28th Feb2022

ກອງປະຊຸມປຶກສາຫາລື ກ່ຽວກັບຄວາມເປັນເອກກະພາບ ການຕິດຕັ້ງປ້າຍຄໍາຂວັນໂຄສະນາວາລະແຫ່ງຊາດ.

by somda phoneor

ເພື່ອເຮັດໃຫ້ການຈັດຕັ້ງວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ລົງເລິກສູ່ສັງຄົມ ໃຫ້ເປັນພັນທະໜ້າທີ່ ແລະ ຄວາມຮັບຜິດຊອບຂອງທຸກພາກສ່ວນນັ້ນໃນສັງຄົມ ຄະນະອານຸກໍາມະການໂຄສະນາສຶກສາອົບຮົມ ແລະ ປັງປຸງກົງຈັກການຈັດຕັ້ງກະຊວງ ປກສ ຈຶ່ງໄດ້ຈັດຕັ້ງກອງປະຊຸມປຶກສາຫາລື ຄວາມເປັນເອກະພາບ ກ່ຽວກັບການຕິດຕັ້ງປ້າຍໂຄສະນາ ແລະ ຄໍາຂວັນ .ຂື້ນໃນວັນທີ 28 ກຸມພາ 2009 ທີ່ ກອງບັນຊາການ ປກສ ແຂວງ ແກ້ວຈັນດາ ຄະນະປະຈໍາພັກແຂວງ ຫົວຫນ້າກອງບັນຊາການ ປກສ ແຂວງຫລວງພະບາງ, ມີບັນດາ ຄະນະພັກ-ຄະນະກອງບັນຊາການ ປກສ ແຂວງ, ພະແນກການທີ່ກ່ຽວຂ້ອງ ຂອງແຂວງເຂົ້າຮ່ວມ.

ໃນວາລະກອງປະຊຸມ ທ່ານ ພັອ ສອນພະຈັນ ທໍາມະວົງ ຫົວຫນ້າກົມໂຄສະນາ ອົບຮົມ ກະຊວງ ປກສ ໄດ້ໃຫ້ກຽດຂື້ນຊີ້ແຈງ ກ່ຽວກັບຄວາມຫມາຍຄວາມ ສໍາຄັນ ຂອງການຈັດຕັ້ງຜັນຂະຫຍາຍ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບ ຕິດ ໂດຍສະເພາະແມ່ນວຽກງານໂຄສະນາ ສືກສາອົບຮົມ ເຜີຍແຜ່ລະບຽບກົດຫມາຍ ກໍ່ ຄື ຜົນຮ້າຍຂອງຢາເສບຕິດ ໃນນີ້ແມ່ນໄດ້ປຶກສາຫາລືການກໍານົດ ຕິດຕັ້ງປ້າຍໂຄສະນາ ແລະ ຄໍາຂວັນ ຕາມຈຸດທີ່ສໍາຄັນຕ່າງໆ ເປັນຕົ້ນແມ່ນ ປ້າຍຂ້າມທາງ,ປ້າຍທີ່ຢູ່ໃນເຂດຊຸມຊົນ : ຈຸດທາງ 4 ແຍກ,3 ແຍກ ແລະການຕິດຕັ້ງປ້າຍໂຄສະນາຕາມສໍານັກງານ ອົງການ ຂອບ ເຂດ ທົ່ວ ແຂວງຫລວງພະບາງ ໃຫ້ ມີຄວາມຖືກຕ້ອງສອດຄ່ອງ ສາມາດເຂົ້າເຖີງທຸກຊັ້ນຄົນພາຍໃນສັງຄົມ ໄດ້ຮັບຮູ້ ຜົນຮ້າຍ ຄວາມອັນຕະລາຍຂອງຢາເສບຕິດ ແລະພ້ອມກັນ ເປັນເຈົ້າການ ສະກັດກັ້ນບັນຫາຢາເສບຕິດ ຢ່າງແຂງແຮງ. ໂອກາດນີ້ ຕາງຫນ້າ ພະແນກຖະແຫລງຂ່າວ-ວັດທະນະທໍາແຂວງ,ຫ້ອງການ ມໍລະດົກໂລກ ແຂວງ ແລະ ອົງການຈັດຕັ້ງກ່ຽວຂ້ອງໄດ້ ຮ່ວມ ກັນປະກອບຄໍາຄິດເຫັນ ປຶກສາຫາລື ກໍານົດ ແບບ , ແຜນການ ການຕິດຕັ້ງປ້າຍໂຄສະນາ ວາລະແຫ່ງຊາດ ວ່າດ້ວຍການແກ້ໄຂ ບັນຫາຢາເສບຕິດ ແລະປ້າຍຄໍາຂັວນ ຕາມຈຸດທີ່ສໍາຄັນ ຕ່າງໆ ຢ່າງເຫມາະສົມ ເນື່ອງຈາກວ່າ ແຂວງ ຫລວງພະບາງ ເປັນເມືອງມໍລະດົກໂລກ ໃນການປຶກສາຫາລືໃນຄັ້ງນີ້ ບັນດາອົງ ການຈັດຕັ້ງ ແລະ ພະແນກການທີ່ກ່ຽວຂ້ອງ ໄດ້ຕົກລົງເຫັນດີ ເປັນເອກະພາບ ຕິດຕັ້ງ ປ້າຍໂຄສະນາ ແລະ ປ້າຍຄໍາຂັວນ ຕາມຈຸດທີ່ໄດ້ຮ່ວມກັນກໍານົດ ແລະ ໄດ້ມອບຄວາມ ຮັບຜິດຊອບ ການຄຸ້ມຄອງ ປົກປັກຮັກສາ ປ້າຍ-ຄໍາຂວັນ ໂຄສະນາ ວາລະແຫ່ງຊາດ ວ່າ ດ້ວຍການແກ້ໄຂ ບັນຫາຢາເສບຕິດ ໃຫ້ແກ່ ກອງບັນຊາການ ປກສ ແຂວງ ຫລວງພະບາງ ຢ່າງເປັນທາງການ.

ໂອກາດນີ້ ທ່ານ ພົນຈັດຕະວາ ສົມຈັນ ແກ້ວຈັນດາ ຄະນະ ປະຈໍາພັກແຂວງ ຫົວ ຫນ້າກອງບັນຊາການ ປກສ ແຂວງຫລວງພະບາງ ໄດ້ ມີຄໍາເຫັນໂອ້ລົມ ເຊີ່ງທ່ານໄດ້ ສະແດງຄວາມ ເຫັນດີ ເປັນເອກກະພາບຕໍ່ ທິດທາງແຜນການ ຕິດຕັ້ງປ້າຍ-ຄໍາຂວັນກໍ່ຄື ການ ໂຄສະນາ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃນນີ້ ທ່ານໄດ້ ເນັ້ນໃຫ້ອົງການຈັດຕັ້ງ ພະແນກການທີ່ກ່ຽວຂ້ອງທຸກພາກສ່ວນ ໃຫ້ຮ່ວມມືປະສານກົມກຽວ ຫັນເປັນແຜນການອັນລະອຽດ ພ້ອມທັງປຸກລະດົມ ທຸກພາກສ່ວນໃນສັງຄົມ ໃຫ້ເປັນເຈົ້າການສະກັດກັ້ນ ແກ້ໄຂບັນຫາຢາເສບຕິດ ໃຫ້ຫມົດໄປຈາກສັງຄົມລາວ.

 

Off

Comments are closed.