21st Feb2022

ຍົກລະດັບວິຊາສະເພາະ ໃຫ້ກໍາລັງ ປກສ-ປກຊ ບ້ານນາຂາວ.

by somda phoneor

ທ້າຍອາທິດທີ່ຜ່ານມານີ້ ປກສ ກຸ່ມຫ້ວຍຈຽມ ເມືອງໄຊທານີ ນະຄອນຫຼວງວຽງຈັນ ນໍາໂດຍພັຕ ຮືເຮີ ໄຊເລຍວື ຮອງຫົວໜ້າ ປກສ ກຸ່ມຫ້ວຍຈຽມ ພ້ອມດ້ວຍພະນັກງານພາຍໃນກຸ່ມ ລົງເຄື່ອນໄຫວຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ ເພື່ອຍົກລະດັບວິຊາສະເພາະ ໃຫ້ກໍາລັງ ປກສ-ປກຊບ້ານນາຂາວ ເມືອງໄຊທານີ ເຊີ່ງມີຜູ້ເຂົ້າຮວມທັງໝົດ 27 ຄົນ.

ພັຕ ຮືເຮີ ໄຊເລຍວື ໄດ້ຜ່ານເອກະສານບໍາລຸງສິດ ແລະ ໜ້າທີ່, ທິດທາງ, ແບບແຜນວິທີການເຮັດວຽກຂອງກໍາລັງ ປກສ ແລະ ກອງຫຼອນບ້ານ ໃຫ້ຮັບຮູ້, ເຂົ້າໃຈຢ່າງເລິກເຊິ່ງກ່ຽວກັບສິດ ແລະ ໜ້າທີ່ຂອງກໍາລັງ ປກສ-ປກຊ ເພື່ອນໍາໄປຈັດຕັ້ງປະຕິບັດໃນການແກ້ໄຂປະກົດການຫຍໍ້ທໍ້ຕ່າງໆ ໃຫ້ຫຼຸດໜ້ອຍຖອຍລົງ ເປັນຕົ້ນແມ່ນ ບັນຫາຢາເສບຕິດ, ຂີ້ລັກງັດແງະ ແລະ ອື່ນໆ ພ້ອມທັງກໍານົດຈຸດຫຼໍ່ແຫຼມ ແລະ ຈຸດທີ່ມີຄວາມສ່ຽງກໍ່ໃຫ້ເກີດອາຊະຍາກໍາຕ່າງໆ.

ການອົບຮົມບໍາລຸງສິດ ແລະ ໜ້າທີ່ ໃຫ້ ປກສ-ປກຊ ຄັ້ງນີີ້ ເພື່ອເຮັດໃຫ້ກໍາລັງດັ່ງກ່າວ ມີຄວາມໜັກແໜ້ນທາງດ້ານການເມືອງ, ເຂັ້ມແຂງທາງດ້ານການຈັດຕັ້ງ, ມີລະບຽບວິໄນເຂັ້ມງວດ, ມີຄວາມຊໍານິຊໍານານດ້ານວິຊາສະເພາະ ເຮັດສໍາເລັດໜ້າທີ່ວຽກງານປ້ອງກັນຊາດ ປ້ອງກັນຄວາມສະຫງົບ, ປົກປັກຮັກສາປະເທດຊາດ, ຊີວິດ, ຊັບສິນ ຂອງປະຊາຊົນ ເພື່ອເຮັດໃຫ້ສັງຄົມມີຄວາມສະຫງົບ.

Off

Comments are closed.