18th Feb2022

1 ປີ ຜ່ານມາຫ້ອງການກອງບັນຊາການ ປກສ ແຂວງ ອຸດົມໄຊ ໄດ້ສຸມໃສ່ໜ້າທີ່ວຽກງານຢ່າງຕັ້ງໜ້າ ສາມາດຍາດຜົນງານຫຼາຍດ້ານ

by Peaung Thanonkeo

ຫ້ອງການກອງບັນຊາການ ປກສ ແຂວງອຸດົມໄຊ ຍາດໄດ້ຜົນງານຫຼາຍດ້ານ ພັທ ສົມເພັດ ສອນດາລາ ຮອງຫ້ອງການກອງບັນຊາການ ປກສ ແຂວງອຸດົມໄຊໄດ້ກ່າວວ່າ: ໃນ 1 ປີ ຜ່ານມາຫ້ອງການກອງບັນຊາການ ປກສ ແຂວງ ອຸດົມໄຊ ໄດ້ສຸມໃສ່ໜ້າທີ່ວຽກງານຢ່າງຕັ້ງໜ້າ ສາມາດຍາດຜົນງານຫຼາຍດ້ານ ໃນນີ້ສາມາດບັນທຶກເອກະສານຂາເຂົ້າ-ຂາອອກໄດ້ 25.957 ຄັ້ງ, ມີ 34.457 ສະບັບ, ຮັບ-ສົ່ງແຟັກ 1.016 ຄັ້ງ,ມີ 2.821 ສະບັບ,  ສຳນວນ-ສຳເນົາເອກກະສານໄດ້ 1.481ສະບັບ, ເປັນເສນາທິການໃຫ້ແກ່ການຈັດຕັ້ງຂັ້ນເທິງ ແລະ ຮ່າງເອກະສານສຳຄັນຕ່າງໆ ຂອງກອງບັນຊາການໄດ້ 689 ສະບັບ, ພົວພັນປະສານສົມທົບ ແລະ ແລກປ່ຽນສະພາບການຕ່າງໆ ໃນຮູບແບບ ວີດີໂອທັງພາຍໃນ ແລະ ຕ່າງປະເທດ 12 ຄັ້ງ, ລົງກວດກາ ແລະ ສ້ອມແປງເຄື່ອງອຸປະກອນຮັບໃຊ້ວິຊາສະເພາະຫ້ອງການ ຢູ່ບັນດາຫ້ອງ,ກອງ, ເມືອງ ຈຳນວນ 07 ຄັ້ງ ແລະ ຜົນງານການເຄື່ອນໄຫວວຽກງານອື່ນໆອີກຈຳນວນໜຶ່ງ ສຳລັບທິດທາງແຜນການໃນຕໍ່ໜ້າ ຄະນະບັນຊາທຸກຂັ້ນຈະສືບຕໍ່ເພິ່ມທະວີ ວຽກງານສຶກສາອົບຮົມການເມືອງນຳພາແນວຄິດຢ່າງເປັນປົກກະຕິຕໍ່ເນື່ອງ,ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນ,ຕິດພັນກັບການປັບປຸງກົງຈັກການຈັດຕັ້ງໃຫ້ມີຄວາມເຂັ້ມແຂງ, ມີແບບແຜນວິທີເຮັດວຽກທີ່ຖືກຕ້ອງ, ກໍານົດແຜນການວຽກງານຢ່າງລະອຽດຈະແຈ້ງ, ສືບຕໍ່ເປັນເສນາທິການຮັບໃຊ້ວຽກງານໃຫ້ວ່ອງໄວ, ມີຄຸນນະພາບສູງ , ມີການສ່ອງແສງລາຍງານສະພາບເປັນປົກກະຕິ ແລະ ພ້ອມກັນເຮັດສຳເລັດໜ້າທີ່ການເມືອງຂອງຕົນ

 

Off

Comments are closed.