10th Feb2022

ຫົວຫນ້າກົມຕໍາຫຼວດຄຸມຂັງ-ດັດສ້າງ ກະຊວງ ປກສ ໄດ້ໃຫ້ສໍາພາດ ເນື່ອງໃນໂອກາດວັນສ້າງຕັ້ງກໍາລັງຕໍາຫຼວດຄຸມຂັງ-ດັດສ້າງ ຄົບຮອບ 58 ປີ.

by somda phoneor

ພົຈວ ສົມລິດ ດາວຮຸ່ງສຸລິ ຫົວຫນ້າກົມຕໍາຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະຫົງບ ໄດ້ໃຫ້ສໍາພາດ ເນື່ອງໃນໂອກາດວັນສ້າງຕັ້ງກໍາລັງຕໍາຫຼວດຄຸມຂັງ-ດັດສ້າງ ຄົບຮອບ 58 ປີ ຄື: ວັນທີ 9 ກຸມພາ 1964 – 9 ກຸມພາ 2022. ເຊິ່ງທ່ານໄດ້ກ່າວວ່າ: ວຽກງານຄຸມຂັງ-ດັດສ້າງແມ່ນວຽກງານ ວິຊາສະເພາະຫນື່ງຂອງກໍາລັງປ້ອງກັນຄວາມສະຫົງບ ໂດຍແມ່ນ ກໍາລັງຕໍາຫຼວດຄຸມຂັງ-ດັດສ້າງ ເປັນຜູ້ ດໍາເນີນໂດຍກົງດ້ວຍການນໍາໃຊ້ວິທີການ ແລະ ມາດຕະການຢ່າງເຫມາະສົມໃນການຄຸ້ມຄອງ,

ສຶກສາອົບຮົມຕໍ່ນັກໂທດ, ຜູ້ຖຶກດັດສ້າງຕາມແນວທາງນະໂຍບາຍຂອງພັກ, ກົດຫມາຍຂອງລັດ ເພື່ອແນ່ໃສ່ໃຫ້ ເຂົາເຈົ້າດັດປັບ, ຶປ່ຽນແປງທັດສະນະແນວຄິດ ແລະ ການກະທໍາອັນບໍ່ດີ ກັບກາຍມາເປັນພົນລະເມືອງດີສັງຄົມ ເຊີ່ງພາຍຫຼັງພົ້ນໂທດ ຫລື ພົ້ນຈາກການດັດສ້າງໄປແລ້ວ ຈະບໍ່ກັບມາກະທໍາຜິດອີກ. ເປີ ດໄລຍະ 56 ປີ ຜ່ານມາພັກ ແລະ ລັດຖະບານກໍຄືການນຳກະຊວງປ້ອງກັນຄວາມສະຫົງບ ໄດ້ເອົາໃຈໃສ່ຊີ້ນໍາ-ນໍາພາຢ່າງໃກ້ສິດຕໍ່ຂົງເຂດວຽກງານດັ່ງ: ບ່າວເພື່ອເຮັດໃຫ້ມີຄວາມເຕີບໃຫຍ່ເຂັ້ມແຂງ ເທື່ອລະກ້າວ, ໃນໄລຍະຜ່ານມາກົມຄຸມຂັງດັດສ້າງໄດ້ສຸມໃສ່ຈັດຕັ້ງປະຕິບັດໂຄງການວຽກງານຄຸມຂັງດັດສ້າງ ເຊິ່ງມີ 12 ກິດຈະກໍາຄື: ການຊີ້ນໍາບັນຊາ, ວຽກງານປັບປຸງພາຍໃນກໍາລັງ, ວຽກງານປ້ອງກັນເວມຍາມ ຮັບປະກັນຄວາມສະຫງົບປອດໄພ, ວຽກງານຄຸມຂັງນັກໂທດ, ຜູ້ຖືກຫາ, ຜູ້ຖືກດັດສ້າງ, ສຶກສາອົບຮົມນັກໂທດ, ຜູ້ຖຶກດັດສ້າງ, ເຝິກວິຊາຊີບ ແລະ ການຜະລິດແກ້ໄຂຊີວິດການເປັນຢູ່, ບໍາບັດປິ່ນປົວຜູ້ຕິດຢາເສບຕິດຢູ່ຄ້າຍດັດສ້າງ ແລະ ວຽກງານອື່ນໆ.

ສໍາລັບທິດທາງໃນຕໍ່ຫນ້າເພື່ອເຮັດໃຫ້ກໍາລັງຕຳຫຼວດຄຸມຂັງດັດສ້າງເປັນກໍາລັງທີ່ມີຄວາມກ້າວຫນ້າ ສາມາດຕອບສະຫນອງກັບຄວາມຮຽກຮ້ອງຕ້ອງການຂອງຫນ້າທີ່ການເມືອງໃນໄລຍະໃຫມ່, ຈະສຸມໃສ່ ປັບປຸງກໍາລັງທັງດ້ານປະລິມານ ແລະ ຄຸນນະພາບ ຕ້ອງສ້າງກໍາລັງດັ່ງກ່າວເປັນກໍາລັງທີ່ປອດໃສ, ເຂັ້ມແຂງ, ຫນັກແຫນ້ນ, ສ້າງໃຫ້ເປັນຄົນທີ່ຄິດດີ ເວົ້າດີ ແລະ ເຮັດດີ, ສຸມໃສ່ໃນການປັບປຸງວິຊາສະເພາະ ທຸກວຽກງານຕ້ອງມີນິກໍາເປັນບ່ອນອີງໃນການປະຕິບັດ ແລະ ປະຕິບັດໃຫ້ຖືກຕາມນິຕິກໍາ, ຮັບປະກັນດ້ານແນວຄິດທາງນະໂຍບາຍຂອງພັກ ຮັບປະກັນຖືກກັບກົດຫມາຍ ແລະ ລະບຽບການ.

 

Off

Comments are closed.