24th Feb2022

ກອງປະຊຸມສະຫຼຸບ ແລະ ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງໜັກແໜ້ນ ອ້ອມຂ້າງກະຊວງ ປກສ ປະຈຳ ປີ 2021.

by Peaung Thanonkeo

ກະຊວງປ້ອງກັນຄວາມສະຫົງບ ໄດ້ສະຫຼຸບ ແລະ ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ ໜັກແໜ້ນ ປະຈຳປີ 2021 ໃນວັນທີ 24 ກຸມພານີ້ໂດຍການເປັນກຽດເຂົ້າຮ່ວມ ຂອງ ພົຕ ວັນທອງ ກອງມະນີ ກຳມະການສູນກາງພັກ ຮອງເລຂາຄະນະພັກ ຮອງລັດຖະມົນຕີກະຊວງປ້ອງກັນຄວາມສະຫົງບ, ມີຄະນະພັກກະຊວງ,ຄະນະພັກ-ຄະນະບັນຊາ,ພະນັກງານຫຼັກແຫຼ່ງກົມກອງອ້ອມຂ້າງກະຊວງເຂົ້າຮ່ວມ.

ພັອ ປອ ຫຸມພັນ ຜິວເຂັມພອນ ຄະນະປະຈຳພັກກົມໃຫຍ່ ຫົວໜ້າກົມພັກ ກົມໃຫຍ່ການເມືອງປ້ອງກັນຄວາມສະຫົງບໄດ້ສະຫຼຸບຕີລາຄາການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນທົ່ວອົງຄະນະພັກ ກະຊວງ ປກສ ປະຈຳປີ 2021 ຄະນະພັກແຕ່ລະຂັ້ນໄດ້ຖືເອົາການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນໄປພ້ອມກັບການຈັດຕັ້ງຜັນຂະຫຍາຍບັນດາມະຕິກອງປະຊຸມໃຫຍ່ຄະນະພັກຂັ້ນເທິງວາງອອກ,ເອົາໃຈໃສ່ກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນຕາມ 5 ເນື້ອໃນທີ່ສູນກາງພັກວາງອອກເປັນບ່ອນອີງ,ຖືເອົາການສຶກສາອົບຮົມການເມືອງ-ນຳພາແນວຄິດເປັນກົກ,ເພີ່ມທະວີການປັບປຸງແບບແຜນນຳພາ,ວິທີເຮັດວຽກຂອງຄະນະພັກບົນພື້ນຖານຫຼັກການຂອງພັກໃຫ້ມີຄວາມເຂັ້ມງວດ ແລະ ສັກສິດ. ຜ່ານການຕີລາຄາແບ່ວປະເພດສະມາຊິກພັກ ແລະ ຕີລາຄາຄັດເລືອກໜ່ວຍພັກປອດໃສ, ເຂັ້ມແຂງ ໜັກແໜ້ນ ທົ່ວອົງຄະນະພັກ ກະຊວງ ປ້ອງກັນຄວາມສະຫງົບມີ ສະມາຊິກພັກມີທັງໝົດ 7.743 ສະຫາຍ,ຍິງ 1.726 ສະຫາຍ ໄດ້ແບ່ງປະເພດມີ 7.540 ສະຫາຍ, ຍິງ 1.672 ສະຫາຍ,ບໍໄດ້ແບ່ງປະເພດ 203 ສະຫາຍ,ສະມາຊິກພັກແຂງ 7229 ສະຫາຍ,ຍິງ 1622 ສະຫາຍ ກວມ 95.87%, ສະມາຊິກພັກກາງ 265 ສະຫາຍ, ຍິງ 44 ສະຫາຍ, ກວມ 3.51%. ທົ່ວອົງຄະນະພັກກະຊວງປ້ອງກັນຄວາມສະຫົງບມີ 