະຈໍາປີ 2021 ແລະ ວາງທິດທາງແຜນການ ປີ 2022.

by somda phoneor

ທ້າຍອາທິດທີ່ຜ່ານມານີ້ ຢູ່ທີ່ດ່ານສະືນນາເພົ້າ ແຂວງຄໍາມ່ວນໄດ້ຈັດກອງປະຊຸມສະຫຼຸບການເຄື່ອນໄຫວ ວຽກງານຄຸ້ມຄອງບໍລິຫານລັດຢູ່ດ່ານສາກົນນາເພົ້າປະຈໍາປີ 2021 ແລະ ທິດທາງແຜນການປີ 2022 ໂດຍການປະທານຂອງ ພັທ ພົມມະນີ ໄຊຍະລາດ ຫົວຫນ້າຄຸ້ມຄອງດ່ານສາກົນນາເພົ້າ ແຂວງຄໍາມ່ວນ, ໃຫ້ກຽດເຂົ້າຮ່ວມຂອງ ທ່ານ ປອ ແກ້ວອຸດອນ ບຸດສິ່ງຂອນ ຮອງເຈົ້າແຂວງໆຄໍາມ່ວນ,ມີບັນດາຫົວຫນ້າ,ຮອງຫົວຫນ້າ ພະແນກການທີ່ກ່ຽວຂ້ອງເຂົ້າຮ່ວມ.

ພັທ ໄມໂຮມ ໄຊຍະແສງ ຫົວຫນ້າຫ້ອງບໍລິຫານ ດ່ານສາກົນນງເພົ້າ ໄດ້ຜ່ານບົດສະຫຼຸບ ການເຄື່ອນໄຫວວຽກງານຄຸ້ມຄອງບໍລິຫານລັດຢູ່ດ່ານສາກົນນາເພົ້າປະຈໍາປີ 2021 ແລະ ທິດທາງແຜນການປີ 2022. ຜ່ານການເຄື່ອນໄຫວປະຕິບັດວຽກງານວິຊາສະເພາະໃນໄລຍະ 1 ປີຜ່ານມາຄະນະພັກ-ຄະນະຄຸ້ມຄອງດ່ານໄດ້ ເອົາໃຈໃສ່ຊຸກຍູ້ໃຫ້ແຕ່ລະຂະແຫນງການ ສຶກສາອົບຮົມການເມືອງ-ນໍ ເພາະ ມວດິດ ໃຫ້ແກ່ສະມາຊິກພັກ,ພະນັກງານລັດຖະກອນຢູ່ໃນດ່ານຢ່າງຕໍ່ເນື່ອງ,ລົງເລິກ ໃກ້ສິດຕິດແທດ,ຊີ້ນໍາ-ນໍາພາບັນດາຂະແຫນງວິຊາສະເພາະເຮັດຫນ້າທີ່ 1 ການເມືອງທີ່ພັກລັດຂັ້ນເທີງມອບຫມາຍໃຫ້ສໍາເລັດຕາມຈຸດປະ ແລະ ເປົ້າຫມາຍທີ່ວາງໄວ້. ສຸມໃສ່ເຮັດຫນ້າທີ່ວຽກງານ ບໍລິຫານໃຫ້ມີຄວາມໂລ່ງລ່ຽນ,ວ່ອງໄວ ແລະ ຊັດເຈນ, ຮັບປະກັນທາງດ້ານວຽກງານວິຊາສະເພາະຂອງແຕ່ລະຂະແໜງການພາຍໃນດ່ານ, ຕະຫຼອດໄລຍະ 01 ປີທີ່ຜ່ານມາມີຄົນເຂົ້າ-ອອກເມືອງ ຜ່ານດ່ານສາກົນນາເພົ້າທັງໝົດ 111,916 ຄົນ, ຍິງ 384 ຄົນ, ເດັກ 45 ຄົນ, ຄົນລາວເຂົ້າ – ອອກເມືອງມີ: 303 ຄົນ, ຍິງ 55 ຄົນ, ເດັກ 01 ຄົນ, ຄົນຫວຽດນາມເຂົ້າ – ອອກເມືອງມີ 111,613 ຄົນ,ຍິງ 329 ຄົນ,ເດັກ 114 ຄົນ ພາຫະນະເຂົ້າ – ອອກເມືອງມີ: 67,903 ຄັນ,ລົດລາວເຂົ້າ – ອອກມີ 31,953 ຄັນ,ລົດຫວຽດນາມເຂົ້າ – ອອກ ມີ:35,950 ຄັນ, ຮັບນັກສຶກສາລາວທີ່ຮຽນຈົບຈາກ ສສ ຫວຽດນາມມີ 213 ຄົນ,ຍິງ 89 ຄົນ,ຈັດສົ່ງແຮງງານຫວຽດນາມກັບຄືນປະເທດ 32 ຄົນ, ຍິງ 05 ຄົນ, ມອບ – ຮັບຜູ້ຖືກຫາສັນຊາດຫວຽດນາມຈໍານວນ 61 ຄົນ, ຍິງ 21 ຄົນ, ປ້ອງກັນເວນຍາມອອກເຄື່ອນໄຫວລາດຕະເວນໃນຂອບເຂດຮັບຜິດຊອບ ໄດ້ 417 ຄັ້ງ, ເກັບກໍາຈຸດຂ້າມລອຍຂອງພວກຄົນບໍ່ດີ  03 ຈຸດ, ບັນດາບ້ານທີ່ລຽບຕາມຊາຍແດນລາວ-ຫວຽດນາມໄດ້ 14 ບ້ານ. ທິດທາງແຜນການໃນປີ 2022 ສືບຕໍ່ເອົາໃຈໃສ່ວຽກງານການເມືອງແນວຄິດໃຫ້ພະນັກງານ ລັດຖະກອນທີ່ຢູ່ໃນຂະແຫນງການຕ່າງໆທີ່ປະຈໍາການເຮັດວຽກຢູ່ດ່ານສາກົນໃຫ້ມີທັກສະນະຫຼັກຫມັ້ນຊົນຊັ້ນຫນັກແ ໜ້ນ, ສຸມໃສ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນາຢາເສບຕິດທີ່ລັດຖະບານໄດ້ວາງອອກໃຫ້ມີປະສິດທິຜົນ, ຊອກໃຫ້ເຫັນເສັ້ນທາງການລັກລອບຂົນສົ່ງຢາເສບຕິດຜ່ານຊາຍແດນລາວ-ຫວຽດຢ່າງຊັດເຈນ, ເອົາໃຈໃສ່ຕິດຕາມ, ກວດກາ.ກໍານົດຕໍາແຫນ່ງງານບໍລິຫານຕາມດຳລັດຂອງລັດຖະບານ ປັບປຸງໂຄງຮ່າງການຈັດຕັ້ງ, ພາລະບົດບາດຂອງແຕ່ລະຂະແຫນງການພາຍໃນດ່ານສາກົນນາເພົ້າໃຫ້ມີຄວາມຄ່ອງຕົວ ແລະ ບັນຈຸບຸກຄະລາກອນຕາມຄວາມຮຽກຮ້ອງຕ້ອງການຂອງຫນ້າວຽກຕົວຈິງ.

