03rd Mar2022

ກອງປະຊູມຮ່ວມມືຮັກສາຄວາມສະຫງົບລາວ-ຫວຽດນາມຄັ້ງທີ 12 ເພື່ອຂໍ່ານັບຮັບຕອ້ນປີສາມັກຄີມິດຕະພາບລາວ-ຫວຽນາມ,ຫວຽດນາມ-ລາວປີ 2022

by somda phoneor

ກອງປະຊູມຮ່ວມມືຮັກສາຄວາມສະຫງົບລາວ-ຫວຽດນາມຄັ້ງທີ 12 ເພື່ອຂໍ່ານັບຮັບຕອ້ນປີສາມັກຄີມິດຕະພາບລາວ-ຫວຽນາມ,ຫວຽດນາມ-ລາວ ປີ 2022.ໄດ້ຈັດຂື້ນໃນຕອນເຊົ້າວັນທີ3ມີນາ 2022ນີ້.ທີ່ໂຮງແຮມເມືອງແທງ,ນະຄອນຫຼວງວຽງຈັນ,ພ້າຍໃຕ້ການເປັນປະທານຮ່ວມຝ່າຍລາວນໍາໂດຍ ພົນໂທ ກົງທອງ ພົງວິຈິດ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນຄວາມສະຫງົບລາວແລະຝ່າຍຫວຽດນາມນໍາໂດຍ ພົນໂທ ເລືອງ ຕາມກວາງ ກໍາມະການສູນກາງພັກຄອມມູນິດຫວຽດນາມ,ຮອງລັດຖະມົນຕີກະຊວງປ້ອງກັນຄວາມສະຫງົບຫວຽດນາມ,ມີບັນດາຄະນະຜູ້ແທນສອງກະຊວງ,ກົມວິຊາສະເພາະແລະຂະແໜງການທີ່ກ່ຽວຂ້ອງທັງສອງກະຊວງເຂົ້າຮ່ວມ.

ໃນການດໍາເນີນກອງປະຊຸມທີ່ມີຄວາມໝາຍສໍາຄັນນີ້ ພົນໂທ ກົງທອງ ພົງວິຈິດ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນຄວາມສະຫງົບລາວໄດ້ມີຄໍາເຫັນກ່າວເປີດກອງປະຊຸມໃນຄັ້ງນີ້ວ່າ: ກອງປະຊຸມ ໃນຄັ້ງນີ້ກໍ່ເພື່ອເປັນການຕີລາຄາຄືນການຈັດຕັ້ງປະຕິບັດຕາມບົດບັນທຶກຊ່ວຍຈຳກອງປະຊຸມຮ່ວມມືຮັກສາຄວາມສະຫງົບລາວ-ຫວຽດ ຄັ້ງທີ XI ລະຫວ່າງກຳລັງສັນຕິບານລາວ ແລະ ກຳລັງສັນຕິບານ ສສ ຫວຽດນາມ ໃນຮອບ 1 ປີຜ່ານມາ ແລະ ກຳນົດທິດທາງຮ່ວມມືື ໃນຄັ້ງຕໍ່ໄປ.

ໃນກອງປະຊຸມຜູ້ຕາງໜ້າກຳລັງສັນຕິບານສອງຝ່າຍກໍ່ໄດ້ຜັດປ່ຽນກັນແຈ້ງສະພາບການຈັດຕັ້ງປະຕິບັດບັນດາວຽກງານທີ່ໄດ້ເອກະພາບຮ່ວມກັນໃນຄັ້ງຜ່ານມາ,ບັນດາຜູ້ຕາງໜ້າກົມວິຊາສະເພາະ,ບັນດາກອງບັນຊາການ ປກສ ແຂວງລຽບຕາມຊາຍແດນລາວ-ຫວຽດນາມ ໄດ້ຜັດປ່ຽນກັນປະກອບຄຳຄິດຄຳເຫັນ ເຊິ່ງໄດ້ຍົກໃຫ້ເຫັນຜົນການຮ່ວມມືໄລຍະຜ່ານມາ, ຜູ້ຕາງໜ້າຜູ້ແທນທັງສອງຝ່າຍໄດ້ພ້ອມກັນຕີລາຄາສະພາບການສາກົນ,ເລ່ຫຼ່ຽມຂອງກຸ່ມຄົນບໍ່ດີທີ່ຫວັງກໍ່ຄວາມບໍ່ສະຫງົບຢູ່ ສປປ ລາວ ແລະ ສສ ຫວຽດນາມ, ທັງເປັນການເພີ່ມພູນຄູນສ້າງສາຍພົວພັນຮ່ວມມືແບບພິເສດລະຫວ່າງສອງກຳລັງປ້ອງກັນຄວາມຫງົບລາວ ແລະ  ຫວຽດນາມ ເວົ້າລວມ, ເວົ້າສະເພາະ ກໍແມ່ນກຳລັງສັນຕິບານລາວ ກັບ ກຳລັງສັນຕິບານ ຫວຽດນາມ ພ້ອມນີ້ຍັງເປັນການຮ່ວມມືສະເຫຼີມສະຫຼອງວັນເຊັນສົນທິສັນຍາວ່າດ້ວຍການຮ່ວມມືພິເສດຮອບດ້ານລາວ-ຫວຽດນາມ ຄົບຮອບ 45 ປີ, ​ວັນ​ສ້າງ​ຕັ້ງສາຍພົວພັນການທູດ ຄົບຮອບ 60 ປີ ໃຫ້ກ້າວເຂົ້າສູ່ລວງເລິກຍິ່ງໆຂຶ້ນ.

ໃນໂອ​ກາດນີ້ຫົວໜ້າຄະນະຜູ້ແທນທັງສອງຝາຍໄດ້ພ້ອມກັນລົງນາມເຊັນບົດບັນທຶກຊ່ວຍຈໍາ ກອງປະຊຸມຮ່ວມມືຮັກສາຄວາມສະຫງົບລາວ-ຫວຽດນາມ ຄັ້ງທີ XII ຕາງໜ້າເຊັນບົດບັນທຶກຝ່າຍລາວເຊັນໂດຍ ພົທ ກົງທອງ ພົງວິຈິດ ກຳມະການສູນກາງພັກ, ຮອງລັດຖະມົນຕີ ກະຊວງ ປ້ອງກັນຄວາມສະຫງົບ ແລະ ຕາງໜ້າເຊັນບົດບັນທຶກຝ່າຍ ສສ ຫວຽດນາມເຊັນໂດຍ ພົທ ເລືອງ ຕາມກວາງ ກຳມະການສູນກາງພັກຕອມມູນິດຫວຽດນາມ, ຮອງລັດຖະມົນຕີ ກະຊວງ ປ້ອງກັນຄວາມສະຫງົບ  ຫວຽດນາມ.

 

Off

Comments are closed.