10th Feb2022

ໂຮງຮຽນທິດສະດີການເມືອງ ປກສ ເຜີຍແຜ່ເອກະສານກຽມເປີດບັ້ນດຳເນີນຊີວິດການເມືອງ ປະຈຳປີ 2021.

by somda phoneor

ໂຮງຮຽນທິດສະດີການເມືອງ ປກສ ໄດ້ຈັດຕັ້ງເຜີຍແຜ່ເຊື່ອມຊືມບັນດາເອກະສານສຳຄັນຕ່າງໆ ເພື່ອກຽມເປີດບັ້ນຊີວິດການເມືອງ ເພື່ອສຶກສາອົບຮົມໃຫ້ກຳລັງ ປສກ ມີຄວາມໜັກແໜ້ນທາງດ້ານການເມືອງ-ແນວຄິດ ແລະ ໜັກແໜ້ນທາງດ້ານການຈັດຕັ້ງ, ໃນວັນທີ່ 10 ກຸມພາ 2022ນີ້ໃຫ້ ເຜີຍແຜ່ໂດຍ ພັອ ຊາຍຄອງ ເພັດຊະວົງ ຫົວໜ້າອຳນວຍການໂຮງຮຽນທິດສະດີການເມືອງ ປກສ, ມີບັນດາຄະນະອຳນວຍການ ພ້ອມດ້ວຍພະນັກງານ-ນັກຮົບພາຍໃນໂຮງຮຽນເຂົ້າຮ່ວມ.

ເອກະສານທີ່ນຳມາເຜີຍແຜ່ໃນຄັ້ງນີ້ມີ: ເອກະສານເສີມຂະຫຍາຍທາດແທ້-ມູນເຊື້ອປະຕິວັດອັນສະຫງ່າງານຂອງກຳລັງປ້ອງກັນຄວາມສະຫງົບ,ຕັ້ງໜ້າຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ ແລະ ປັບປຸງແບບແຜນວິທີເຮັດວຽກຂອງນາຍ ແລະ ພົນຕຳຫຼວດໃນໄລຍະໃໝ່, ຈັນຍາທໍາ ແລະ ຈັນຍາບັນຂອງນາຍ ແລະ ພົນຕຳຫຼວດ ແລະ ເອກະສານໂຄສະນາ-ປາຖະກະຖາວັນສ້າງຕັ້ງກອງທັບປະຊາຊົນລາວ 20 ມັງກອນ  ຄົບຮອບ 73 ປີ.

ຈຸດປະສົງເພື່ອເຮັດໃຫ້ນາຍ ແລະ ພົນຕຳຫຼວດ ໄດ້ເຊື່ອມຊຶມ, ກໍາແໜ້ນທາດແທ້ມູນເຊື້ອປະຫວັດອັນສະຫງ່າງາມ, ຜົນງານຳຊຊະນະອັນໃຫຍ່ຫຼວງ ແລະ ການເຕີບໃຫຍ່ຂະຫຍາຍຕົວຂອງ ສອງກຳລັງ ປກຊ-ປກສ ຕະຫຼອດໄລຍະທີ່ຜ່ານມາ, ນອກນັ້ນ ຍັງເປັນການສຳຫຼວດກວດຄືນສະຕິຄວາມຮັບຜິດຊອບຕໍ່ໜ້າທີ່ການເມືອງ, ການຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ ແລະ ແບບແຜນວິທີເຮັດວຽກຂອງນາຍ ແລະ ພົນຕໍາຫຼວດ. ພາຍຫຼັງເຊື່ອມຊືມເອກະສານແລ້ວ ຈະໄດ້ຂຽນໃບສຳຫຼວດຕົນເອງ, ສັງເກດຕີລາຄາຄືນການເຄື່ອນໄຫວປະຕິບັດວຽກງານໃນໄລຍະ 1 ປີຜ່ານມາ, ເພື່ອແກ້ໄຂຈຸດອ່ອນ ແລະ ຂໍ້ຄົງຄ້າງ.

 

 

Off

Comments are closed.