24th Feb2022

ກັກຕົວເປົ້າໝາຍຄ້າຂາຍຢາເສບຕິດ ພ້ອມຂອງກາງຢາບ້າ 3 ພັນກວ່າເມັດ.

by somchan

ວັນທີ 18 ກຸມພາ 2022 ກອງບັນຊາການ ປກສ ເມືອງສີວັດຕະນາກ ນະຄອນຫຼວງວຽງຈັນ ໄດ້ສືບຕໍ່ຂະຫຍາຍຜົນແກ້ໄຂເປົ້າໝາຍຕາມການຊັດທອດ ຈາກການຮັບສາລະພາບຜູ້ຕ້ອງຫາມົ້ວສຸມຢາເສບຕິດ ຄັ້ງວັນທີ 17 ກຸມພາ 2022 ທີ່ບ້ານສີເມືອງ ແລະ ບ້ານເກົ້າຍອດ ເມືອງສີສັດຕະນາກ ນະຄອນຫຼວງວຽງຈັນ ເຊິ່ງການແກ້ໄຂດັ່ງກ່າວ ເຈົ້າໜ້າທີ່ໄດ້ສົມທົບກັບພະແນກທີ່ກ່ຽວຂ້ອງ ຂອງກອງບັນຊາການ ປກສ ນະຄອນຫຼວງວຽງຈັນ, ປກສ ບ້ານໂຄກໃຫຍ່ ແກ້ໄຂເປົ້າໝາຍຈັບຕົວທ້າວ ວັນຊະນະ ຫຼື ເລ້ ອາຍຸ 40 ປີ. ບ້ານໂຄກໃຫຍ່ ເມືອງໄຊທານີ ນະຄອນຫຼວງວຽງຈັນ ໃນຂໍ້ຫາຄ້າຂາຍຢາເສບຕິດ ພ້ອມຂອງກາງຢາບ້າຈຳນວນ 81 ເມັດ ແລະ ຢາໄອ໌ 2 ຖົງນ້ອຍ. ຜ່ານມາຜູ້ກ່ຽວເຄີຍກະທຳຜິດ ແລະ ຖືກສານຕັດສິນຕັດອິດສະຫຼະພາບຈຳຄຸກມາ 5 ປີ ພາຍຫຼັງພົ້ນໂທດອອກມາ ກໍ່ໄດ້ມີການເຄື່ອນໄຫວກະທຳຜິດອີກ ແລະ ໃນໄລຍະດຽວກັນ ເຈົ້າໜ້າທີ່ໄດ້ຈັບກຸ່ມແກ້ງຄ້າຂາຍຢາເສບຕິດຮ່ວມກັນອີກ 2 ຄົນ ເປັນຜົວ-ເມຍກັນ ຊື່ທ້າວ ອ້າຍ ອາຍຸ 24 ປີ ແລະ ນາງນ້ອຍ ຜູ້ເປັນເມຍ ອາຍຸ 25 ປີ ຢູ່ບ້ານໂຊກໃຫຍ່ ເມືອງໄຊເສດຖາ ນະຄອນຫຼວງວຽງຈັນ ພ້ອມຂອງກາງຢາບ້າ 3,807 ເມັດ.

Off

Comments are closed.