10th Mar2022

ກົມໃຫຍ່ການເມືອງກະຊວງ ປກສ ປະກາດເລື່ອນຊັ້ນໃຫ້ນາຍ ແລະ ພົນຕຳຫລວດ ຜູ້ທີ່ຄົບມາດຖານເງື່ອນໄຂ

by Peaung Thanonkeo

ກົມໃຫຍ່ການເມືອງກະຊວງປ້ອງກັນຄວາມສະຫງົບ ໄດ້ປະກາດເລື່ອນຊັ້ນໃຫ້ນາຍແລະພົນຕຳຫລວດ ຜູ້ທີ່ຄົບມາດຖານເງື່ອນໄຂ ແລະ ມີຜົນງານດີເດັ່ນ ໃນວັນທີ 10 ມີນາ 2022 ນີ້ ໂດຍການເປັນກຽດເຂົ້າຮ່ວມຂອງ ພຈົວ ຄຳສາຍຈັນທະວົງ ຮອງຫົວຫນ້າກົມໃຫຍ່ການເມືອງປ້ອງກັນຄວາມສະຫງົບ ມີບັນດາຄະນະພັກ – ຄະນະກົມ ,ຫ້ອງ,ໂຮງຮຽນ ແລະ ພະນັກງານຫຼັກແຫຼ່ງເຂົ້າຮ່ວມ

ພັທ ນາງ ນວນ ເທບພະວົງ ຮອງຫົວຫນ້າຫ້ອງການເມືອງກົມໃຫຍ່ກະຊວງປ້ອງກັນຄວາມສະຫງົບ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການເລື່ອນຊັ້ນໃຫ້ນາຍຕຳຫລວດ ກົມໃຫຍ່ການເມືອງ ປກສ ຈຳນວນ 54 ສະຫາຍ ໃນນີ້ ເລື່ອນຊັ້ນ ພັຕ ຂື້ນ ພັທ 2 ສະຫາຍ, ຮອ ຂື້ນເປັນຊັ້ນ ພັຕ 25 ສະຫາຍ,ຮທ ຂຶ້ນເປັນຊັ້ນຮອ ຈຳນວນ 27 ສະຫາຍ ເປັນກຽດປະດັບຊັ້ນ ແລະ ໂອ້ລົມໂດຍ ພຈົວ ຄຳສາຍ ຈັນທະວົງ ຮອງຫົວຫນ້າກົມໃຫຍ່ການເມືອງປ້ອງກັນຄວາມສະຫງົບ ທ່ານໄດ້ກ່າວວ່າ ການເລື່ອນຊັ້ນໃນຄັ້ງນີ້ເປັນການປະຕິບັດນະໂຍຕໍ່ນາຍຕໍາຫລວດຜູ້ທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂໃນການເລື່ອນຊັ້ນສະນັ້ນຕໍ່ຜູ້ທີ່ໄດ້ຮັບການເລື່ອນຊັ້ນໃໝ່ຈົ່ງເພີ່ມທະວີ ຄວາມຮັບຜິດຊອບສູງຕໍ່ຫນ້າທີ່ທີ່ໄດ້ຮັບມອບຫມາຍ,ເສຍສະຫລະຕໍ່ຜົນປະໂຫຍດລວມຂອງຊາດ,ເຮັດສຳເລັດທຸກຫນ້າທີ່,ຕັ້ງຫນ້າຕ້ານປະກົດການຫຍໍ້ທໍ້ໃນສັງຄົມກໍ່ຄືກົມກອງໃຫ້ຫມົດໄປ

 

Off

Comments are closed.