01st Mar2022

ກັກຕົວຜູ້ຖືກຫາ ຄ້າ-ຂາຍ, ເສບຢາເສບຕິດ 3 ຄົນ ພ້ອມຢາບ້າ 1,959 ເມັດ.

by somda phoneor

ຫວ່າງບໍ່ດົນມານີ້ເຈົ້າຫນ້າທີ່ຕຳຫຼວດ ກອງບັນຊາການ ປກສ ເມືອງ ສີສັດຕະນາກ ນະຄອນຫຼວງວຽງຈັນ ກັກຕົວ ເປົ້າຫມາຍຄ້າຂາຍເສບຢາເສບຕິດ 3 ຄົນ ພ້ອມຢາເສບຕິດ ປະເພດຢາບ້າ1,959 ເມັດ ຄື: ຊື່ ທ້າວຈັນທະປອນ ຢູ່ບ້ານສີເມືອງ, ທ້າວ ໂດ້ ອາຍຸ 30 ປີ ແລະ ທ້າວ ເລວັນກິນ ຫຼື ປົກ ອາຍຸ 30 ປີ ທັງ ສອງ ຢູ່ບ້ານເກົ້າຍອດ ເມືອງ ສີສັດຕະນາກ ນະຄອນຫຼວງວຽງຈັນ.

ຜ່ານການສອບສວນເບື້ອງຕົ້ນທ້າວ ຈັນທະປອນ ໄດ້ຮັບສາລະພາບວ່າ: ຕົນເອງເລີ່ມເສບຢາບ້າ ປີ 2021 ເຖິງປັດຈຸບັນ, ຢາບ້າທີ່ນໍາມາເສບແຕ່ລະຄັ້ງ ຊື້ນໍາທ້າວ ເລວັນມິນ ຫຼື ປົກ ຢູ່ບ້ານເກົ້າຍອດ. ໃນວັນດຽວກັນ ຈິ່ງຂະຫຍາຍຜົນນໍາຈັບຜູ້ຖືກຊັດທອດຊື່ ທ້າວ ໂດ້ ມາສອບສວນ ຮູ້ໄດ້ວ່າ ຜູ້ກ່ຽວເລີ່ມເສບຢາບ້າ ແຕ່ປີ 2019 ເປັນຕົ້ນມາ, ຢາບ້າທີ່ນໍາມາເສບແຕ່ລະຄັ້ງ ຊື້ນໍາກຸ່ມໄວລຸ້ນ ເຂດ ບ້ານສີເມືອງ, ໃນເວລາຈັບກຸມ ພົບເຫັນຢາບ້າ ທີ່ຊຸກເຊື່ອງໃນຖົງໂສ້ງ 52 ເມັດ, ຈາກນັ້ນ ໃນວັນດຽວກັນສາສາມາດຈັບຜູ້ຮ່ວມຂະບວນການ ຄ້າຂາຍໄດ້ ຊື່ ທ້າວ ເລວັນມິນ ຫຼື ປູກ ພ້ອມຂອງກາງຢາບ້າ 1.907 ເມັດ.

ປັດຈຸບັນ ກອງບັນຊາການ ປກສ ເມືອງສີສັດຕະນາກ ກໍາລັງເລັ່ງສືບສວນ-ສອບສວນ ຊອກຫາກຸ່ມແກ້ງຫາຜູ້ຮ່ວມຂະບວນການ ມາດໍາເນີນຄະດີຕາມຂັ້ນຕອນຂອງກົດຫມາຍ.

ຂ່າວຍັງໃ້ຮູ້ຕື່ມອີກວ່າ:

ອາທິດຜ່ານມານີ້ ປກສ ກຸ່ມດົງໂດກ ນໍາໂດຍ ພັຕ ສີຈັນ ລາດຊະວົງ ຮອງຫົວໜ້າ ປກສ ກຸ່ມ ດົງໂດກ ສົມທົບກັບພະນັກງານກໍ່ສ້າງຮາກຖານການເມືອງ ບ້ານສະພັງເມິກ ເມືອງ ໄຊທານີ ນະຄອນຫຼວງວຽງຈັນ ໄດ້ເຊີນເອົາບັນດາເປົ້າໝາຍທີ່ພົວພັນເສບຢາເສບຕິດ 15 ຄົນຂຶ້ນມາສຶກສາອົບຮົມ.

ການສຶກສາອົບຮົມໃນຄັ້ງນີ້ ໄດ້ເນັ້ນໃຫ້ເປົ້າໝາຍ ທີ່ພົວພັນເສບຢາເສບຕິດຮູ້ໄດ້ເຖິງຜົນຮ້າຍ ແລະ ໄພອັນຕະລາຍຂອງຢາເສບຕິດ ໂດຍສະເພາະຕໍ່ຕົນເອງ ເຮັດໃຫ້ຮ່າງກາຍຈ່ອຍຜອມ, ມີຜົນກະທົບໂດຍກົງຕໍ່ຈິດປະສາດ ຮ້າຍແຮງໄປກວ່ານັ້ນ ຖ້າຫາກເສບຫຼາຍຈະກາຍເປັນບ້າເສຍຈິດ ມັກໃຊ້ຄວາມຮຸນແຮງ ແລະ ອື່ນໆ. ພາຍຫຼັງສຶກສາອົບຮົມແລ້ວ ເຈົ້າໜ້າທີ່ ໄດ້ເຮັດບົດບັນທຶກແລ້ວມອບໃຫ້ຜູ້ປົກຄອງນຳໄປສຶກສາອົບຮົມຄຸ້ມຄອງຕໍ່ໄປ.

Off

Comments are closed.