10th Feb2022

ກອງປະຊຸມສະຫຼຸບການຈັດຕັ້ງປະຕິບັດວຽກງານຄຸມຂັງ-ດັດສ້າງປະຈຳປີ 2021.

by Peaung Thanonkeo

ກົມຕຳຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະຫົງບ ໄດ້ຈັດກອງປະຊຸມປະຈຳປີ 2021 ແລະ ທິດທາງແຜນການວຽກງານຈຸດສຸມປີ 2022. ໃນວັນທີ 10 ກຸມພາ 2022 ນີ້. ພາຍໃຕ້ການເປັນປະທານຂອງ ພົຈວ ສົມລິດ ດາວຮຸ່ງສຸລິ ຄະນະພັກກະຊວງ ຫົວໜ້າກົມຕຳຫຼວດຄຸມຂັງ-ດັດສ້າງ, ມີຄະນະກົມ, ຄະນະພັກ-ຄະນະບັນຊາ ແລະ ບັນດາຄ້າຍຄຸມຂັງທົ່ວປະເທດເຂົ້່າຮ່ວມ.

ພັອ ພັດສະດີ ນວນອາສາ ຮອງຫົວໜ້າກົມຕໍາຫຼວດຄຸມຂັງ-ດັດສ້າງ ໄດ້ສະຫຼຸບຕີລາຄາການຈັດຕັ້ງປະຕິບັດວຽກງານໃນໄລຍະ 1 ປີຜ່ານມາ ແຕ່ລະຄ້າຍໄດ້ເອົາໃຈໃສ່ໃນການປ້ອງກັນເວນຍາມຮັບປະກັນຄວາມປອດໄພຢູ່ຄ້າຍຕົນຮັບຜິດຊອບໂດຍໄດ້ຈັດຕັ້ງການປະຈຳການ, ການປ້ອງກັນເວນຍາມຢູ່ຕາມຈຸດປ້ອມຍາມຕະຫຼອດ 24 ຊົ່ວໂມງ, ການປ້ອງກັນເວລາຄຸມສົ່ງເຄື່ອນຍ້າຍ, ໄປໂຮງໝໍ, ໄປອອກແຮງງານ, ໄປຂຶ້ນສານ, ເອົາໃຈໃສ່ໃນການກວດກາຫ້ອງຂັງ, ກວດກາເຄື່ອງຂອງຝາກຈາກຍາດ ທັງຕິດຕາມຢ່າງໃກ້ຊິດຕໍ່ກັບການພົບປະຢ້ຽມຍາດຂອງເຂົາເຈົ້າສາມາດຮັບປະກັນຄວາມປອດໄພໄດ້ໂດຍພື້ນຖານ.

