24th Feb2022

ຊາຍໄວ 72 ປີ ລົງມື ຄາດຕະກຳ ຄົນບ້ານດຽວກັນ ຍ້ອນຄິດສົງໄສເປັນຊູ້ກັບເມຍຂອງຕົນ.

by Peaung Thanonkeo

ໃນວັນທີ 21 ກຸມພາ 2022, ເຈົ້າໜ້າທີ ປກສ ກຸ່ມ 1 ເມືອງໄຊ ແຂວງອຸດົມໄຊ, ໄດ້ຮັບແຈ້ງຄວາມ ຈາກພົນລະເມືອງດີວ່າ: ມີເຫດການຄາດຕະກຳຢູ່ພາຍໃນສວນໝາກນັດ ຂອງປະຊາຊົນເຂດ ບ້ານໂຮມສຸກ ເມືອງໄຊ,

ດັ່ງນັ້ນເຈົ້າໜ້າທີ່ຈິ່ງໄດ້ປະສານສົມທົບກັບອົງການປົກຄອງບ້ານ ແລະ ພາກສ່ວນກ່ຽວຂ້ອງ ລົງກວດກາຊັນນະສູດ ສະຖານທີ ພົບຜູ້ເສຍຊີວິດເປັນເພດຊາຍ  01 ຄົນ, ຊື່ ທ້າວ ແສງທອງ ຢາງ, ອາຍຸ 63 ປີ, ປະຊາຊົນຢູ່ ບ້ານໂຮມສຸກ  ເມືອງໄຊ, ຜ່ານການເກັບກໍາຂໍ້ມູນຫຼັກຖານຕົວຈິງຕໍ່ກັບເຫດການຄາດຕະກໍາ ຢູ່ບໍລິເວນລຳຕົວຂອງຜູ້ເສຍຊີວິດພົບຮອຍບາດແພຖືກແທງດ້ວຍຂອງມີຄົມ ຫຼາຍຈຸດເປັນເຫດເຮັດໃຫ້ຜູ້ເຄາະຮ້າຍເສຍຊີວິດຄາທີ່, ຜ່ານການເກັບກໍາຂໍ້ມູນຫຼັກຖານຮອດ ວັນທີ່ 22 ເດືອນກຸມພາ ປີ2022, ເຈົ້າໜ້າທີ່ຈິ່ງສາມາດກັກຕົວຜູ້ລົງມືກໍ່ເຫດໄດ້ 01 ຄົນ ຊື່ທ້າວ ປາເຢຍຢາ ອາຍຸ 72 ປີ ປະຊາຊົນຢູ່ບ້ານໂຮມສຸກ ເມືອງໄຊ ແຂວງອຸດົມໄຊ, ພ້ອມຂອງກາງໃນການກໍ່ເຫດ(ເປັນມີດ) ຈໍານວນ 01 ດວງ, ຕໍ່ກັບຄະດີດັ່ງກ່າວ ທາງເຈົ້າໜ້າທີ່ວິຊາສະເພາະ ພວມດໍາເນີນຕາມຂັ້ນຕອນຂອງກົດໝາຍ.

Off

Comments are closed.