18th Feb2022

ຫ້ອງການກວດກາ ແລະ ຄວບຄຸມຢາເສບຕິດ ສະຫຼຸບວຽກງານ ປະຈໍາປີ 2021 ແລະ ວາງທິດທາງແຜນການວຽກງານປີ 2022.

by somda phoneor

ຫ້ອງການກວດກາ ແລະ ຄວບຄຸມຢາເສບຕິດ, ກົມໃຫ່ຍຕໍຫຼວດ, ກະຊວງປ້ອງກັນຄວາມສະຫງົບ, ຈັດກອງປະຊຸມສະຫຼຸບວຽກງານກວດກາ ແລະ ຄວບຄຸມຢາເສບຕິດປະຈໍາປີ 2021 ແລະວາງທິດທາງແຜນການວຽກງານປີ 2022, ໃນວັນທີ 18 ກຸມພາ 2022 ນີ້ , ພາຍໃຕ້ການເປັນປະທານຂອງ ພັອ ອິນປົງ ຈັນທະວົງສາ ຫົວໜ້າຫ້ອງການກວດກາ ແລະ ຄວບຄຸມຢາເສບຕິດ ໃຫ້ກຽດເຂົ້າຮ່ວມ ຂອງພົນຕີ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ, ຫົວໜ້າກົມໃຫ່ຍຕໍຫຼວດ,ກະຊວງປ້ອງກັນຄວາມສະຫງົບ, ມີບັນຄະນະພັກ, ຫ້ອງ, ພະແນກການທີ່ກ່ຽວຂ້ອງ, ແຂກຖືກເຊີນ,ພ້ອມດ້ວຍນາຍ ແລະ ພົນຕໍາຫຼວດເຂົ້າຮ່ວມ.

ພັທ ວົງໄຊ ພັນທະວົງ ຮອງຫົວໜ້າຫ້ອງການກວດກາ ແລະ ຄວບຄຸມຢາເສບຕິດໄດ້ສະຫຼຸບຕີລາຄາດ້ານດີຜົນງານ, ດ້ານອ່ອນທີ່ຍັງຄົງຄ້າງໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະທີ່ໄດ້ຮັບມອບໝາຍ, ທ່ານໄດ້ຍົກໃຫ້ວ່າໂດຍຈັດຕັ້ງປະຕິບັດຕາມພາລະບົດບາດ, ຂອບເຂດສິໜ້າທີ່, ທີ່ໄດ້ຮັບມອບໝາຍ 1ປີ ທີ່ຜ່ານມາຄະນະພັກ, ຄະນະຫ້ອງການກວດກາ ແລະ ຄວບຄຸມຢາເສບຕິດແມ່ນສ້າງໄດ້ຜົນງານ, ຜົນສໍາເລັດໄດ້ຫຼາຍດ້ານສະແດງອອກ: ວຽກງານການເມືອງນໍາພາແນວຄິດ ຄະນະພັກ-ຄະນະບັນຊາ ຫ້ອງການກວດກາ ແລະ ຄວບຄຸມຢາເສບຕິດ ໄດ້ສຸມໃສ່ເຮັດວຽກງານສຶກສາອົບຮົມການເມືອງແນວຄິດໃຫ້ແກ່ພະນັກງານ-ນັກຮົບເປັນປົກກະຕິ ດ້ວຍຫຼາຍຮູບການ ໂດຍຖືເອົາການຮ່ວມຊີວິດຂັ້ນຫ້ອງ, ຂັ້ນພະແນກ,ຈຸ ໜ່ວຍພັກ, ຄຽງຄູ່ກັບການຈັດຕັ້ງເຜີຍແຜ່ເຊື່ອມຊືມມະຕິຄໍາສັ່ງຂອງຂັ້ນເທິງ ເຊິ່ງເຮັດໃຫ້ພະນັກງານ-ນັກຮົບ ເຂົ້າໃຈຕໍ່ແນວທາງນະໂຍບາຍຂອງພັກ,ລະບຽບກົດຫມາຍຂອງລັດ ມີແນວຄິດອຸ່ນອຽນ-ທຸ່ນທ່ຽງເຊື່ອຫມັ້ນຕໍ່ການນໍາພາຂອງພັກ-ລັດ, ມີຄວາມຕື່ນຕົວຫ້າວຫັນຍົກສູງສະຕິຄວາມຮັບຜິດຊອບ, ຕັ້ງໜ້າປະຕິບັດທຸກມະຕິຄໍາສັ່ງຂອງການຈັດຕັ້ງຂັ້ນເທິງ, ພ້ອມດຽວກັນນີ້ກໍ່ໄດ້ສຸມໃສ່ປ້ອງກັນ, ສະກັດກັ້ນ, ຕີຖອຍ ແລະ ຕ້ານປະກົດການຫຍໍ້ທໍ້ທີ່ເກີດຂຶ້ນຢູ່ໃນຖັນແຖວພະນັກງານ-ນັກຮົບໄດ້ຮັບຜົນດີຕະຫຼອດມາ, 1 ປີ ຜ່ານມາໄດ້ລວມສ່ອງແສງລາຍງານປະຈໍາອາທິດ, ປະຈໍາເດືອນ ແລະ ໄດ້ປຶກສາຫາລືວຽກງານສໍາຄັນຕ່າງໆ ລວມ 84 ຄັ້ງ, ມີຜູ້ເຂົ້າຮ່ວມ 725 ເທື່ອຄົນ, ຮັບເອກະຂາເຂົ້າ-ຂາອອໄດ້ 1257 ສະບັບ, ໂຄສະນາເຜີຍແຜ່ຜົນຮ້າຍຂອງຢາເສບຕິດຢູ່ວິທະຍາໄລ, ໂຮງຮຽນ, ບ້ານລຽບຕາມຊາຍແດນໄດ້ 13 ຄັ້ງ, ມີ ຜູ້ເຂົ້າຮ່ວມຮັບຟັງ 3,197 ຄົນ, ໄດ້ສົມທົບກັບຂະແໜງການທີ່ກ່ຽວຂ້ອງ ຄົ້ນຄວ້າອອກແບບຄໍາຂວັນໄດ້ 8 ຄໍາຂວັນ, ແຜ່ນພັບໂປສເຕີ 2 ຮູບແບບ, ແຕ້ມຮູບຕາມຄໍາຂວັນ ເພື່ອເຮັດປ້າຍຂະຫນາດໃຫຍ່ 7 ຮູບແບບ, ສ້າງສະປອດໂຄສະນາ 2 ເລື່ອງ, ສ້າງລະຄອນດວງໃຈແມ່ 1 ເລື້ອງ, ແຕ່ງບົດເພງຕ້ານຢາເສບຕິດ 2 ບົດເພງ, ໄດ້ລົງສໍາຫຼວດເນື້ອທີ່ການລັກລອບປູກຝິ່ນຢູ່ 8 ແຂວງພາກເໜືອ ປະຈໍາສົກປີ 2020-2021 ມີ 156 ຈຸດ, ພົບເຫັນສວນຝືນ 1.278 ຕອນ, ໄດ້ລົງທໍາລາຍສວນຝິ່ນ 569 ເຮັກຕາ, ທໍາລາຍສວນຄັນຊາ 4,2 ເຮັກຕາ, ໄດ້ສ້າງບົດບັນທຶກຢຸດເຊົາການປູກຝິ່ນກັບປະຊາຊົນໄດ້ 12.859 ຄອບຄົວ, ເກັບສະຖິຕິຜູ້ທີ່ມີຄວາມສ່ຽງພົວພັນກັບຢາເສບຕິດທົ່ວປະທດປີ 2021 ມີປະມານ 65 000 ຄົນ, ໄດ້ເກັບກໍາສະຖິຕິ 13 ສູນທົ່ວປະ ເທດ ປີ 2021 ມີຜູ້ເຂົ້າຮັບການບໍາບັດປິ່ນປົວທັງໝົດ 4978 ຄົນ, ຍິງ 160 ຄົນ, ປິ່ນປົວດີແລ້ວກັບບ້ານ 2,806 ຄົນ/ຍິງ 112ຄົນ, ສຶບຕໍ່ປິ່ນປົວ 2.172 ຄົນ, ຍິງ 48 ຄົນ, ນອກນີ້ໜ່ວຍງານບໍລິການປິ່ນປົວ ແລະ ໃຫ້ຄໍາປຶກສາຜູ້ຕິດຢາເສບຕິດຂັ້ນຊຸມຊົນ ຢູ່ ໂຮງໝໍ 28 ແຫ່ງ ປີ 2021 ມີຜູ້ຕິດຢາເສບຕິດເຂົ້າມາປິ່ນປົວ ແລະ ໃຫ້ຄໍາປຶກສາທັງໝົດ 501 ຄົນ, ພໍ່ແມ່ມາໃຫ້ຄໍາປຶກສາ317ຄົນ, ມີຈໍານວນ 2.067 ຄັ້ງ ແລະ ອື່ນໆ.

