23rd Feb2022

ກົມສື່ສານ ກະຊວງ ປກສ ໄດ້ເອົາໃຈໃສ່ໃນການປະຕິບັດຫນ້າທີ່ວຽກງານວິຊາສະເພາະມີຜົນສໍາເລັດຫຼາຍດ້ານ.

by somda phoneor

ໃນ 1 ປີຜ່ານມາ ກົມສື່ສານກະຊວງປ້ອງກັນຄວາມສະຫົງບ ໄດ້ເອົາໃຈໃສ່ໃນການ ປະຕິບັດຫນ້າທີ່ວຽກງານວິຊາສະເພາະມີຜົນສໍາເລັດຫຼາຍດ້ານ, ພັອ ບົວຜັນ ສີສະຫັວດ ຮອງຫົວຫນ້າ ກົມສື່ສານໄດ້ໃຫ້ສໍາພາດວ່າ: ໃນໄລຍະຜ່ານມາ ຄະນະພັກ-ຄະນະບັນຊາກົມສື່ສານ ກະຊວງ ປກສ ໄດ້ເອົາໃຈໃສ່ສຶກ. ສາອົບຮົມການເມືອງແນວຄິດໃຫ້ແກ່ກໍາລັງສື່ສານໃຫ້ມີຄຸນທາດການເມືອງຫນັກແຫນ້ນ ມີແນວຄິດ ອຸ່ນ ອ່ຽນທຸ່ນທ່ຽງ,

ຈົ່ງຮັກພັກດີຕໍ່ພັກ-ລັດ, ຮູ້ຮັກວິຊາສະເພາະສື່ສານ ຮັບປະກັນການເປັນເສນາທິ ການໃຫ້ແກ່ການນໍາຂັ້ນຕ່າງໆ, ປະຈໍາການວິຊາສະເພາະຕະຫຼອດ 24 ຊົ່ວໂມງ, ຮັບປະກັນໄດ້ໃນການ ຮັບສົ່ງຂໍ້ມູນຂ່າວສານແຕ່ສູນກາງລົງຮອດທ້ອງຖິ່ນ, ແຕ່ທ້ອງຖິ່ນຂຶ້ນຫາສູນກາງໄດ້ທັນເວລາ ປະຕິບັດຖຶກຕາມພາລະບົດບາດຂອງວິຊາສະເພາະສື່ສານໄດ້ເປັນຢ່າງດີ, ຮັບປະກັນໄດ້ຄວາມລັບ ວ່ອງໄວ ທັນເວລາ ແລະ ຫັນເປັນທັນສະໄຫມ, ຕາຫນ່າງການຕິດຕໍ່ຂອງບັນດາຫ້ອງສາຍໃນທົ່ວປະເທດ ທີ່ນໍາໃຊ້ໄດ້ປົກກະຕິ 262 ຫ້ອງສາຍ, ຢູ່ສູນກາງມີ 3 ຫ້ອງສາຍ, ໄດ້ສ້ອມແປງກ້ອງວົງຈອນປິດທີ ເກີດຈາກອັກຄີໄພ ແລະ ຖຶກໂຄງການ, ຂະຫຍາຍທາງໃຫມ່ ແລະ ກໍ່ສ້າງອາຄານຂອງລັດຖະບານຕ່າງໆ 24 ຄັ້ງ, ກວດເຊັກອຸປະກອນເຕັກນິກຢູ່ບັນດາສະຖານີແຈ້ງເຫດ 1191 ແລະສູນບັນຊາກ້ອງວົງຈອນ ປິດກົມໃຫຍ່ຕໍາຫຼວດ 6 ຄັ້ງ, ສ້ອມແປງກ້ອງວົງຈອນປິດທີ່ໃຊ້ການບໍ່ໄດ້ຈໍານວນ 1.625 ກ້ອງ ມີ 1.182 ເທື່ອຄົນ, ສົມທົບກັບກົມຄຸ້ມຄອງການຜະລິດ-ທຸລະກິດ ກົມໃຫຍ່ພະລາທິການໃນການຄົ້ນຄ້ວາຈັດຫາເຄື່ອງວິທະຍຸສື່ສານເພື່ອປະກອບໃຫ້ກໍາລັງຮັກສາຄວາມປອດໄພ ແລະ ວຽກງານອື່ນໆ. ສໍາລັບທິດທາງຈຸດສຸມປີ 2022 ກົມສື່ສານຈະສຸມໃສ່ໃນການຈັດຕັ້ງປະຕິບັດວາລະແຫ່ງຊາດວ່າດ້ວຍ ການແກ້ໄຂບັນຫາຢາເສບຕິດ ແລະ ຫັນລົງກໍ່ສ້າງຮາກຖານການເມືອງ, ສຸມໃສ່ຈັດຕັ້ງປະຕິບັດ 4 ເຜນງານ 41 ໂຄງການທີ່ກະຊວງປ້ອງກັນຄວາມສະຫົງບວາງອອກໃຫ້ປະກົດຜົນເປັນຈິງ.

Off

Comments are closed.