18th Feb2022

ເຈົ້າໜ້າທີ່ວິຊາສະເພາະ ປກສ ເມືອງຄໍາເກີດ ແຂວງບໍລິຄໍາໄຊ ກັກຕົວຜູ້ຄ້າຂາຍຢາເສບຕິດ ພ້ອມຂອງກາງຢາບ້າ 3,839 ເມັດ

by Peaung Thanonkeo

ເຈົ້າໜ້າທີ່ວິຊາສະເພາະ ປກສ ເມືອງຄໍາເກີດ ແຂວງບໍລິຄໍາໄຊ ໃຫ້ຮູ້ວ່າ: ເມືອບໍ່ດົນມານີ້ໄດ້ຮັບແຈ້ງຄວາມຈາກພົນລະເມືອງດີວ່າ ຢູ່ບ້ານໜອງເມກ ແລະ ບ້ານວັງຜາ ເມືອງຄຳເກີດແຂວງ ບໍລິຄຳໄຊ ມີເປົ້າໝາຍຈຳນວນໜືງເຄື່ອນໄຫວຄ້າຂາຍຢາເສບຕິດ ແລະ ໃຊ້ເຄຫະສະຖານ(ເຮືອນ) ເປັນບ່ອນມົ້ວສຸມຢາເສບຕິດ  ຈຳນວນ 7 ຈຸດ

ດັ່ງນັ້ນ ເຈົ້າໜ້າທີສະເພາະກິດຈື່ງໄດ້ພິສູດແຫຼ່ງຂ່າວ ເຫັນວ່າມີມູດຄວາມຈິງ  ທາງເຈົ້າໜ້າທີສະເພາະກິດຈືງໄດ້ສົມທົບກັບພາກສ່ວນທີ່ກ່ຽວຂ້ອງ ຈັດແບ່ງກຳລັງລົງຄົ້ນເຄຫະສະຖານ ຫຼື ເຮືອນ ຂອງເປົ້າໝາຍ ສາມາດກັກຕົວຜູ້ຖືກຫາຄ້າຂາຍຢາເສບຕິດໄດ້  4 ຄົນ ຍິງ 1 ຄົນ ພ້ອມຂອງກາງຢາ 3,839 ເມັດຜູ້ຖືກຫາມີທ້າວ ໄມ ອາຍຸ 37 ປີ ປະຊາຊົນຢູ່ບ້ານໜອງເມກ ເມືອງຄຳເກີດ ແຂວງບໍລິຄຳໄຊ  ພ້ອມຂອງກາງຢາບ້າຈຳນວນ 3,049 ເມັດ ,ທ້າວໄຊດົວຢາງ ອາຍຸ 50 ປີ ປະຊາຊົນບ້ານວັງຜາ ເມືອງຄຳເກີດ  ແຂວງ ບໍລິຄຳໄຊ ຂອງກາງຢາບ້າ 89 ເມັດ ,ທ້າວ ໄຊຄືຢາງ ອາຍຸ 50 ປີ ແລະ ນາງໄມຊົງ ອາຍຸ 46 ປີ ທັງສອງເປັນຜົວເມຍກັນ ຢູ່ບ້ານວັງຜາ ເມືອງຄຳເກີດ ແຂວງບໍລິຄຳໄຊ ຂອງກາງຢາບ້າ 200 ເມັດ ດັ່ງນັ້ນເຈົ້າໜ້າທີ່ວິຊາສະເພາະ ຈື່ງໄດ້ນຳຕົວຜູ້ຖືກຫາ ທັງ 4 ຄົນ ພ້ອມຂອງກາງຢາເສບຕິດຈຳນວນດັ່ງກ່າວ ມາສືບສວນ-ສອບແລະດຳເນີນຄະດີຕາມລະບຽບກົດໝາຍ

 

Off

Comments are closed.