ໂອກາດນີ້ ທ່ານ  ປອ ແກ້ວອຸດອນ ບຸດສິງຂອນ ຮອງເຈົ້າແຂວງໆຄໍາມ່ວນ ໄດ້ເນັ້ນຫນັກໃຫ້ບັນດາພະນັກງານພາຍໃນດ່ານສາກົນນາເພົ້າ ສືບຕໍ່ຮັກສາຄວາມສະຫງົບ – ຄວາມເປັນລະບຽບຮຽບຮ້ອຍພາຍດ່ານໃຫ້ຢູ່ໃນສະພາບປົກກະຕິ, ສະກັດກັ້ນ ແລະ ຕ້ານຂະບວນການຂົນສົ່ງຢາເສບຕິດ, ສືບຕໍ່ປັງປຸງ- ກໍ່ສ້າງກໍາລັງປ້ອງກັນຄວາມສະຫງົບໃຫ້ມີຄວາມຫນັກແຫນ້ນ ທາງດ້ານການເມືອງ ມີລະບຽບວິໄນເຂັ້ມງວດ ມີຄວາມສໍານິສໍານານທາງດ້ານວິຊາສະເພາະ ແລະ ມີຄວາມເຂັ້ມແຂງທາງດ້ານການຈັດຕັ້ງສຸມໃສ່ຈັດຕັ້ງປະຕິບັດ 14 ວຽກງານ ຍຸດທະສາດ ປ້ອງກັນຄວາມສະຫງົບຂອງຫ້ອງສັນຕິບານ ປກສ ແຂວງ ຄຳມ່ວນ ວາງອອກໃຫ້ສຳເລັດ ແລະ ໄດ້ຮັບຫມາກຜົນຕາມລະດັບຄາດຫມາຍທີ່ວາງໄວ້.

Off

Comments are closed.