10th Mar2022

ໂຮງໝໍ 5 ເມສາ ບໍລິການກວດພະຍາດ-ປິ່ນປົວຄົນເຈັບໄດ້ຫລາຍພັນຄົນ.

by somda phoneor

ພັອ ດຣ ຈັນທະວົງ ເພັດສົມພູ ຮອງອໍານວຍການໂຮງໝໍ 5 ເມສາ ກົມໃຫ່ຍພະລາທິການ ກະຊວງ ປກສ ໄດ້ລາຍງານ ໃນກອງປະຊຸມສະຫລຸບ ການເຄື່ອນໄຫວ ວຽກງານ ວິຊາສະເພາະ ປະຈໍາປີ 2021 ແລະ ທິດທາງແຜນການປະຈຳປີ 2022 ໃນທ້າຍອາທິດຜ່ານມານີ້ວ່າ: ໃນ 2021ຜ່ານມາໂຮງໝໍ 5 ເມສາ ສາມາດໃຫ້ການບໍລິການ ກວດພະຍາດ ແລະ ປິ່ນປົວຄົນເຈັບ ຈຳນວນຫລາຍພັນຄົນໃນນີ້,

ໄດ້ບໍລິການກວດພະຍາດເຂດນອກ 13.000 ກວ່າຄົນ,ກວດສຸກເສີນ 5.591 ຄົນ,ຢັ້ງຢືນສຸຂະພາບ 2.822 ຄົນ,ຄົນເຈັບເຂົ້ານອນປິ່ນປົວ 1.052 ຄົນ,ປິ່ນປົວດີກັບຄືນກົມກອງ 1.051 ຄົນ,ຊັນນະສູດຊາກສົບຄົນຕາຍ 278 ຄົນ,ກວດສານເສບຕິດ 56 ຄົນ,ກວດສຸຂະພາບການນຳປະຈຳປີໄດ້ 1.550 ຄົນ.ພ້ອມກັນນີ້,ແພດໝໍໄດ້ມີຄວາມພະຍາຍາມ ສຸມສະຕິປັນຍາ ຄວາມຮູ້-ຄວາມສາມາດ,ຄວາມຊໍານິຊໍານານຂອງຕົນ ເຂົ້າຮັບໃຊ້ວຽກງານ ໜ້າທີ່ວິຊາສະເພາະໄດ້ດີສົມຄວນ ທັງໄດ້ນໍາໃຊ້ເຄື່ອງມື ອຸປະກອນການແພດເພື່ອກວດບົ່ງມະຕິພະຍາດ,ສຸມໃສ່ການປິ່ນປົວຄົນເຈັບ ທີ່ນອນຢູ່ໂຮງໝໍໃຫ້ດີເປັນປົກກະຕິ.ສຳລັບການປະຕິບັດ ມາດຕະການສະກັດກັ້ນ,ປ້ອງກັນ ແລະ  ແກ້ໄຂການລະບາດ ຂອງພະຍາດ ໂຄວິດ-19 ໄດ້ເຂົ້າຮ່ວມເຮັດວຽກກັບ ທີມງານສະເພາະກິດ ຂັ້ນກະຊວງ ປກສ ແລະ ກະຊວງສາທາລະນະສຸກ 2 ສະຫາຍ,ທີມງານເກັບຕົວຢ່າງຮ່ວມກັບ ກະຊວງສາທາລະນະສຸກ 3 ທີມ,ເສນາຮັກ ແລະ ເກັບກັບທີ່ຢູ່ໂຮງໝໍ ລວມທັງໝົດ 50 ຄົນ,ເກັບຕົວຢ່າງໄດ້ທັງໝົດ 72.554 ຕົວຢ່າງ ແລະ ຍັງສືບຕໍ່ເກັບຕົວຢ່າງຕໍ່ໄປ. ການສັກຢາວັກຊີນປ້ອງກັນພະຍາດໂຄວິດ-19 ປະຕິບັດໄດ້ 14.623 ເຂັມ,ແກ້ໄຂອໍານວຍຄວາມສະດວກໃຫ້ແຕ່ລະພາກສ່ວນຢ່າງເໝາະສົມ ແລະ ທັນກັບຄວາມຕ້ອງການ ຂອງວຽກງານວິຊາສະເພາະ,ປະຕິບັດນະໂຍບາຍ ດ້ານຕ່າງໆ ຕໍ່ພະນັກ ງານ-ນັກຮົບ ເຄື່ອນໄຫວສ້າງຂະບວນການ ອອກແຮງງານຕ່າງໆ ເພື່ອຂໍ່ານັບຮັບຕ້ອນວັນສຳຄັນຕ່າງໆ ຂອງພັກ,ຂອງຊາດໄດ້ຫຼາຍຄັ້ງ ແລະ ອື່ນໆ.

Off

Comments are closed.