03rd Nov2015

ຄະນະຜູ້ແທນຂັ້ນສູງກະຊວງ ປກສ ລາວ ເດີນທາງຢ້ຽມຢາມເຮັດວຽກຢູ່ ສາທາລະນະລັດ ປະຊາຊົນຈີນ ແລະ ສປປ ເກົາຫຼີ

by somchan

ຄະນະຜູ້ແທນຂັ້ນສູງກະຊວງ ປກສ ນຳໂດຍ ພົຈວ ສົມແກ້ວ ສີລາວົງ ກຳມະການສູນກາງພັກ ລັດຖະມົນຕີວ່າການກະຊວງ ປກສ ສປປລາວ ພ້ອມທັງຄະນະໄດ້ອອກເດີນທາງໄປຢຽມຢາມ ແລະເຮັດວຽກຢູ່ ສປ ຈີນ ແລະ ສປປ ເກົາຫຼີ ໃນວັນທີ 22 ຕາລາ 2015 ນີ້ .

ການເດີນທາງໄປເຄື່ອນໄຫວຢ້ຽມຢາມ ແລະ ເຮັດວຽກຢູ່ສອງປະເທດ ຂອງຄະນະຜູ້ແທນຂັ້ນສູງກະຊວງ ປກສ ລາວຄັ້ງນີ້: ແມ່ນໄປຢຽມຢາມ ແລະ ຈີນ ເພື່ອກອງປະຊຸມຄູ່ເຂລະຈາລັດຖະມົນຕີ, ສປ ຈີນບວກອາຊຽນ ຕາມກົນໄກ ‘ວຽກງານປ້ອງກັນຄວາມສະຫງົບ ເພື່ອຄວາມຂະເລີນຮຸ່ງເຮືອງ; ເຂົ້າຮ່ວມກອງປະຊຸມລັດຖະມົນຕີ ວຽກງານວ່າດ້ວຍການປະຕິບັດການປະຕິບັດກົດໝາຍ ໃນການຮ່ວມມື, ຄວາມປອດໄພ ຂອບເຂດຕາມລຳແມ່ນ້ຳຂອງລະຫວ່າງຂີນ-ອາຊຽນແລະ ພົບປະຢ້ຽມຢາມຢ່າງເປັນທາງການ ກັບກະຊວງຄວາມໜັ້ນຄົງແຫ່ງ ສປ ຈີນ. ພາຍຫຼັງທີ່ສຳເລັດການເຄື່ອນໄຫວເຮັດວຽກຢູ່ ສປ ຂີນ ແລ້ວຄະນະຜູ້ແທນຂັ້ນສູງກະຊວງ ປກສ ລາວ ຍັງຈະໄດ້ເດີນທາງໄປເຄື່ອນໄຫວຢຽມຢາມກະຊວງປກສ ສປປ ເກົາຫຼີ. ທັງນີ້, ກໍເປັນການປະກອບສ່ວນເສີມຂະຫຍາຍສາຍພົວພັນແລະ ການຮ່ວມມີກັບປະເທດເພືອນມິດເພື່ອຍົກສູງ ການຈັດຕັ້ງປະຕິບັດໜ້າທີ່ວຽກງານ ປ້ອງກັນຄວາມສະຫງົບແນ່ໃສ່ປັບປຸງ-ພັດທະນາ ກຳລັງປະກອບອາວຸດ ກໍຄືວຽກງານ ປກສ ຂອງ 3 ປະເທດເພື່ອນມິດ ກະຊວງ ປກສ ລາວ, ກະຊວງຄວາມໝັ້ນຄົງແຫ່ງລັດຈີນ ແລະກະຊວງປ້ອງກັນຄວາມສະຫງົບ ສປປ ເກົາຫຼີ ໃຫ້ເຕີບໃຫຍ່ເຂັ້ມແຂງ ກ້າວຂຶ້ນເຮັດສຳເລັດໜ້າທີ່ວິຊາສະເພາະ ປກສ ຮັບປະກັນໃຫ້ທົ່ວສັງຄົມ ມີຄວາມເປັນລະບຽບຮຽບຮ້ອຍ ແລະ ມີຄວາມສະຫງົບປອດໄພຮອບດ້ານ ເພື່ອກະກຽມຄວາມພ້ອມກະກຽມຄວາມພ້ອມຂອງວຽກງານປ້ອງກັນຄວາມສະຫງົບກ້າວເຂົ້າສູ່ປະຊາຄົມເສດຖະກິດອາຊຽນໃນທ້າຍປີ 2015 ຮັບປະກັນໃຫ້ທົ່ວປວງຊົນມີຄວາມສະຫງົບ, ເປັນລະບຽບຮຽບຮ້ອຍ, ມີສະຖຽນລະພາບການເມືອງໝັ້ນຄົງ. ການເດີນທາງເຄື່ອນໄຫວຢຽມຢາມ ແລະ ເຮັດວຽກຢູ່ສອງປະເທດຂອງຄະນະດັ່ງກ່າວ ແມ່ນຂະໄດ້ເຕື່ອນໄຫວເຮັດວຽກແຕ່ວັນທີ 22-30ຕາລາ 2015

Off

Comments are closed.