18th Feb2022

1 ປີ ຜ່ານມາຄະນະພັກ-ຄະນະບັນຊາໄດ້ສຸມໃສ່ນຳພາ-ຊີ້ນຳ ເຮັດໜ້າທີ່ການເມືອງດ້ວຍຄວາມຮັບຜິດຊອບສູງ.

by somchan

ພົຈວ ໄຊສີ ແກ້ວສະຫງ່າ ຫົວໜ້າກອງບັນຊາການປ້ອງກັນທີ່ຕັ້ງ ກະຊວງປ້ອງກັນຄວາມສະຫົງບໄດ້ໃຫ້ຮູ້ວ່າ: ໃນໄລຍະ 1 ປີ ຜ່ານມາຄະນະພັກ-ຄະນະບັນຊາໄດ້ສຸມໃສ່ນຳພາ-ຊີ້ນຳ ຫ້ອງ, ກອງພັນ, ກອງຮ້ອຍເອກະລາດທີ່ຂຶ້ນກັບ ເຮັດໜ້າທີ່ການເມືອງຂອງຕົນດ້ວຍຄວາມຮັບຜິດຊອບສູງ,ເປັນໃຈກາງຂົວຕໍ່ລະຫ່ວາງຂັ້ນລຸ່ມ ແລະ ຂັ້ນເທິງ, ເປັນເສນາທິການຊ່ວຍກອງບັນຊາການ ໃນການຄົ້ນຄ້ວາວາງແຜນ, ບັນດາວຽກງານຕ່າງໆ ເປັນຕົ້ນແມ່ນ ໄດ້ນຳເອົາ 4 ວຽກງານໃຫຍ່ 41 ໂຄງການ ຂອງຄະນະບໍລິຫານງານພັກກະຊວງວາງອອກ, ຫັນມາເປັນໂຄງການ, ແຜນການ ແລະ ເປັນກິດຈະກຳໃນການຈັດຕັ້ງປະຕິບັດຕົວຈິງ ໄດ້ດີພໍສົມຄວນ, ຕໍ່ບັນດາກອງພັນ, ກອງຮ້ອຍເອກະລາດ ກໍ່ໄດ້ສຸມໃສ່ຊີ້ນຳ ການເຄື່ອນໄຫວປະຕິບັດໜ້າທີ່ປ້ອງກັນເວນຍາມຈຸດທີ່ຕັ້ງຕ່າງໆຄື: ທົ່ວກອງບັນຊາການປ້ອງກັນທີ່ຕັ້ງ ມີຈຸດປ້ອງກັນທັງໝົ້ດ 121 ຈຸດ ມີ 154 ປ້ອມຍາມ. ໃນນີ້, ປ້ອງກັນສຳນັກງານອົງການ 39 ແຫ່ງ, ມີ 55 ປ້ອມຍາມ, ປ້ອງກັນພື້ນຖານເສດຖະກິດ-ວັດທະນະທໍາ-ສັງຄົມ 57 ແຫ່ງ, ມີ 69 ປ້ອມຍາມ, ປ້ອງກັນສະຖານທູດ-ອົງການຈັດຕັ້ງສາກົນມີ 23 ແຫ່ງ, ມີ 27 ປ້ອມຍາມ, ປ້ອງກັນໂຄງການກໍ່ສ້າງ 2 ແຫ່ງ, ມີ 5 ປ້ອມຍາມ. ນອກຈາກປ້ອງກັນປະຈຳທີ່ແລ້ວຍັງໄດ້ປ້ອງກັນກອງປະຊຸມ ວັນສຳຄັນຕ່າງໆ ແລະ ອື່ນໆໄດ້ມີຄວາມສະຫົງບປອດໄພ 100%. ສັງລວມແລ້ວຄະນະພັກ-ຄະນະບັນຊາກອງບັນຊາການໄດ້ນຳພາ-ຊີ້ນຳ ທົ່ວກອງບັນຊາການຈັດຕັ້ງປະຕິບັດສຳເລັດໜ້າທີ່ການເມືອງຂອງຕົນເພື່ອເຮັດໃຫ້ການເຄື່ອນໄຫວວຽກງານວິຊາສະເພາະ, ກອງບັນຊາການຍັງໄດ້ເຄື່ອນໄຫວເຮັດວຽກງານພະລາທິການຕິດພັນກັບວຽກງານນະໂຍບາຍດ້ານຕ່າງໆເຮັດວຽກງານປ້ອງກັນກຳລັງ ແນ່ໃສ່ແກ້ໄຂປະກົດການຫຍໍ້ທໍ້ພາຍໃນກົມກອງ ແລະ ສຸມໃສ່ເຮັດວຽກງານກໍ່ສ້າງພັກ, ກໍ່ພະນັກງານ ເຮັດໃຫ້ກຳລັງປ້ອງກັນທີ່ຕັ້ງນັບມື້ນັບເຕີບໃຫຍຂະຫຍາຍຕົວຂຶ້ນເລື່ອຍໆ.

 

Off

Comments are closed.