16th Feb2022

ທໍາລາຍສວນຝິ່ນທີ່ປະຊາຊົນລັກລອບປູກຫຼາຍກວ່າ 153 ເຮັກຕາ ຢູ່ເມືອງໂພນທອງ ແຂວງຫຼວງພະບາງ.

by somda phoneor

ໃນທ້າຍເດື່ອນມັງກອນຫາຕົ້ນເດືອນກຸມພາ 2022 ນີ້ ເຈົ້າໜ້າທີ່ ກອງບັນຊາການ ປ້ອງກັນຄວາມສະຫງົບ ເມືອງໂພນທອງ ແຂວງຫຼວງພະບາງ ຮ່ວມກັບເຈົ້າໜ້າທີ່ກອງບັນຊາການປ້ອງກັນຄວາມສະຫງົບແຂວງ, ກອງບັນຊາການທະຫານແຂວງ-ເມືອງ ແລະອົງການປົກຄອງບ້ານ ລົງທຳລາຍສວນຝິ່ນທີ່ປະຊາຊົນລັກລອບປູກ ຈຳນວນ 14 ບ້ານ, ເຊີ່ງຜ່ານມາເຈົ້າໜ້າທີ່ ໄດ້ສົມທົບກັບອົງການປົກຄອງເມືອງ ແລະບ້ານ ດຳເນີນການສຶກສາອົບຮົມ ແລະເຮັດບົດບັນທຶກ ກັບອຳນາດການປົກຄອງບ້ານ ລວມທັງເຈົ້າຂອງສວນຝິ່ນທີ່ຢູ່ທັງ 14 ບ້ານ ໃຫ້ຢຸດເຊົາ ແລະໄດ້ອະ ທິບາຍໃຫ້ຮູ້ເຖີງລະບຽບກົດໝາຍ ເພື່ອບໍ່ໃຫ້ສືບຕໍ່ມີການລັກລອບປູກຝິ່ນ, ແຕ່ຍັງພົບເຫັນປະຊາຊົນຈຳນວນໜຶ່ງ ຍັງຝ່າຝືນບໍ່ປະຕິບັດຕາມບົດບັນທຶກ ຍັງມີການລັກລອບປູກຝິ່ນຢູ່ ເຊີ່ງເປັນການສ້າງປະກົດການຫຍໍ້ທໍ້ໃນສັງຄົມ ແລະຜິດຕໍ່ລະ ບຽບກົດໝາຍຂອງ ສປປ ລາວ, ການໄປທຳລາຍສວນຝິ່ນໃນຄັ້ງນີ້ ໄດ້ແບ່ງອອກເປັນ 05 ຈຸ ເຊີ່ງພົບຄວາມຫຍຸ້ງຍາກຫຼາຍປະການ ເປັນຕົ້ນ ສະພາບດິນຟ້າອາກາດບໍ່ອຳນວຍ ອາກາດໜາວ ມີຝົນຕົກ, ເສັ້ນທາງໄປຫາພື້ນທີປູກຝິ່ນ ຢູ່ໄກ ພູຜາສູງຊັນ ທຸລະ ກັນດານ ຕ້ອງໃຊ້ເວລາຍ່າງ 4-5 ຊົ່ວໂມງ ຕາມການກວດກາ ແລະສໍາຫຼວດຕົວຈິງ ທັງ 5 ຈຸດ ພົບເຫັນພື້ນທີປູກຝິ່ນປະມານ 153,74 ເຮັກຕາ, ມີ 23 ຈຸດ ໄດ້ທຳລາຍສຳເລັດ ແລະຍັງອີກຈຳນວນໜຶ່ງ ແມ່ນບໍ່ສາ ມາດທຳລາຍໄດ້ຍ້ອນກົກຢາຝິ່ນຍັງນ້ອຍ ມີເນື້ອທີປະມານ 42,1 ເຮັກຕາ ເຊີ່ງເຈົ້າໜ້າທີ່ ໄດ້ເຮັດບົດບັນທຶກໃຫ້ເຈົ້າຂອງສວນຝິ່ນ ເພື່ອໃຫ້ເຂົາເຈົ້າ ຕື່ນຕົວທຳລາຍເອງ.

 

Off

Comments are closed.