24th Feb2022

ຄ້າຍກັກຂັງຊົ່ວຄາວ ເມືອງຫາດຊາຍຟອງ ສໍາເລັດສັກຢາວັກແຊ້ງປ້ອງກັນເຊື້ອພະຍາດໂຄວິດ-19 ເຂັມ 1, 2, 3 ໃຫ້ນັກໂທດ ແລະ ຜູ້ຕ້ອງຫາ.

by somda phoneor

ວັນທີ 21 ກຸມພາ 2022 , ພະແນກ ເສນາຮັກ ຫ້ອງພະລາທິການ ກອງບັນຊາການ ປກສ ນະຄອນຫຼວງວຽງຈັນ ສົມທົບກັບກົມເສນາຮັກ ກະຊວງປ້ອງກັນຄວາມສະຫງົບ ໄດ້ຈັດຕັ້ງສັກຢາວັກແຊ້ງປ້ອງກັນເຊື້ອພະຍາດໂຄວິດ-19 ໃຫ້ນັກໂທດ ແລະ ຜູ້ຕ້ອງຫາ ຈໍານວນ 353 ຄົນ, ຍິງ 37 ຄົນ ຢູ່ຄ້າຍກັກຂັງຊົ່ວຄາວ ກອງ ບັນຊາການ ປກສ ເມືອງ ຫາດຊາຍຟອງ ນະຄອນຫຼວງວຽງຈັນ.

ພັທ ນາງ ຈູມມະລີ ພານິພິດ ຫົວຫນ້າພະແນກ ເສນາຮັກ ຫ້ອງພະລາທິການ ກອງບັນຊາການ ປກສ ນະຄອນຫຼວງວຽງຈັນ ໃຫ້ຮູ້ວ່າ: ການຈັດຕັ້ງສັກຢາວັກແຊ້ງໃຫ້ນັກໂທດ ແລະ ຜູ້ຕ້ອງຫາ ໃນຄັ້ງນີ້ ແມ່ນນໍາໃຊ້ຢາວັກແຊ້ງ ຊີໂນຟາມ ( Sinopharm ) ແລະ ແອັດສະຕຣາເຊເນກາ ( Astra Zອnaco ) ເພື່ອເສີມສ້າງພູມຄຸ້ມກັນຈາກເຊື້ອພະຍາດໂຄວິດ-19 ທີ່ກໍາລັງລະບາດໃນປັດຈຸບັນ; ໃນນີ້ມີນັກໂທດ ແລະ ຜູ້ຕ້ອງຫາ ໄດ້ຮັບວັກແຊ້ງເຂັ້ມທີ 1 ມີ 71 ຄົນ, ເຂັ້ມທີ 2 ມີ 17 ຄົນ, ຍິງ 7 ຄົນ ແລະ ເຂັ້ມທີ 3 ມີ 265 ຄົນ, ຍິງ 30 ຄົນ.

Off

Comments are closed.