03rd Nov2015

ສະກັດກັ້ນການລັກລອບຂົນສົ່ງສັດປ່າ ຈຳນວນ 78 ໂຕ

by somchan

ໃນວັນທີ 29 ຕຸລາ 2015 ນີ້ ເຈົ້າໜ້າທີ່ກອງກວດກາປ່າໄມ້ ນະຄອນຫຼວງວຽງຈັນກັກຕົວຜູ້ທີ່ລັກລອບ ຂົນສົ່ງສັດປ່າຫວງຫ້າມປະເພດລິ່ນຈຳນວນ 78 ໂຕ, ນ້ຳໜັກປະມານ 350 ກິໂລ ມູນຄ່າ 280ລ້ານກ່ວາກີບ ໄດ້ຢູ່ບ້ານໂຄກຊາຍເມືອງຫາດຊາຍຟອງ ນະຄອນຫຼວງວຽງຈັນ.

ທ່ານແສງອາລຸນ ສຸລິຍະວົງ ຫົວໜ້າກອງກວດກາປ່າໄມ້ ພະແນກກະສິກຳແລະ ປ່າໄມ້ ນະຄອນຫຼວງວຽງຈັນໃຫ້ຮູ້ວ່າ: ໃນວັນທີ 29 ຕຸລາ ນີ້ເຈົ້າທີ່ໜ້າກອງກວດກາປ່າໄມ້ ໄດ້ຮັບແຈ້ງຄວາມຈາກພົນລະເມືອງດີວ່າ: ຈະມີກຸ່ມຄົນບໍ່ດີລັກລອບຂົນສົ່ງສັດປ່າຫວງຫ້າມ ຢູ່ເຂດເມືອງຫາດຊາຍຟອງຈາກປະປະເພື່ອນບ້ານຜ່ານປະເທດລາວໄປຍັງປະເທດທີສາມ, ພາຍຫຼັງໄດ້ຮັບແຈ້ງຄວາມກໍແຕ່ງຕັ້ງເຈົ້າໜ້າທີ່ປະຈຳຈຸດດັ່ງກ່າວເພື່ອສະກັດກັ້ນ, ມາຮອດເວລາປະມານ 23 ໂມງ ພົບເຫັນລົດກະບະຮຸນໄດ໋ສີປອນ ໝາຍເລກທະບຽນ 7935 ກຳແພງນະຄອນ ລົດຄັນຖືກສົງໄສ ທີ່ບັນທຸກລັງສີສົ້ມເຕັມຄັນລົດ, ເຈົ້າທີ່ໜ້າຈຶ່ງສະແດງຕົວກວດຄົ້ນລົດຄັນດັ່ງກ່ກາວ. ຜ່ານການກວດຄົ້ນພົບເຫັນລິນຈຳນວນ 78 ໂຕ , ນ້ຳໜັກປະມານ 350 ກິໂລ ທີ່ຊຸກເຊື່ອງໄວ້ໃນລັງເຈົ້າໜ້າຈຶ່ງໄດ້ກັກຕົວຜູ້ຂັບຂີ່ຄືທ້າວບຸນທະວີ ອາຍຖ38 ປີ ຢູ່ບ້ານໂຄກຊາຍ ມາສືບສວນ-ສອບສວນ ຈຶ່ງຮູ້ວ່າລິນຈຳນວນດັ່ງກ່າວບໍ່ແມ່ນຂອງຜູ້ກ່ຽວ ພຽງແຕ່ພຽງແຕ່ເປັນຜູ້ຈ້າງຂົນສົ່ງໄປບ້ານນາໄຫເມືອງຫາດຊາຍຟອງ ນະຄອນຫຼວງວຽງຈັນ ແລະ ຈະມີຄົນມາຮັບເອົາອີກຕໍ່ໜຶ່ງ ເພື່ອຂົນສົ່ງໄປຍັງປະເທດທີ່ສາມ.

ທ່ານ ແສງອາລຸນ ໃຫ້ຮູ້ຕື່ມອີກວ່າ: ສັດທີ່ຢຶດໄດ້ໃນຄັ້ງນີ້ເປັນສັດທີ່ຫອງຫ້າມປະເພດໜຶ່ງຂອງອົງການສັດປ່າສາກົນ ຫຼື Cites ແລະ ກົດໝາຍສັດນ້ຳ-ສັດປ່າ ຂອງ ສປປລາວ ໃນນີ້ຈຳນວນສັດທີ່ຢືດຍັງມີຊີວິດຢູ່ຈະໄດຟືນແຂງແຮງຈາກນັ້ນກໍປ່ອຍຄືນສູ່ທຳມະຊາດ, ສຳລັບສັດທີ່ຕາຍຈະທຳລາຍຝັງຖິ້ມ ແລະ ດຳເນີນຄະດີກັບຜູ້ກະທຳຜິດ.

Off

Comments are closed.