14th Feb2022

ເຈົ້າໜ້າທີ່ຕຳຫຼວດ ປກສ ແຂວງສະຫວັນນະເຂດ ຈັບຕົວ 02 ສ່ຽວຊີງຊັບພົນລະເມືອງ.

by somda phoneor

ໃນວັນທີ 10 ກຸມພາ 2022ນີ້ ເຈົ້າໜ້າທີ່ພະແນກຕຳຫຼວດສຶບສວນ-ສອບສວນ ກອງບັນຊາການ ປກສ ແຂວງສະຫວັນນະເຂດ ສາມາດກັກຕົວພວກກໍ່ເຫດຊີງຊັບພົນລະເມືອງໄດ້ 02ຄົນ ຄື: ທ້າວ ນຸ່ນແກ້ວ ໄຊກຸສີ ອາຍຸ 32ປີ  ຢູ່ບ້ານ ທົ່ງນາມີ ເມືອງ ປາກກະດິງ ແຂວງບໍລິຄຳໄຊ ແລະທ້າວ ເພັດສະໄໝ ຫຼືເຕ້ຍ ອາຍຸ 42 ປີ ບ້ານໂນນສະຫວາດນະຄອນໄກສອນພົມວິຫານ ແຂວງສະຫວັນນະເຂດ  ຕາມການແຈ້ງຄວາມຂອງຜູ້ຖືກເສຍຫາຍ ແລະ ການເອົາຄຳໃຫ້ການຈາກຜູ້ຖືກຫາທັງສອງໄດ້ຮັບສາລະພາບວ່າ: ໃນເວລາ18ໂມງ 30ນາທີ ຂອງວັນທີ 9 ກຸມພາ 2022 ນີ້ ພວກກ່ຽວທັງສອງໄດ້ຂີ່ລົດຈັກຊ້ອນກັນໄປເຂດວົງວຽນຢູ່ເສັ້ນທາງລາດຊະວົງ ແລະ ໄດ້ດືງເອົາກະເປົາຂອງຜູ້ເສຍຫາຍ ໄດ້ເງີນຈຳນວນ 10 ລ້ານກວ່າດີບ, ໂທລະສັບ 2 ໜ່ວຍ, ບັດ ATM  2 ບັດ ແລະ ບັດປະຈຳຕົວ 1 ບັດ ເຈົ້າໜ້າທີ່ແມ່ນສາມາດເກັບກູ້ເຄື່ອງຄືນມາໄດ້ ໂທລະສັບໄອໂພນ 01 ໜ່ວຍ, ໂທລະສັບຫົວເວີຍ 01 ໜ່ວຍ,  ເງິນກີບ ຈໍານວນ 3,000,000ກີບ, ບັດເອທີເອັມ 02 ບັດ ແລະ ບັດປະຈໍາຕົວ 01ບັດ, ປະຈຸບັນເຈົ້າໜ້າທີ່ພວມດຳເນີນຄະດີຕາມລະບຽບກົດໝາຍ.

Off

Comments are closed.