18th Feb2022

1 ປີຜ່ານມາ ຄ້າຍຄຸມຂັງດັດສ້າງ ປກສ ແຂວງໄຊສົມບູນ ສ້າງຜົນງານຫຼາຍດ້ານ.

by somchan

1 ປີຜ່ານມາ ຄ້າຍຄຸມຂັງດັດສ້າງ ປກສ ແຂວງໄຊສົມບູນ ສ້າງຜົນງານຫຼາຍດ້ານ ພັທ ບຸນປອນ ອິນສີຊຽງໃໝ່ ຫົວໜ້າຄ້າຍຄຸມຂັງ-ດັດສ້າງ ກອງປະຊຸມ ປກສ ແຂວງ ໄຊສົມບູນໄດ້ລາຍງານຕໍ່ກອງປະຊຸມສະຫຼຸບວຽງກງານປະຈຳປີ 2021 ແລະ ທິດທາງແຜນການ ປີ 2022 ໄດ້ໃຫ້ຮູ້ວ່າ: 1 ປີຜ່ານມາ ຄະນະພັກ-ຄະນະບັນຊາຄ້າຍຄຸມຂັງ-ດັດສ້າງ ປກສ ໄຊສົມບູນ ໄດ້ສຸມໃສ່ ສຶກສາອົບຮົມການເມືອງນຳພາແນວຄິດ ໃຫ້ກັບພະນັກງານ-ນັກຮົບ ຢ່າງຕັ້ງໜ້າ ເຮັດໃຫ້ນາຍ ແລະ ພົນຕຳຫຼວດຄ້າຍຄຸມຂັງ-ດັດສ້າງ ຮັບຮູ້, ເຂົ້າໃຈຕໍ່ແນວທາງການປ່ຽນແປງໃໝ່ຂອງພັກ, ສຸມໃສ່ກໍ່ສ້າງ, ບຳລຸງ, ຍົກລະດັບຄວາມຮູ້ຄວາມສາມາດທາງດ້ານວິຊາສະເພາະ ຂອງພະນັກງານ-ນັກຮົບ ແລະ ຊັບຊ້ອນພະນັກງານເຂົ້າໃສ່ໜ້າວຽກຕາມຄວາມເໝາະສົມ; ສຸມໃສ່ຈັດຕັ້ງປະຕິບັດການປ້ອງກັນເວນຍາມຕະຫຼອດ 24 ຊົ່ວໂມງຢ່າງເຂັ້ມງວດ. ນອກນັ້ນ, ຍັງໄດ້ສຸມໃສ່ຊີ້ນຳ, ຄຸ້ມຄອງນັກໂທດ, ຜູ້ຖືກຫາ, ຜູ້ຖືກດັດສ້າງ ພ້ອມທັງຈັດຕັ້ງເຜີຍແຜ່ບັນດາຂໍ້ກຳນົດ, ກົດລະບຽບຂອງຄ້າຍຄຸມຂັງ-ດັດສ້າງ, ສຶກສາອົບຮົມການເມືອງແນວຄິດໃຫ້ເຂົາເຈົ້າຮູ້ສຶກກິນແໜງແຄງໃຈຕໍ່ການກະທຳຜິດຂອງຕົນ. ໃນທົ່ວແຂວງມີນັກໂທດທັງໝົດ 89 ຄົນ, ຍິງ 13 ຄົນ, ຜູ້ຖືກຫາ 46 ຄົນ, ຍິງ 05 ຄົນ ແລະ ຜູ້ຖືກດັດສ້າງ 43 ຄົນ. ໃນ 01 ປີຜ່ານມາໄດ້ປ່ອຍຕົວນັກໂທດ ທີ່ປະຕິບັດໂທດຕາມຄຳຕັດສິນຂອງສານ, ປ່ອຍດັດສ້າງຜູ້ທີ່ມີການປະພຶດດີ ແລະ ມອບຄືນໃຫ້ພາກສ່ວນທີ່ກ່ຽວຂ້ອງທັງໝົດ 50 ຄົນ, ໄດ້ຮັບການອະໄພຍະໂທດປ່ອຍຕົວ ຈຳນວນ 03 ຄົນ, ຍິງ 02 ຄົນ ແລະ ຫຼຸດຜ່ອນໂທດ 05 ຄົນ, ຍິງ 02 ຄົນ; ດ້ານວຽກງານພະລາທິການ ໄດ້ສຸມໃສ່ເພີ່ມທະວີວຽກງານເພີ່ມພູນຜະລິດຜົນ ແກ້ໄຂຊີວິດການເປັນຢູ່ ເປັນຕົ້ນແມ່ນການປູກຝັງ, ລ້ຽງສັດ ແລະ ຈັກສານ; ເອົາໃຈໃສ່ກວດກາ, ເບິ່ງແຍງສຸຂະພາບຂອງພະນັກງານ, ນັກໂທດ, ຜູ້ຖືກຫາ ແລະ ດັດສ້າງຢ່າງເປັນປະຈຳ.

Off

Comments are closed.