04th Mar2022

ກັກຕົວກຸ່ມຄົນເຜີຍແຜ່ພາບສິ່ງລາມົກຜ່ານແອັບ BIGO LIVE.

by somda phoneor

ໃນວັນທີ 24 ກຸມພາ 2022 ເຈົ້າໜ້າທີ່ ປກສ ເມືອງສີສັດຕະນາກ ສົມທົບກັບອໍານາດການປົກຄອງບ້ານດອນນົກຂຸ້ມ ລົງແກ້ໄຂເຫດການການເຜີຍແຜ່ພາບສິ່ງລາມົກຜ່ານລະບົບອອນລາຍ ຢູ່ບ້ານດອນນົກຂຸ້ມ ເມືອງສີສັດຕະນາກ ນະຄອນຫຼວງວຽງຈັນ. ສາມາດກັກຕົວພວກກະທໍາຜິດໄດ້ 10 ຄົນ ຍິງ 6 ຄົນ ເພື່ອດໍາເນີນຄະດີຕາມກົດຫມາຍ.

ຜ່ານການເຂົ້າກວດຄົ້ນເຄຫະສະຖານ ພົບເຫັນກຸ່ມໄວລຸ້ນກໍາລັງຖ່າຍຮູບພາບ ແລະ ວີດີໂອ ການມີເພດສຳພັນ ເພື່ອເຜີຍແຜ່ຜ່ານທາງສື່ສັງຄົມອອນໄລ ຜ່ານແອັບ BIGO LIVE; ໃນນີ້ມີ ນາງ ຊັນນີ້ ອາຍຸ 21 ປີ ເຈົ້າຂອງເຮືອນເຊົ່າ. ນາງ ນໍ້າເຜິີ້ງ ອາຍຸ 21 ປີ, ນາງ ໄຂ່ມຸກ ອາຍຸ 23 ປີ, ນາງ ຕຸກຕາ ອາຍຸ 22 ປີ, ນາງ ຈີງ ອາຍຸ 18 ປີ, ນາງ ມຸກ ອາຍຸ 20 ປີ, ທ້າວ ໄພທູນ ອາຍຸ 19 ປີ, ທ້າວ ແສງເພັດ ອາຍຸ 32 ປີ, ທ້າວ ມິ້ກກີ້ ອາຍຸ 19 ປີ ແລະ ທ້າວ ຫວັງ ມິງຄາຍ (WANG Mingkai) ອາຍຸ 36 ປີ.          ພັທ ສຸບັນໄຊ ບຸນມາວົງ ຫົວໜ້າພະແນກຕໍາຫຼວດ ກອງບັນຊາການ ປກສ ເມືອງສີສັດຕະນາກ ໄດ້ໃຫ້ຮູ້ວ່າ: ເຫດການເຜີຍແຜ່ພາບສິ່ງລາມົກຜ່ານລະບົບອອນລາຍ ຢູ່ບ້ານດອນນົກຂຸ້ມ ໂດຍແມ່ນທ້າວ ຫວັງ ມິງຄາຍ  ກັບນາງ ຊັນນີ ເປັນແຟນກັນ, ປະກອບອາຊີບຄ້າຂາຍເຄື່ອງທາງອອນໄລ, ເຊົ່າເຮືອນຢູ່ບ້ານດອນນົກຂຸ້ມ ເມືອງສີສັດຕະນາກ ທັງສອງມີຄວາມຄິດພາກັນຊັກຊວນເອົາຍີງສາວລາວ ແລະ ຊາຍໜຸ່ມ ມາສະແດງຖ່າຍພາບ ແລະ ວີດີໂອ ສີ່ງລາມົກ ຖ່າຍທອດສົດຜ່ານແອັບ BIGO LIVE ຜູ້ສະແດງຈະໄດ້ຮັບຄ່າຕອບແທນເປັນເງິນເດືອນ, ພາຍຫຼັງເຈົ້າໜ້າທີ່ ເຂົ້າແກ້ໄຂ ຈິ່ງໄດ້ນຳຕົວພວກກ່ຽວມາກັກກັນຕາມມາດຕະການປ້ອງກັນ, ຄວບຄຸມການແຜ່ລະບາດພະຍາດ ໂຄວິດ-19 ຮອດກໍານົດຈິ່ງຈະນໍາຕົວມາດໍາເນີນຄະດີຕາມກົດໝາຍ.

Off

Comments are closed.