01st Mar2022

ປກສ ເມືອງຮຸນ ທໍາລາຍສວນຝິ່ນທີ່ປະຊາຊົນລັກລອບປູກ 10 ເຮັດຕາ ຢູ່ 2 ບ້ານ.

by somda phoneor

ກາງເດືອນກຸມພາ 2022 ຜ່ານມາ, ກອງບັນຊາການ ປກສ ເມືອງຮຸນ ແຂວງອຸດົມໄຊ ໄດ້ສົມທົບກັບ ປກສ ກຸ່ມບ້ານ ແລະ ພາກສ່ວນທີ່ກ່ຽວຂ້ອງ ລົງສຳຫລວດ ແລະ ທຳລາຍສ່ວນຝິ່ນ ຢູ່ 2 ບ້ານຄື: ເຂດສີບຸນເຮືອງ ບ້ານນໍ້ານ້ອຍ ແລະ ເຂດດົງງອນ ບ້ານພຽງຫໍ້ ເມືອງຮຸນ ແຂວງອຸົມໄຊ ມີ 58 ຕອນ, ລວມເນື້ອທີປູກຝິ່ນທັງໝົດ 10 ເຮັກຕາ.

ຕາມການລາຍງານຈາກ ເຈົ້າໜ້າທີ່ ກອງບັນຊາການ ປກສ ເມືອງຮຸນ ໃຫ້ຮູ້ວ່າ: ການລົງທຳລາຍສວນຝິ່ນໃນຄັ້ງນີ້ ແມ່ນໄດ້ນຳພາກຳລັງແຕ່ລະພາກສ່ວນຖາງ, ຫຼົກຕົ້ນອ່ອນ, ຕົ້ນທີ່ກຳລັງອອກດອກ ແລະ ເປັນໝາກຖິ້ມ ເພື່ອບໍ່ໃຫ້ເຈົ້າຂອງສວນສາມາດເກັບກູ້ນ້ຳຢາງ ແລະ ນຳເອົາແນວພັນຝິ່ນໄປປູກຕໍ່ໄດ້. ພ້ອມກັນນີ້, ກໍໄດ້ນໍາເອົາເຈົ້າຂອງສວນທີ່ລັກລອບປູກຝິ່ນມາສຶກສາອົບຮົມ ແລະ ວາງມາດຕະການຕ່າງໆຕໍ່ຜູ້ທີ່ລັກລອບປູກຝິ່ນ ເພື່ອເຮັດໃຫ້ປະຊາຊົນດັ່ງກ່າວ ເຂົ້າໃຈຕໍ່ແນວທາງການປ່ຽນແປງໃໝ່ຂອງພັກ, ລະບຽບກົດໝາຍຂອງລັດ ເພື່ອແນໃສແກ້ໄຂບັນຫາຢາເສບຕິດຢູ່ໃນທົ່ວເມືອງຮຸນ ໃຫ້ຢຸດຕິການປູກຝິ່່ນແລ້ວຫັນມາປູກຝັງ-ລ້ຽງສັດໃຫ້ກາຍເປັນສິນຄ້າ ຮັບປະກັນໃຫ້ຄອບຄົວຫລຸດພົ້ນອອກຈາກຄວາມທຸກຢາກເທື່ອລະກ້າວ.

ການລົງທໍາລາຍສວນຝິ່ນໃນຄັ້ງນີ້, ກໍເພື່ອປະຕິບັດຕາມຄໍາສັ່ງຂອງ ທ່ານນາຍົກລັດຖະມົດຕີ ວ່າດ້ວຍການເພີ່ມທະວີສະກັດກັ້ນ ແລະ ຕ້ານຢາເສບຕິດ ເປັນຕົ້ນ ການປູກຝີ່ນ, ກັນຊາ, ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການ ແກ້ໄຂບັນຫາຢາເສບຕິດ.

Off

Comments are closed.