ໄດ້ເຄື່ອນຍ້າຍນັກໂທດຢູ່ບັນດາແຂວງທົ່ວປະເທດໄປປະຕິບັດໂທດຢູ່ຄ້າຍຄຸມຂັງປະຈຳພາກ ຈຳນວນ 5 ພັນກ່ວາຄົນ, ປະຈຸບັນນັກໂທດ, ຜູ້ຖຶກຫາ, ຜູ້ຖຶກດັດສ້າງຢູ່ບັນດາຄ້າຍຄຸມຂັງປະຈຳພາກ, ຄ້າຍດັດສ້າງ, ສູນຜະລິດທີ່ຂຶ້ນກົມຕຳຫຼວດຄຸມຂັງ-ດັດສ້າງ ຄຸ້ມຄອງມີ 14.557 ຄົນ, ຍິງ 1.251 ຄົນ,  ນັກໂທດ, ຜູ້ຖືກຫາ, ຜູ້ຖຶກດັດສ້າງ ຢູ່ຄ້າຍຄຸມຂັງ-ດັດສ້າງ, ຄ້າຍກັກຂັງຊົ່ວຄາວ ຂອງບັນດາແຂວງ ແລະ ຄ້າຍກັກຂັງຊົ່ວຄາວຂອງກົມໃຫຍ່ຕຳຫຼວດ ມີ 15.637 ຄົນ, ຍິງ 903 ຄົນ. ສັງລວມແລ້ວ ນັກໂທດ, ຜູ້ຖຶກຫາ, ຜູ້ຖຶກດັດສ້າງທົ່ວປະເທດມີທັງໝົດ 38.194 ຄົນ, ຍິງ 2.154 ຄົນ ທຽບໃສ່ປີ 2021 ຫຼຸດລົງ 2.757 ຄົນ, ຍິງ 836 ຄົນ. ໃນປີ ຜ່ານມາ ໄດ້ຈັດຕັ້ງການປະກາດອະໄພຍະໂທດໃຫ້ນັກໂທດປະຫານຊິວິດລົງມາເປັນໂທດຕະຫຼອດຊີວິດ 25 ຄົນ, ອະໄພຍະໂທດປະຈຳປີ ເນື່ອງໃນວັນຊາດທີ 2 ທັນວາ ຕາມລັດຖະດຳລັດຂອງປະທານປະເທດ ມີ 2.564 ຄົນ, ຍິງ 369 ຄົນ, ໃນນີ້ອະໄພຍະໂທດປ່ອຍຕົວ 584 ຄົນ, ຍິງ 92 ຄົນ, ອະໄພຍະໂທດຫຼຸດຜ່ອນໂທດ 1.992 ຄົນ, ຍິງ 280 ຄົນ, ອະໄພຍະໂທດປ່ອຍຕົວນັກໂທດ ໃນໄລຍະຕ້ານພະຍາດໂຄວິດ 19 ຕາມລັດຖະດຳລັດ ຂອງປະທານປະເທດ 572 ຄົນ, ຍິງ 89 ຄົນ, ໄດ້ຈັດຕັ້ງການສຶກສາອົບຮົມນັກໂທດ, ຜູ້ຖຶກຫາ, ຜູ້ຖຶກດັດສ້າງປະຈຳແຕ່ລະໄຕມສດ ແລະ ຈັດຕັ້ງການຮຽນລະບຽບໃຫ້ນັກໂທດ, ຜູ້ຖຶກຫາ, ຜູ້ຖຶກດັດສ້າງໄດ້ຫຼາຍພັນເທື່ອຄົນ. ຜ່ານການສຶກສາອົບຮົມໄດ້ດຮັດໃຫ້ນັກຖທດ, ຜູ້ຖຶກຫາ, ຜູ້ຖຶກດັດສ້າງ ສ່ວນຫຼາຍແມ່ນມີແນວຄິດອຸ່ນອຽນທຸນທ່ຽງຕັ້ງໜ້າຝຶກຝົນຫຼໍ່ຫຼອມຕົນເອງ, ທັງປະກອບສ່ວນເຂົ້າໃນການພັດທະນາຄ້າຍ ແລະ ສ່ວນຫຼາຍທີ່ໄດ້ຮັບການປ່ອຍຕົວອອກສູ່ສັງຄົມໄດ້ກາຍເປັນພົນລະເມືອງດີ ບໍກັບໄປເຄື່ອນໄຫວກະທຳຜິດອີກ ສະແດງອອກຜ່ານການກວດກາ ເກັບກຳຂໍ້ມູນເຫັນວ່າຈຳນວນນັກໂທດ ແລະ ຜູ້ຖຶກດັດສ້າງ ທີ່ໄດ້ຮັບການປ່ອຍຕົວ ຢູ່ບັນດາຄ້າຍທີ່ຂຶ້ນກັບກົມຕຳຫຼວດຄຸມຂັງ-ດັດສ້າງ ປີ 2021ມີ 1.415 ຄົນ ໃນນີ້ມີນັກໂທດ 647 ຄົນ, ຜູ້ຖຶກດັດສ້າງ 768 ຄົນ, ເຊີ່ງພາຍຫຼັງອອກສູ່ສັງຄົມເປັນພົນລະເມືອງດີ 1.377 ຄົນ ກວມ 97% ແລະ ກັບຄືນໄປກະທຳຜິດອີກ 38 ຄົນ. ສຳລັບທິດທາງແຜນການວຽກງານຈຸດສຸມປີ 2022 ສືບຕໍ່ປັບປຸງກົງຈັກການຈັດຕັ້ງ ແລະ ບຳລຸງກໍ່ສ້າງກຳລັງຕຳຫຼວດຄຸມຂັງ-ດັດສ້າງໃຫ້ມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ, ມີລະບຽບງວິໄນເຂັ້ມງວດ, ມີຄວາມຮູ້ຄວາມສາມາດ, ມີຄວາມຊຳນິຊຳນານດ້ານວິຊາສະເພາະ ສາມາດຕອບສະໜອງຄວາມຮຽກຮ້ອງຕ້ອງການຂອງໜ້າທີ່ວຽກງານໃນແຕ່ລະໄລຍະ ຮັບປະກັນຄວາມສະຫົງບປອດໄພ ແລະ ຄວາມເປັນລະບຽບຮຽບຮ້ອຍຢູ່ບັນດາຄ້າຍຄຸມຂັງ-ດັດສ້າງ, ບໍໃຫ້ນັກໂທດ, ຜູ້ຖຶກຫາ, ຜູ້ຖຶກດັດສ້າງ ແຫກຄຸກໂຕນໜີ, ພ້ອມທັງຫັນບັນດານິຕິກຳຮັບໃຊ້ວຽກງານວິຊາສະເພາະໃຫ້ເຂົ້າສູ່ຊິວິດຕົວຈິງໃນການຄຸ້ມຄອງ, ປ້ອງກັນ ແລະ ສຶກສາອົບຮົມນັກໂທດ, ຜູ້ຖຶກຫາ, ຜູ້ຖຶກດັດສ້າງເຂົ້າສູ່ລະບົບລະບຽບຫຼັກການທີ່ໄດ້ກຳນົດໄວ້ຢ່າງເຂັ້ມງວດ.

Off

Comments are closed.