06th Nov2015

ກະຊວງ ປກສ ປາຖະກະຖາ ວັນປະກາດເອກະລາດ 12 ຕຸລາ

by somchan

ກະຊວງປ້ອງກັນຄວາມສະຫງົບໄດ້ຈັດຕັ້ງປາຖະກະຖາ ວັນປະກາດເອກະລາດ 12 ຕຸລາຄົບຮອບ 70 ປີ ແລະ ເຜີຍເອກະສານ ລືບລ້າງຄວາມທຸກຍາກ ໃນວັນທີ 5 ພະຈິກ 2015 ນີ້ ໃຫ້ກຽດປາຖະກະຖາໂດຍ ພົນຈັດຕະວາ ກົງທອງ ພົງວິຈິດ ຄະນະປະຈຳພັກກະຊວງ ລັດຖະມົນຕີຊ່ວຍວ່າການກະຊວງປ້ອງກັນຄວາມ ສະຫງົບ, ມີຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງ ບັນດາກົມກອງອ້ອມຂ້າງກະຊວງເຂົ້າຮ່ວມ.

kongthonh01

ພົຈວ ກົງທອງ ພົງວິຈິດ ໄດ້ເລົ່າຄືນມູນເຊື້ອ ແລະ ປະຫວັດຄວາມເປັນມາຂອງວັນທີ 12 ຕຸລາ 1945 ເຊິ່ງເປັນວັນທີ່ຊາວໂລກໄດ້ຮັບຮູ້ກ່ຽວກັບຄວາມເປັນລາວ ກໍຄືເຂດນ້ຳແດນດິນຂອງປະເທດລາວ ຍ້ອນແນວນັ້ນພັກ-ລັດຖະບານເຮົາຈຶ່ງຖືເອົາວັນທີ 12 ຕຸລາ 1945 ເປັນວັນປະຫວັດສາດຂອງຊາດ, ເປັນວັນແຫ່ງຄວາມເອກອ້າງທະນົງໃຈຕໍ່ກັບຄວາມອາດຫານຊານໄຊ ໃນການຕໍ່ສູ້ຂອງປະຊາຊົນລາວບັນດາເຜົ່າຕໍ່ສັດຕູຜູ້ຮຸກຮານ ຈົນສາມາດຍາດໄດ້ຄວາມເປັນເອກກະລາດ. ຈາກນັ້ນມານໍ້າໃຈວັນທີ 12 ຕຸລາ ຈຶ່ງກາຍເປັນມູນເຊື້ອແຫ່ງການຕໍ່ສູ້ມີໄຊຂອງຄົນລາວຜູ້ຮັກຊາດພາຍໃຕ້ການນຳພາຂອງພັກ ເພື່ອສືບຕໍ່ເສີມຂະຫຍາຍມູນເຊື້ອ 12 ຕຸລາ ມະຫາໄຊ, ຄະນະພັກທຸກຂັ້ນຕ້ອງເອົາໃຈໃສ່ສຶກສາອົບຮົມການເມືອງແນວຄິດຂອງພະນັກງານ, ສະມາຊິກພັກ ແລະ ປະຊາຊົນບັນດາເຜົ່າໃຫ້ເຊີດຊູ້ນ້ຳໃຈຮັກຊາດຕິດກັບການຊຸກຍູ້ການພັດທະນາໃຫ້ດຳເນີນໄປຢ່າງຕັ້ງໜ້າ ແລະ ເປັນຂະບວນການຕໍ່ເນື່ອງ ໂອກາດດຽວກັນຍັງໄດ້ເຜີຍແຜ່ເອກະສານລືບຄວາມທຸກຍາກອັນການສະແດງເຖິງຄວາມມຸ່ງໝັ້ນອັນເດັດດ່ຽວໜຽວແໜ້ນຂອງລັດຖະບານ ແລະ ຄວາມມຸ່ງໝາດປາດຖະໜາອັນແຮງກ້າຂອງປະຊາຊົນລາວໃນການແກ້ໄຂຄວາມທຸກຍາກ ໂດຍສົມທົບຖືກຕ້ອງມູນເຊື້ອແລະ ທ່າແຮງຂອງຊາດ ເຂົ້າກັບກຳລັງແຮງແຫ່ງຍຸກສະໄໝ, ຍູ້ແຮງການຈັດຕັ້ງປະຕິບັດຄາດໝາຍສູ້ຊົນໃນການລືບລ້າງຄວາມທຸກຍາກໃຫ້ໄດ້ໂດຍພື້ນຖານໃນປີ 2015 ນຳເອົາປະເດອອກຈາກສະຖານະພາບປະເທດດ້ອຍພັດທະນາ ໃນປີ 2020, ຫັນເປັນອຸດສາຫະກຳ ແລະ ທັນສະໄໝ ສ້າງປະຖົມປັດໄຈພື້ນຖານກ້າວຂຶ້ນສັງຄົມນິຍົມຕາມທິດປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ ສັງຄົມສາມັກຄີປອງດອງ ມີປະຊາທິປະໄຕ ຍຸດຕິທຳ ແລະ ສີວິໄລ.

12.10.1945

Off

Comments are closed.