14th Feb2022

ປີ 2021 ເຈົ້າໜ້າທີ່ມ້າງຄະດີຢາເສບຕິດໄດ້ 3,730 ລາຍ.

by somda phoneor

ພັອ ປອ ບົວພັນ ຟອງມະນີ ຮອງຫົວໜ້າກົມໃຫຍ່ຕຳຫຼວດ ກະຊວງປ້ອງກັນຄວາມສະຫົງບ ໄດ້ໃຫ້ສຳພາດວ່າ: ຜ່ານການຈັດຕັ້ງປະຕິບັດ ວ່າລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດ ທົ່ວປະເທດສາມາດມ້າງຄະດີຢາເສບຕິດໄດ້ 3.730 ລາຍ, ກັກຕົວຜູ້ຖຶກຫາໄດ້ 5.217 ຄົນ, ຍິງ 509 ຄົນ, ຕ່າງປະເທດ 119 ຄົນ, ຍິງ 5 ຄົນ ແລະ ດໍາເນີນຄະດີສຳເລັດ 3.370 ລາຍ, ມີຜູ້ຖຶກຫາ 4.758 ຄົນ, ຍິງ 534 ຄົນ. ຍຶດຂອງກາງຢາເສບຕິດປະເພດຕ່າງໆຄື: ເຮໂລອິນ 467,79 ກິໂລກຼາມ, ຢາບ້າ 14.300,81 ກິໂລກຼາມ, ຢາຝິ່ນ 18,92 ກິໂລກຼາມ, ຄັນຊາ 5.846,69 ກິໂລກຼາມ, ຢາໄອ 2.991,02 ກິໂລກຼາມ, ນ້ຳຢາເຄມີ 10 ກິໂລກຼາມ, ແປ້ງຝຸ່ນເພື່ອນຳມາປະສົມຜະລິດຢາເສບຕິດ 19.480,07 ກິໂລກຼາມ, ກວດພົບເຄື່ອງຂອງກາງທີ່ນຳໃຊ້ເຂົ້າໃນການເຄື່ອນໄຫວກໍ່ການກະທຳຜິດມີ ອາວຸດປືນ 28 ກະບອກ, ລູກປືນ 420 ລູກ, ເງິນກີບ 1 ຕື້ກ່ວາກີບ, ເງິນບາດ 4 ລ້ານກ່ວາບາດ, ເງິນໂດລາ 590 ໂດລາ, ເງິນຢວນ 5 ແສນກ່ວາຢວນ, ເງິນດົງ 1 ລ້ານກ່ວາດົງ ແລະ ເຄື່ອງຂອງກາງອື່ນໆອີກຈໍານວນໜຶ່ງ.

Off

Comments are closed.