13 ອົງຄະນະພັກ,2 ຄະນະພັກຮາກຖານ,1ໜ່ວຍພັກຮາກຖານເອກະລາດ,ມີຮາກຖານພັກ  273 ຫົວໜ່ວຍ,ໃນນັ້ນມີຄະນະພັກຮາກຖານ 19 ຫົວໜ່ວຍ, ໜ່ວຍພັກຮາກຖານ  169 ຫົວໜ່ວຍ,ໜ່ວຍພັກຂຶ້ນກັບຄະນະພັກຮາກຖານ 85 ຫົວໜ່ວຍ,ໄດ້ແບ່ງປະເພດ 249 ຫົວໜ່ວຍ,ບໍໄດ້ແບ່ງປະເພດ 5 ຫົວໜ່ວຍ,ຕີລາຄາແບ່ງປະເພດໄດ້ໜ່ວຍພັກປອດໃສ, ເຂັ້ມແຂງ,ໜັກແໜ້ນ 193 ໜ່ວຍ ທຽບໃສ່ປີ 2020 ເພີ່ມຂຶ້ນ 7 ໜ່ວຍ,ໃນນັ້ນໜ່ວຍພັກທີ່ໄດ້ນາມມະຍົດເປັນໜ່ວຍພັກປອດໃສ,ເຂັ້ມແຂງ,ໜັກແໜ້ນສູງສຸດ 3 ປີຕິດຕໍ່ກັນມີ 124 ໜ່ວຍ,2 ປີຕິດຕໍ່ກັນມີ 27 ໜ່ວຍ ແລະ ສະເໜີໃໝ່42 ໜ່ວຍ,ໂອກາດດຽວກັນນີ້ ພັທ ພຽນສີ ແສງຄຳຢອງ  ຮອງຫົວໜ້າກົມພັກ ກົມໃຫຍ່ການເມືອງປ້ອງກັນຄວາມສະຫົງບ ກໍໄດ້ຜ່ານມະຕິຕົກລົງ ວ່າດ້ວຍການຮັບຮອງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2021 ຈຳນວນ 193 ໜ່ວຍ, ໃຫ້ກຽດມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ໂດຍ ພົຕ ວັນທອງ ກອງມະນີ ກຳມະການສູນກາງພັກ ຮອງເລຂາຄະນະພັກ ຮອງລັດຖະມົນຕີກະຊວງປ້ອງກັນຄວາມສະຫົງບ,ໂອກາດດັ່ງກ່າວທ່ານຍັງໄດ້ໂອ້ລົມ ແລະ ໃຫ້ທິດຊີ້ນຳຄະນະພັກ-ຄະນະບັນຊາ,ພະນັກງານຫຼັກແຫຼ່ງເອົາໃຈໃສ່ວຽກງານສຶກສາອົບຮົມການເມືອງ-ນຳພາແນວຄິດເປັນກົກ,ຮູ້ໝູນໃຊ້ຫຼາຍຮູບ,ຫຼາຍວິທີການ ເພື່ອສຶກສາອົບຮົມແນວຄິດໃຫ້ສະມາຊິກພັກ,ນາຍ ແລະ ພົນຕຳຫຼວດຮັບຮູ້ເຂົ້າໃຈແຈ້ງຕໍ່ແນວທາງການນຳພາຂອງພັກ ຕໍ່່ກຳລັງປ້ອງກັນຄວາມສະຫົງບ,ຄະນະພັກ-ຄະນະບັນຊາແຕ່ລະຂັ້ນຕ້ອງຍົກສູງບົດບາດການນຳພາຂອງຕົນກຳແໜ້ນທັດສະນະການນຳພາຂອງພັດ ຕໍ່ວຽກງານ ປກຊ-ປກສ,ວຽກງານການເມືອງ,ເສດຖະກິດ, ວັດທະນະທຳສັງຄົມ ແລະ ການຕ່າງປະເທດ ເປັນພື້ນຖານໃນການນຳພາວຽກງານຂອງຕົນ,ໃນນັ້ນຕ້ອງພ້ອມກັນຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຫັນເປັນວຽກງານຍຸດທະສາດຂອງກົມກອງພ້ອມກັນປະຕິບັດຢ່າງເຂັ້ມງວດ.

 

 

Off

Comments are closed.