22nd Feb2022

ກອງບັນຊາການ ປ້ອງກັນສູນກາງ ເປີດບັ້ນດໍາເນີນຊີວິດການເມືອງ.

by somda phoneor

ກອງບັນຊາການປ້ອງກັນສູນກາງ ກະຊວງ ປກສ ເຜີຍແຜ່ເຊື່ອມຊຶມເອກະສານເພື່ອເປີດບັ້ນດຳເນີນຊີວິດການເມືອງ ຂຶ້ນໃນວັນທີ 22 ກຸມພາ 2022 ນີ້, ພາຍໃຕ້ການເປັນປະທານ ຂອງສະຫາຍ ພົຈວ ສົມພົງ ຂໍາວິລຸນ ຄະນະພັກກະຊວງ ຫົວໜ້າກອງບັນຊາການປ້ອງກັນສູນກາງ, ມີຄະນະກອງບັນຊາການ,ບັນດາຫ້ອງ, ກອງພັນ, ກອງຮ້ອຍ, ໂຮງຮຽນ, ສະມາຊິກພັກ-ພະນັກງານອ້ອມຂ້າງກອງບັນຊາການປ້ອງກັນສູນກາງເຂົ້າຮ່ວມ.

ສະຫາຍ ພົຈວ ສົມພົງ ຂໍາວິລຸນ ກ່າວວ່າ: ການເປີດບັ້ນດຳເນີນຊີວິດການເມືອງທົ່ວກຳລັງປ້ອງກັນສູນກາງ ຄັ້ງນີ້ກໍເພື່ອເຮັດໃຫ້ນາຍ ແລະ ພົນຕໍາຫຼວດຢູ່ບັນດາຫ້ອງ, ກອງພັນ,ກອງຮ້ອຍ, ໂຮງຮຽນເຊື່ອມຊຶມກຳແໜ້ນທາດມູນເຊື້ອປະຕິວັດອັນສະຫງ່າງາມ, ຜົນງານໄຊຊະນະອັນໃຫຍ່ຫຼວງ ແລະ ການເຕີບໃຫຍ່ຂະຫຍາຍຕົວຂອງກໍາລັງປ້ອງກັນຄວາມສະຫງົບ ປະຊາຊົນຕະຫຼອດໄລຍະຜ່ານມາພາຍໃຕ້ການນຳພາເດັດຂາດໂດຍກົງ ແລະ ຮອບດ້ານພ້ອມກັນປົກປັກຮັກສາມູນເຊື້ອດັ່ງກ່າວໃຫ້ນັບມື້ຈະເລີນງອກງາມຂຶ້ນເລື້ອຍໆ ແລະ ຍັງເປັນການສຳຫຼວດກວດກາຄືນສະຕິຄວາມຮັບຜິດຊອບຕໍ່ໜ້າທີ່ການເມືອງ, ການຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດແບບແຜນວິທີເຮັດວຽກຂອງນາຍ ແລະ ພົນຕຳຫຼວດຢູ່ໃນທົ່ວກອງບັນຊາການປ້ອງກັນສູນກາງໄລຍະ 1 ປີ ທີ່ຜ່ານມາ, ເຊິ່ງການເປີດບັ້ນດໍາເນີນຊີວິດໃນຄັ້ງນີ້ຈະເຮັດໃຫ້ນາຍ ແລະ ພົນຕຳຫຼວດທຸກສະຫາຍມີການຫັນປ່ຽນຢ່າງຈະແຈ້ງ, ຕັ້ງໜ້າຝືກຝົນຫຼໍ່ຫຼອມຄຸນສົມບັດສິນທຳປະຕິວັດເພື່ອເຮັດໃຫ້ຕົນເອງກາຍເປັນນາຍ ແລະ ພົນຕໍາຫຼວດທີ່ມີຄຸນທາດການເມືອງໜັກແໜ້ນມີຄວາມຮັບຜິດຊອບສູງໃນການປະຕິບັດໜ້າທີ່ການເມືອງຢ່າງມີຜົນສຳເລັດ.

ເອກະສານທີ່ນໍາມາເຜີຍແຜ່ເຊື່ອມຊຶມໃນຄັ້ງນີ້ມີ: ເອກະສານເສີມຂະຫຍາຍທາດແທ້-ມູນເຊື້ອປະຕິວັດອັນສະຫງ່າງາມຂອງກຳລັງປ້ອງກັນຄວາມສະຫງົບປະຊາຊົນ, ເອກະສານຕັ້ງໜ້າຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດ ແລະ ປັບປຸງແບບແຜນວິທີເຮັດວຽກຂອງນາຍ ແລະ ພົນຕໍາຫຼວດໃນໄລຍະໃໝ່,ເອກະສານຈັນຍາບັນ ແລະ ຈັນຍາທໍາຂອງນາຍ ແລະ ພົນຕໍາຫຼວດພາຍຫຼັງເຜີຍແຜ່ເອກະສານສໍາເລັດຍັງໄດ້ແນະນໍາກ່ຽວກັບການຂຽນໃບສໍາຫຼວດຕົນເອງຂອງນາຍ ແລະ ພົນຕໍາຫຼວດ ເພື່ອຕີລາຄາດ້ານດີ, ດ້ານອ່ອນ ຂໍ້ຄົງຄ້າງ ແລະ ທິດທາງແກ້ໄຂໃນຕໍ່ໜ້າ ພ້ອມທັງຈັດແບ່ງປະເພດແຕ່ລະສະຫາຍ.

 

Off

Comments are closed.