ໃນໂອກາດນີ້ ພົນຕີ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ, ຫົວໜ້າກົມໃຫ່ຍຕໍຫຼວດໄດ້ມີຄໍາເຫັນໂອ້ລົມຕໍ່ຄະນະພັກ, ຄະນະບັນຊາ, ນາຍ ແລະ ພົນຕໍາຫຼວດຫ້ອງການກວດກາແລະ ຄວບຄຸມຢາເສບຕິດ, ເຊີ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ, ຜົນສໍາເລັດທີ່ຍາດມາໄດ້ໃນ 1ປີຜ່ານມາ ແລະ ພ້ອມທັງເນັ້ນໜັກຫຼາຍວຽກງານໃຫ້ຄະນະພັກ, ຄະນະບັນຊາຫ້ອງການກວດກາ ແລະ ຄວບຄຸມຢາເສບຕິດຕ້ອງສືບຕໍ່ເອົາໃຈໃສ່ເປັນຕົ້ນ:ວຽກງານສຶກສາອົບຮົມການເມືອງ-ແນວຄິດໃນຖັນແຖວພະນັກງານ-ນັກຮົມຕ້ອງເຮັດຢ່າງເປັນປົກກະຕິຕໍ່ເນື່ອງ ແລະ ທົ່ວເຖີງ, ຕິດພັນກັບວຽກງານວິຊາສະເພາະຕ້ອງເຮັດຢ່າງມີຄວາມຮັບຜິດຊອບສູງ, ເຮັດໃຫ້ສໍາເລັດໜ້າທີ່ການເມືອງທີ່ໄດ້ຮັບມອບໝາຍ, ນອກຈາກນີ້ວຽກງານປັບປຸງກົງຈັກການຈັດຕັ້ງ ແລະ ແບບແຜນນໍາພາ, ບັນຊາຕ້ອງສືບຕໍ່ເອົາໃຈໃສ່ປັບປຸງເຮັດໃຫ້ດີຂື້ນເປັນກ່າວໆ, ເພື່ອຕອບສະໜອງໃຫ້ໄດ້ກັບໜ້າທີ່ການເມືອງໃນໄລຍະໃໝ່ທີ່ພັກ-ລັດ, ການຈັດຕັ້ງຂັ້ນເທີງ ແລະ ປະຊາຊົນມອບໝາຍໃຫ້.

 

Off

Comments are closed.