10th Feb2022

ບໍລິສັດທີ່ປຶກສາກົດໝາຍ ອາໄພສັກສິດ ມອບຄອມພີວເຕີ້ຈຳນວນ 2 ເຄື່ອງ ລວມມູນຄ່າ 26 ລ້ານກີບໃຫ້ກົມສື່ມວນຊົນ ປກສ.

by somda phoneor

ວັນທີ 10 ກຸມພາ 2022 ນີ້ ບໍລິສັດທີ່ປຶກສາກົດໝາຍ ນຳໂດຍທ່ານ ສິດປະກອນ ພົມມະວົງສາ ປະທານບໍລິສັດທີ່ປຶກສາກົດໝາຍ ພ້ອມດ້ວຍຄະນະໄດ້ນຳເອົາຄອມພີວເຕີ້ໂນດບຸກຈຳນວນ 2 ເຄື່ອງ ລວມມູນຄ່າ 26,000,000 ກີບ, ມາມອບໃຫ້ກົມສື່ມວນຊົນ ປ້ອງກັນຄວາມສະຫງົບ, ໃຫ້ກຽດມອບໂດຍທ່ານ ສິດປະກອນ ພົມມະວົງສາ ເຊິ່ງທ່ານໄດ້ມີຄຳເຫັນວ່າ: ການປະກອບສ່ວນ ໃຫ້ແກ່ກົມສື່ມວນຊົນປ້ອງກັນຄວາມສະຫງົບ ແມ່ນເປັນທ່າແຮງອັນໜຶ່ງທີ່ມີສ່ວນຮ່ວມຂອງສັງຄົມ ເພື່ອປະກອບສ່ວນທາງດ້ານອຸປະກອນຮັບໃຊ້ວຽກງານວິຊາສະເພາະໃຫ້ແກ່ກຳລັງປ້ອງກັນຄວາມສະຫງົບ ໃຫ້ມີອຸປະກອນຮັບໃຊ້ທີ່ພຽງພໍໃນການຈັດຕັ້ງປະຕິບັດໜ້າທີ່ອັນມີກຽດທີ່ພັກ-ລັດ ການຈັດຕັ້ງຂັ້ນເທີງ ແລະ ປະຊາຊົນມອບໝາຍໃຫ້ເປັນຕົ້ນແມ່ນ ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຢູ່ໃນສັງຄົມ.

ໃນໂອກາດທີ່ມີຄວາມໝາຍສຳຄັນທີ່ທາງບໍລິສັດທີ່ປຶກສາກົດໝາຍ ໄດ້ນຳເອົາຄອບພິວເຕີ້ໂນດບຸກຈຳນວນ 2 ເຄື່ອງ ມາມອບໃຫ້ໃນຄັ້ງນີ້ ພັອ ພອນພິລຸນ ປັນຍາສິລິ ຮອງຫົວໜ້າກົມສື່ມວນຊົນ ປ້ອງກັນຄວາມສະຫງົບ ກໍ່ໄດ້ຕາງໜ້າໃຫ້ແກ່ຄະນະພັກ-ຄະນະບັນຊານາຍ ແລະ ພົນຕຳຫຼວດກົມສື່ມວນຊົນປ້ອງກັນຄວາມສະຫງົບ ໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງທ່ານປະທານບໍລິສັດທີ່ປຶກສາກົດໝາຍທີ່ເຫັນໄດ້ຄວາມໝາຍ,ຄວາມສຳຄັນ ຂອງກົມສື່ມວນຊົນປ້ອງກັນຄວາມສະຫງົບ ຕໍ່ກັບການຈັດຕັ້ງປະຕິບັດໜ້າທີ່ວຽກງານວິຊາສະເພາະໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຈະນຳເອົາວັດຖຸທີ່ນຳມາມອບປະກອບສ່ວນອຸປະຖຳໃນຄັ້ງນີ້ປະກອບສ່ວນເຂົ້າໃນການຈັດຕັ້ງປະຕິບັດໜ້າທີ່ໃຫ້ໄດ້ຮັບໝາກຜົນສູງສຸດ.

Off

Comments are closed.