03rd Mar2022

ກອງປະຊຸມສະຫຼຸບວຽກງານວິຊາສະເພາະ ປະຈຳປີ 2021 ແລະ ວາງທິດທາງແຜນການ ປີ 2022 ຂອງກົມຕຳຫຼວດສິ່ງແວດລ້ອມ.

by Peaung Thanonkeo

ໃນວັນທີ 3 ມີນານີ້ ກົມຕຳຫຼວດສີ່ງແວດລ້ອມ ກົມໃຫຍ່ຕໍາຫຼວດ ກະຊວງປ້ອງກັນຄວາມສະ ຫົງບ ໄດ້ສະຫຼຸບວຽກງານວິຊາສະເພາະປະຈຳປີ 2021 ແລະ ທິດທາງແຜນການ ປີ2022. ໂດຍການ ເປັນປະທານຂອງ ພັອ ວັນເຮືອງ ຈັນທະພອນ ຫົວໜ້າກົມຕຳຫຼວດສິ່ງແວດລ້ອມ, ມີຄະນະກົມ, ພະ ແນກ, ພະນັກງານຫຼັກແຫຼ່ງ ແລະ ພະນັກງານນັກຮົບເຂົ້າຮ່ວມ.

ພັທ ສຸເພັດ ວົງແກ້ວວິໄລ ຫົວໜ້າຫ້ອງການ ກົມຕຳຫຼວດສິ່ງແວດລ້ອມ ໄດ້ສະຫຼຸບການຈັດຕັ້ງ ປະຕິບັດວຽກງານໃນໄລຍະ 1 ປີຜ່ານມາ ໄດ້ຮັບການສ່ອງແສງລາຍງານສະພາບຈາກພະແນກສີ່ງແວດ ລ້ອມຂອງບັນດາແຂວງຕ່າງໆໃນທົ່ວປະເທດ, ສະແດງອອກມີຄະດີເກີດຂຶ້ນ 9 ເລື່ອງຄື: ການລັກລອບ ຕັດໄມ້, ຊື້ຂາຍ ຫລື ເຄື່ອນຍ້າຍ ແລະ ຍ້ອນຕັດໄມ້ທໍາມະຊາດປະເພດຫວງຫ້າມ ແລະ ໄມ້ພິເສດທີ່ໃກ້ຈະ ສູນພັນ ໂດຍບໍ່ຖືກຕ້ອງຕາມກົດໝາຍ 1 ເລື່ອງ, ການຂຸດຄົ້ນແຮ່ທາດປະເພດຕ່າງໆ 1 ເລື່ອງ, ການ ລັກລອບຄ້າຂາຍສັດປ່າຫວງຫ້າມ 3 ເລື່ອງ, ຍຶດເຄື່ອງຂອງກາງມີ ງາຊ້າງ 1 ຄູ່, ແຫວນເຮັດດ້ວຍງາ ຊ້າງ 1ວົງ, ປະລັກແຂນ, ສາຍຄໍເຮັດດ້ວຍງາຊ້າງ, , ໝີຄວາຍ 2 ໂຕ ແລະ ເຫງັນ 2 ໂຕ, ການລັກລອບຂຸດຄົ້ນແຮ່ ແລະ ບົ່ມແຊ່ແຮ່ໂດຍບໍ່ຖຶກ ຕ້ອງຕາມລະບຽບກົດໝາຍ 1 ເລື່ອງ ການລັກລອບນໍາເຂົ້າຢາສູບຜິດກົດໝາຍ 3 ເລື່ອງ ແລະ ຍຶດຢາສູບໄດ້ 20 ແກັດ, ນອນນັ້ນຍັງໄດ້ປະສານສົມກັບພາກສ່ວນຕ່າງໆທີ່ກ່ຽວຂ້ອງໃນການປຶກສາ ຫາລື ແລະ ແກ້ໄຂ ບັນຫາຕ່າງໆ ໂດຍສະເພາະ ການເຄື່ອນໄຫວຄ້າຂາຍສົ່ງອອກ ແລະ ນຳເຂົ້າສິ່ງ ທີ່ ຜິດກົດໝາຍ ເປັນຕົ້ນແມ່ນ ການລັກລອບຄ້າຂາຍໄມ້ເຖື່ອນ, ລັກນຳເຂົ້າ ແລະ ສົ່ງອອກສັດ-ຊິ້ນສ່ວນ ສັດປ່າຫວງຫ້າມ, ພັນພືດປ່າຊະນິດຕ່າງໆ ແລະ ການນຳເຂົ້າປະເພດອາຫານທະເລແຂ່ແຂງທີ່ບໍ່ຮັບ ປະກັນທາງດ້ານໂພສະນາການ, ການນໍາໃຊ້ສານເຄມີໃນການກະສິກໍາ, ການປ່ອຍກິ່ນຄ້ວນ, ປ່ອຍນໍ້າ ເສຍຂອງໂຮງແຮມ- ຮ້ານອາຫານ, ໂຮງຈັກ-ໂຮງງານ ແລະ ຟາມລ້ຽງສັດປະເພດຕ່າງໆອັນເປັນສາເຫດ ທີ່ສົ່ງຜົນກະທົບໂດຍກົງຕໍ່ສິ່ງແວດລ້ອມ-ສັງຄົມກໍ່ຄືການດຳລົງຊີວິດຂອງປະຊາຊົນທີ່ຢູ່ອ້ອມຂ້າງ.

Off

Comments are closed.