04th Mar2022

ກອງປະຊຸມສອງຝ່າຍລາວ-ໄທ ລະດັບເຈົ້າໜ້າທີ່ອາວຸໂສ ວ່າດ້າຍການຮ່ວມມືເພື່ອຄວບຄຸມຢາເສບຕິດ ຄັ້ງທີ 18

by Peaung Thanonkeo

ກອງປະຊຸມສອງຝ່າຍລາວ-ໄທ ລະດັບເຈົ້າໜ້າທີ່ອາວຸໂສ ວ່າດ້າຍການຮ່ວມມືເພື່ອຄວບຄຸມຢາເສບຕິດ ຄັ້ງທີ 18 ໄດ້ຈັດໃນຕອນເຊົ້າ ວັນທີ 4 ມີນາ 2022 ທີ່ໂຮງແຮມຄຣາວພາຊາ ນະຄອນຫຼວງວຽງຈັນ, ໂດຍການເປັນປະທານຮ່ວມຂອງ ພັອ ອິນປົງ ຈັນທະວົງສາ ຫົວໜ້າຫ້ອງການກວດກາ ແລະ ຄວບຄຸມຢາເສບຕິດ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫົງບ ລາວ ແລະ ທ່ານ ວິໄຊ ໄຊມຸງຄຸນ ເລຂາທິການສຳນັກງານປ້ອງກັນ ແລະ ປາບປາມຢາເສບຕິດ ແຫ່ງຣາຊະອານາຈັກໄທ ມີຄະນະຜູ້ແທນທັງສອງຝ່າຍເຂົ້າຮ່ວມ.

ພັອ ອິນປົງ ຈັນທະວົງສາ ໄດ້ກ່າວວ່າ: ສະພາບບັນຫາຢາເສບຕິດຢູ່ ສປປລາວ ຍັງມີລັກຊະນະຂະຫຍາຍຕົວ ແລະ ແຜ່ລະບາດ ໃນປີ2021 ຜ່ານມາເຈົ້າໜ້າທີ່ປະຕິບັດມາດຕະການທາງດ້ານກົດໝາຍຂອງ ສປປລາວ ສາມາດມ້າງຄະດີຢາເສບຕິດໄດ້ທັງໝົດ 3.730 ເລື່ອງ ສາມາດກັກຕົວຜູ້ຖຶກຫາ 5.217 ຄົນ. ຕໍ່ກັບບັນຫາດັ່ງກ່າວ, ລັດຖະບານແຫ່ງ ສປປລາງໄດ້ມີຄວາມມຸ້ງໝັ້ນໃນການແກ້ໄຂບັນຫາດັ່ງກ່າວ. ໃນນີ້ໄດ້ມີການຈັດຕັ້ງນຳພາ-ຊີ້ນຳ, ມີທິດທາງ, ມີນິຕິກຳຕ່າງໆທີ່ກ່ຽວຂ້ອງກັບການກວດກາ ແລະ ຄວບຄຸມຢາເສບຕິດໂດຍສະເພາະແມ່ນໄດ້ປັບປຸງບາງມາດຕາຂອງກົດໝາຍວ່າດ້ວຍຢາເສບຕິດ ແລະ ລັດຖະບານກໍໄດ້ຍົກບັນຫາຢາເສບຕິດຂຶ້ນເປັນວາລະແຫ່ງຊາດ, ພາຍຫຼັງການປະຕິບັດເນື້ອໃນວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ລວມທັງໄດ້ຮັບການສະໜັບສະໜູນ, ປະສານສົມທົບຮ່ວມມືຊ່ວຍເຫືອເຊີ່ງກັນແລະກັນລະຫ່ວາງປະເທດໃກ້ຄຽງ ແລະ ສາກົນ ເຊື່ອໝັ້ນວ່ສບັນຫາຢາເສບຕິດໃນ ສປປລາວ ຈະໄດ້ຮັບການແກ້ໄຂໃຫ້ຫຼຸດໜ້ອຍຖອຍລົງເທື່ອລະກ້າວ. ກ່ຽວກັບການປະຕິບັດແຜນການໃນບົດບັນທຶກກອງປະຊຸມຮ່ວມມືສອງຝ່າຍລາວ-ໄທ ຄັ້ງທີ 17 ວ່າດ້ວຍການຮ່ວມມືຄວບຄຸມຢາເສບຕິດ ເຫັນວ່າມີຜົນສຳເລັດໃນຫລາຍດ້ານທັງໃນຂັ້ນສູນກາງ ແລະ ທ້ອງຖິ່ນ ໂດຍສະເພາະແມ່ນການແລກປ່ຽນຂໍ້ມູນຂ່າວສານເຊີ່ງກັນ ແລະ ກັນ, ການຮ່ວມມືກັນກວດກາ, ສະກັດກັ້ນການລັກລອຍລຳລຽງຂົນສົ່ງຢາເສບຕິດຂ້າມຊາດ, ນອກນັ້ນ ຍັງໄດ້ມີການຮ່ວມມື6 ຝ່າຍ: ລາວ-ຈີນ-ມຽນມາ-ໄທ-ກຳປູເຈຍ-ຫວຽດນາມ ເພື່ອແກ້ໄຂບັນຫາທີ່ກ່ຽວພັນກັບຢາເສບຕິດຕາມລຳແມ່ນ້ຳຂອງຕື່ມອີກ. ໃນກອງປະຊຸມທັງສອງຝ່າຍຍັງໄດ້ລາຍງານສະພາບບັນຫາຢາເສບຕິດຢູ່ທັງສອງປະເທດ, ລາຍງານຄວາມຄືບໜ້າຜົນການຈັດຕັ້ງປະຕິບັດເນື້ອໃນກອງປະຊຸມຮ່ວມມືສອງຝ່າຍລາວ-ໄທຄັ້ງທີ່17, ປຶກສາຫາລືບັນຫາຕ່າງໆ ແລະ ການຮັບຮອງເອົາວາລະກອງປະຊຸມຄັ້ງທີ18.

Off

Comments are closed.