09th Mar2022

ກົມກວດກາ-ກວດການ ກະຊວງ ປກສ ຈັດກອງປະຊຸມສ້າງແຜນພະນັກງານ-ນຳພາບັນຊາ ຂັ້ນກະຊວງຄຸ້ມຄອງ.

by somchan

ກົມກວດກາ-ກວດການ ກະຊວງປ້ອງກັນຄວາມສະຫງົບ ຈັດກອງປະຊຸມສ້າງແຜນພະນັກງານ-ນຳພາບັນຊາ ຂັ້ນກະຊວງປ້ອງກັນຄວາມສະຫງົບຄຸ້ມຄອງ ໃນວັນທີ 7 ມີນາ 2022 ນີ້ ພາຍໃຕ້ກາານເປັນປະທານຂອງ ພັອ ບຸນລຽນ ສະອາດສີ ຮອງປະທານກວດກາພັກກະຊວງປ້ອງກັນຄວາມສະຫງົບ, ຮອງຫົວໜ້າກົມກວດກາ-ກວດການ ກະຊວງປ້ອງກັນຄວາມສະຫງົບ ມີ ພັອ ບຸນມະນີ ຫຼ້າພິມພອນ ຮອງເລຂາໜ່ວຍພັກ, ຮອງຫົວໜ້າກົມປ້ອງກັນກຳລັງ, ກົມໃຫຍ່ການເມືອງປ້ອງກັນຄວາມສະຫງົບ ມີພັກບັນດາຄະນະພັກ-ຄະນະກົມ ພະນັກງານຫຼັກແຫຼ່ງ ນາຍຕຳຫຼວດກົມກວດກາ-ກວດການເຂົ້້າຮ່ວມ.

ໃນກອງປະຊຸມ ພັອ ບຸນລຽນ ສະອາດສີ ຮອງປະທານກວດກາພັກກະຊວງ, ຮອງຫົວໜ້າກົມກວດກາ-ກວດການ ກະຊວງປ້ອງກັນຄວາມສະຫງົບ ມີຄຳເຫັນໃນຄັ້ງນີ້ວ່າ: ການສ້າງກຳນົດພະນັກງານ ແມ່ນຂະບວນການວິວັດແຫ່ງການສ້າງພະນັກງານຫຼັກແຫ່ງໃນປະຈຸບັນ ແລະ ອະນາຄົດ, ເພື່ອປັບປຸງ-ກໍ່ສ້າງ, ຈັດວາງ, ຊັບຊ້ອນ ແລະ ນຳໃຊ້ຜູ້ທີ່ມີຄວາມຮູ້ຄວາມສາມາດ, ຄົບມາດຖານເງື່ອນໄຂ ຢູ່ຕຳແໜ່ງງານຂັ້ນນຳພາ-ບັນຊາ ຕາມເປົ້າໝາຍຜ່ານໄລຍະເວລາຍາວ. ດັ່ງນັ້ນ, ວຽກງານການສ້າງແຜນກຳນົດພະນັກງານ ຈຶ່ງເປັນໜ້າທີ່ຄວາມຮັບຜິດຊອບໂດຍກົງ, ເປັນວຽກປົກກະຕິ ໃນຊີວິດການເມືອງຂອງຄະນະພັກແຕ່ລະຂັ້ນ ໂດຍເຫັນໄດ້ຄວາມໝາຍຄວາມສຳຄັນດັ່ງກ່າວ, ຕະຫຼອດໄລຍະຜ່ານມາ ກະຊວງປ້ອງກັນຄວາມສະຫງົບ ເວົ້າລວມ, ເວົ້າສະເພາະ ກໍ່ຄືກົມກວດກາ-ກວດການກະຊວງປ້ອງກັນຄວາມສະຫງົບ ໄດ້ຄົ້ນຄວ້າກຳນົດເປົ້າໝາຍພະນັງານ ເພື່ອຈັດວາງ ຊັບຊ້ອນ ເຂົ້າຕຳແໜ່ງງານ ໂດຍແມ່ນການຄົ້ນຄວ້າກະກຽມບຸຄະລາກອນໃຫ້ແກ່ກອງປະຊຸມໃຫຍ່ຂອງພັກແຕ່ລະຂັ້ນ ອັນໄດ້ປະກອບສ່ວນອັນສຳຄັນ ໃຫ້ແກ່ການປັບປຸງພັກມີຄວາມໜັກແໜ້ນ, ເຂັ້ມແຂງຍົກສູງຄວາມສາມາດນຳພາຂອງພັກ ໃຫ້ສົມຄູ່ກັບການເລັ່ງທວງຂອງໜ້າທີ່ການເມືອງໃນໄລຍະໃຫມ່, ຮັບປະກັນການຄົ້ນຄວ້າເລືອກເຟັ້ນບຸກຄະລາກອນປະກອບເຂົ້າໃນຄະນະພັກແຕ່ລະຂັ້ນຖືກຕ້ອງຕາມມາດຖານ-ເງື່ອນໄຂທີ່ໄດ້ກຳນົດໄວ້.

ພ້ອມນີ້, ທ່ານຍັງໄດ້ຮຽກຮ້ອງໃຫ້ບັນດາສະຫາຍຜູ້ແທນທີ່ໄດ້ເຂົ້າຮ່ວມກອງປະຊຸມໃນຄັ້ງນີ້ ຈົ່ງເຊີດຊູຄວາມຮັບຜິດຊອບການເມືອງຂອງຕົນ ເສີມຂະຫຍາຍປະຊາທິປະໄຕຢ່າງແຂງແຮງ, ສຸມສະຕິປັນຍາ ແລະ ປະສົບການເຂົ້າໃນການຄົ້ນຄວ້າ, ພິຈາລະນາບັນຫາຢ່າງເລິກເຊິ່ງເຖິງຖອງ ເພື່ອເຮັດໃຫ້ກອງປະຊຸມຄັ້ງນີ້ບັນລຸຜົນສຳເລັດຕາມລະດັບຄາດໝາຍທີ່ວາງໄວ້.

ໃນກອງປະຊຸມ, ບັນດາສະຫາຍຜູ້ແທນກອງປະຊຸມກໍ່ໄດ້ໃຊ້ສິດຂອງຕົນປ່ອນບັດທາບທາມເອົາພະນັກງານນຳພາ-ບັນຊາຮອບທີ 1 ຮອບທີ 2 ແລະ ຮອບທີ 3 ດ້ວຍຄວາມຮັບຮັບຜິດຊອບສູງ ແລະ ເປັນເອກະພາບ.

Off

Comments are closed.