23rd Feb2022

ກົມເສນາທິການ ຫ້ອງວ່າການ ກະຊວງ ປກສ ຈັດກອງປະຊຸມສະຫຼຸບວຽກງານປະຈຳປີ 2021 ແລະ ວາງທິດທາງແຜນການປະຈຳປີ 2022

by somda phoneor

ກົມເສນາທິການ ຫ້ອງວ່າການ ກະຊວງ ປກສ ຈັດກອງປະຊຸມສະຫຼຸບວຽກງານປະຈຳປີ 2021 ແລະ ວາງທິດທາງແຜນການປະຈຳປີ 2022 ໃນວັນທີ 22 ກຸມພາ 2022, ເປັນປະທານໂດຍ ພັອ ວີທອງ ພົມທະວີ ຫົວໜ້າກົມເສນາທິການ,ໃຫ້ກຽດເຂົ້າຮ່ວມໂດຍ ພົຈວ ຈັນສະແຫວງ ທິບຄູນທອງ  ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ, ຄະນະກົມ, ພ້ອມດ້ວຍພະນັກງານຫຼັກແຫຼ່ງພາຍໃນກົມດັ່ງກ່າວເຂົ້າຮ່ວມ.

ໃນກອງປະຊຸມ  ພັອ ວີທອງ ພົມທະວີ ຫົວໜ້າກົມເສນາທິການ ໄດ້ຜ່ານບົດສະຫຼຸບການເຄື່ອນໄຫວວຽກງານຂອງກົມເສນາທິການ ປະຈຳປີ 2021 ແລະ ວາງທິດທາງແຜນການປີ 2022 ທ່ານໄດ້ກ່າວວ່າ: ໃນ 01 ປີຜ່ານມາ ຄະນະພັກ ຄະນະນຳໄດ້ຊີ້ນຳ-ນຳພາ ພະນັກງານ-ນັກຮົບເອົາໃຈໃສ່ວຽກງານວິຊາສະເພາະໃນການຄົ້ນຄ້ວາ, ແຕ່ງເອກະສານຕາມທິດຊີ້ນຳຂອງຂັ້ນເທິງ ,ຕິດຕາມ, ເກັບກຳສະພາບຄົ້ນຄ້ວາສະຫຼຸບເປັນແຕ່ລະເດືອນລາຍງານໃຫ້ຂັ້ນເທິງໄດ້ເປັນປົກກະຕິ, ກວດກາບັນດາເອກະສານ ຕ່າງໆ ເຊັ່ນ: ເອກະສານບົດແນະນຳວຽກງານເສນາທິການ, ບົດສະຫຼຸບປະຈຳເດືອນ, 06 ເດືອນ, ປະຈຳປີ, ເຮັດແຈ້ງການ, ແຈ້ງຕອບໂທລະສັບສາຍດ່ວນ, ບົດລາຍງານ, ໂທລະເລກ, ບົດຄໍາເຫັນ, ສະໂນດນໍາສົ່ງ, ບົດຊີ້ແຈ້ງ ຈໍານວນ 791 ສະບັບ ,ເຂົ້າຮ່ວມຕິດຕາມຮັບຟັງ ແລະ ບັນທຶກກອງປະຊຸມສະໄໝສາມັນເທື່ອທີ 01 ຂອງສະພາແຫ່ງຊາດຊຸດທີ 09 ຈຳນວນ 37 ຄັ້ງ,ເຮັດບົດລາຍງານສະພາບການທີ່ພົ້ນເດັ່ນກ່ຽວກັບຄວາມບໍ່ສະຫງົບທາງດ້ານການເມືອງ ແລະ ຄວາມບໍ່ເປັນລະບຽບ ຮຽບຮ້ອຍ ທາງດ້ານສັງຄົມ ເພື່ອລາຍງານຕໍ່ກອງປະຊຸມສ່ອງແສງຂອງລັດຖະບານ (ໄໝສາມັນ) ແຕ່ລະເດືອນມີ 12 ຄັ້ງ, ມີ 132 ສະບັບ,ສ້າງເອກະສານຕ່າງໆຮັບໃຊ້ກອງປະຊຸມປະຈຳປີ 2021 ແລະ ທິດທາງແຜນການປີ 2022 ຂອງກະຊວງ ປກສ ,ສ້າງເອກະສານຕ່າງໆ ຮັບໃຊ້ບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ 9 ແລະ ສະມາຊິກສະພາປະຊາຊົນແຂວງ ຊຸດທີ 2 ຈຳນວນ 36 ສະບັບ, ລົງກວດກາເກັບກຳຂໍ້ມູນຕ່າງໆຢູ່ທ້ອງຖິ່ນຕາມສະພາບຕົວຈິງ ແລະ ທິດຊີ້ນຳຂອງຂັ້ນເທິງ.ລົງກວດກາວຽກງານປ້ອງກັນໂຄງການກໍ່ສ້າງເສັ້ນທາງລົດໄຟລາວ-ຈີນຢູ່ 04 ແຂວງພາກເໜືອ, ຈຳນວນ 12 ຄັ້ງ, ສ້າງແຜນ ແລະ ເຂົ້າຮ່ວມປ້ອງກັນກອງປະຊຸມ, ງານພິທີສໍາຄັນຕ່າງໆ ແລະ ບຸນປະເພນີທັງລະດັບຊາດ-ສາກົນ ທັງໝົດ 143 ຄັ້ງ,ສ້າງແຜນ ແລະ ເຂົ້າຮ່ວມປ້ອງກັນຄະນະນໍາຂັ້ນສູງ ຜູ້ນຳພັກ-ລັດພາຍໃນ ແລະ ຕ່າງປະເທດ ທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ທັງໝົດ 115 ຄັ້ງ, ສ້າງແຜນ ແລະ ປ້ອງກັນ, ສະກັດກັ້ນ ແລະ ຄວບຄຸມການແຜ່ລະບາດຂອງພະຍາດໂຄວິດ-19. ເຮັດບົດລາຍງານການເປີດທາງ ແລະ ຄຸມແຫ່ການນຳຂັ້ນສູງຂອງ ສປປ ລາວ, ແຂກຕ່າງປະເທດ 01 ປີ ຜ່ານມາ 48 ຄັ້ງ ແລະ ວຽກງານອື່ນໆສຳເລັດຕາມຄາດໝາຍ

ສຳລັບທິດທາງແຜນການໃນຕໍ່ໜ້າ ຈະສືບຕໍ່ສຸມໃສ່ກຳນົດມາດຕະການ, ວິທີການ, ສ້າງແຜນການປ້ອງກັນຢ່າງຮັດກຸມ ແລະ ຈັດຕັ້ງກໍາລັງເຂົ້າຮ່ວມວຽກງານ ປ້ອງກັນກອງປະຊຸມ, ຄະນະຜູ້ແທນຂັ້ນສູງ, ແຂກພາຍໃນ ແລະ ຕ່າງປະເທດ, ງານພິທີການສໍາຄັນຕ່າງໆ (ລະດັບຊາດ, ສາກົນ) ແລະວຽກງານອື່ນໆ ໃຫ້ມີຄວາມສະຫງົບ, ປອດໄພ 100%

Off

Comments are closed.