07th Mar2022

ເຈົ້າໜ້າທີ່ ປກສ ເມືອງໄຊ ລົງເຄື່ອນໄຫວປາບປາມຈຸດມົ້ວສຸມຢາເສບຕິດ ພ້ອມກັກຕົວຜູ້ລະເມີດດຳເນີນຄະດີ.

by Peaung Thanonkeo

ໃນວັນທີ 02 ມີນາ 2022ນີ້ ຄະນະບັນຊາວຽກງານປ້ອງກັນຄວາມສະຫງົບ ເມືອງໄຊ ແລະ ການຈັດຕັ້ງກ່ຽວຂ້ອງ ລົງຕິດຕາມກຸ່ມເປົ້າໝາຍທີ່ມີການເຄື່ອນໄຫວ ມົ້ວສຸມ ແລະ ຊື້ຂາຍ ຢາເສບຕິດລາຍຍ່ອຍຢູ່ ບ້ານພູຂຽວ, ເມືອງໄຊ, ແຂວງອຸດົມໄຊ ຜ່ານການລົງເກັບກໍາສາມາດກັກຕົວເປົ້າໝາຍໄດ້ 11 ຄົນ ພ້ອມ ທັງຢຶດຂອງກາງ ຢາບ້າ ຈໍານວນ 378 ເມັດ, ເຮໂລອິນ 01 ກຳໃຫຍ່, 21 ກຳນ້ອຍ ພ້ອມດ້ວຍອຸປະກອນເສບອີກຈໍານວນໜຶ່ງ.

ເຈົ້າຫນ້າທີ່ພະແນກຕໍາຫຼວດ ສະກັດກັ້ນ ແລະ ຕ້ານຢາເສບຕິດ ປກສ ເມືອງໄຊ ໄດ້ໃຫ້ຮູ້ວ່າ: ພາຍຫຼັງໄດ້ຮັບແຈ້ງຈາກແຫຼ່ງຂ່າວວ່າ ມີກຸ່ມຄົນຈໍານວນໜຶ່ງເຄື່ອນໄຫວ ມົ້ວສຸມຊື້-ຂາຍຢາເສບຕິດຢູ່ເຂດບ້ານ ພູຂຽວ, ເມືອງໄຊ, ແຂວງອຸດົມໄຊ ຈຶ່ງໄດ້ຈັດວາງກໍາລັງອອກກວດກາ ຕິດຕາມເປົ້າໝາຍ, ຈົນຮອດວັນທີ 2 ມີນາ 2022 ຈຶ່ງໄດ້ນຳກຳລັງ ວິຊາສະເພາະເຂົ້າຈັບກຸມເປົ້າໝາຍໄດ້ 11 ຄົນ ຊື່ ທ້າວ ເຊັງ ອາຍຸ 38 ປີ, ນາງ ວ້າມີ ອາຍຸ 65 ປີ, ນາງ ຈົງວໍ ອາຍຸ 35 ປີ ທັງ 03 ຄົນເປັນຄອບຄົວດຽວກັນ ພ້ອມ ຂອງກາງຢາບ້າຈໍານວນ  118 ເມັດ, ເຮໂຣອິນ ຈໍານວນ: 20 ກຳນ້ອຍ, ເງີນກີບທະນາຄານ ຈໍານວນ : 460.000 ກີບ.

ນາງ ດົວວ້າ ອາຍຸ 61 ປີ ພ້ອມຢາບ້າຈໍານວນ: 186 ເມັດ, ເຮໂຣອິນ ຈໍານວນ: 01 ກຳນ້ອຍ, ເງີນກີບ ຈໍານວນ : 4,083.000 ກີບ, ບັ້ງເສບ : 03 ບັ້ງ, ປ້າຍທະບຽນລົດຈັກ ( ປ້າຍເຫຼືອງ 01 ອັນ), ໂທລະສັບ 02 ຫນ່ວຍ, ຖົງຢາງໃສຢາບ້າ 02 ຖົງ; ທ້າວ ເລົ່າຊົງ ອາຍຸ 36 ປີ ພົບ ຂອງກາງ ບັ້ງເສບ : 03 ບັ້ງ, ເຈ້ຍເຫຼືອມ 01 ກໍ້; ທ້າວ ເຢຍຢາງ ອາຍຸ 27, ນາງ ຈັນຫຼ້າ ອາຍຸ 25 ປີ ທັງສອງເປັນຄູ່(ຜົວເມຍ) ຂອງກາງຢາບ້າຈໍານວນ: 29 ເມັດ, ບັ້ງເສບ : 02 ບັ້ງ, ທໍ່ເສບ : 03 ອັນ, ໂທລະສັບ 02 ຫນ່ວຍ, ປືນດັດແປງ 02 ກະບອກ; ທ້າວ ຈືລີຢາງ ອາຍຸ 39 ມີເຄື່ອງຂອງກາງ ຢາບ້າຈໍານວນ: 05 ເມັດ, ບັ້ງເສບ : 6 ບັ້ງ, ໂທລະສັບ 02 ໜ່ວຍ, ເງີນໝັນ 01 ໝັນ, ຕາດ່ຽງສັ່ງຢາຝິ່ນ 01 ອັນ, ເງີນກີບ: 72,000 ກີບ, ນາງ ປາຢາງ ມີຂອງກາງ ຢາບ້າຈໍານວນ: 02 ເມັດ, ບັ້ງເສບ : 02 ບັ້ງ, ນາງ ເຊັງຊົງ ອາຍຸ 36 ປີ ປະຊາຊົນ ມີຂອງກາງຢາບ້າ ຈໍານວນ: 40 ເມັດ, ບັ້ງເສບ : 01 ບັ້ງ, ທໍ່ເສບ : 06 ອັນ, ເຮໂລອິນ : 01 ກຳໃຫຍ່, ແປ້ງຝຸ່ນສີແດງ 01 ຖົງນ້ອຍ; ທັງ 07 ຄົນ ແມ່ນຢູ່ບ້ານພູຂຽວ ເມືອງໄຊ ແຂວງອຸດົມໄຊ, ພ້ອມນັ້ນເຈົ້າໜ້າທີ່ຍັງໄດ້ກັກຕົວເປົ້າໝາຍທີ່ເຄື່ອນໄຫວເສບໄດ້ 01 ຄົນຊື່ ທ້າວ ພອນທິບ ອາຍຸ 20 ຢູ່ບ້ານຖິ່ນ ເມືອງໄຊ ແຂວງອຸດົມໄຊ ພ້ອມພາຫະນະລົດຈັກ ຮອນດ້າ ສີແດງດໍາ ປ້າຍທະບຽນ ຈຈ 1531 ອຸດົມໄຊ 01 ຄັນ

Off

Comments are closed.