21st Mar2022

ກົມຕໍາຫຼວດສືບສວນ-ສອບສວນສໍາເລັດຊຸດຝຶກອົບຮົມວຽກງານວິຊາສະເພາະສືບສວນ-ສອບສວນຄະດີອາຍາໄລຍະສັ້ນ.

by somda phoneor

ກົມຕໍາຫຼວດສືບສວນ-ສອບສວນ, ກົມໃຫຍ່ຕໍາຫຼວດ,ກະຊວງປ້ອງກັນຄວາມສະຫງົບ, ໄດ້ສຳເລັດຊຸດຝຶກອົບຮົມວຽກງານວິຊາສະເພາະສືບສວນ-ສອບສວນຄະດີອາຍາ,ພາຍໃຕ້ຄໍາຂັວນຮັບປະກັນຄວາມໂປ່ງໃສ, ຍຸຕິທໍາ ແລະ ເປັນມືອາຊີບ,ໃນວັນທີ່ 18 ມີນາ 2022ນີ້,ພາຍຫຼັງດໍາເນີນເປັນເວລາ 5 ວັນ,ໂດຍການເຂົ້າຮ່ວມເປັນກຽດມີ ພົນຕີ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ,ຫົວໜ້າກົມໃຫຍ່ຕໍາຫຼວດ, ພັອ ແກ່ນຈັນ ພົມມະຈັກ ຮອງຫົວໜ້າກົມໃຫ່ຍຕໍາຫຼວດ, ຫົວໜ້າກົມຕໍາຫຼວດສືບສວນ-ສອບສວນ,ມີບັນຄະນະພັກ, ຄະຊາບັນຊາ, ພະນັກງານຫຼັກແຫຼ່ງ, ພ້ອມດ້ວຍວິທະຍາກອນ, ສໍາມະນາກອນມາຈາກກົມກອງວິຊາສະເພາະອ້ອມຂ້າງກົມໃຫ່ຍຕໍາຫຼວດ, ສອງວິທະຍາຄານປ້ອງກັນຄວາມສະຫງົບ, ປກສ ນະຄອນຫຼວງວຽງຈັນ ແລະ ປກສ  ແຂວງທົ່ວປະເທດເຂົ້າຮ່ວມ.

ພັທ ເສີດ ທໍາມະວົງຫົວໜ້າພະແນກສະກັດກັ້ນແລະຕ້ານອາຊະຍາກໍາທາງຄອມພິວເຕີ,ກົມຕໍາຫຼວດສືບສວນ-ສອບສວນ,ໄດ້ຜ່ານບົດສະຫຼຸບລາຍງານການຈັດຕັ້ງປະຕິບັດບັ້ນຊຸດຝຶກອົບຮົມໃນຄັ້ງນີ້ທ່ານໄດ້ໃຫ້ຮູ້ວ່າ: ການຝຶກອົບຮົມຕົວຈິງໃນໄລຍະ 05 ວັນຜ່ານມາ ວິທະຍາກອນຜູ້ບັນຍາຍໄດ້ຍົກເອົາເນື້ອໃນຕົ້ນ ຕົ້ນຕໍຂອງແຕ່ລະບົດທີ່ເປັນພື້ນຖານໃນການດໍາເນີນການສືບສວນ-ສອບສວນແກ້ໄຂຄະດີຕົວຈິງ ທີ່ຖືກຕ້ອງຕາມກົດຫມາຍ,ໄດ້ຍົກເອົາບາດກ້າວ,ຂັ້ນຕອນ ແລະ ວິທີການໃນການດໍາເນີນການສືບສວນ-ສອບສວນຕົວຈິງຂື້ນມາສົນທະນາ ພ້ອມທັງໄດ້ຍົກເອົາບົດຮຽນຈາກບາງລາຍຄະດີທີ່ເກີດຂື້ນ ແລະ ມີຄວາມຫຍຸ້ງຍາກສັບສົນໃນການສືບສວນ-ສອບສວນຂື້ນມາແລກປ່ຽນ ແລະ ຍົກເອົາບັນດາວິທີການສືບສວນ-ສອບສວນທີ່ໄດ້ຮັບຜົນສໍາເລັດຂື້ນມາເປັນບົດຮຽນ ແລະ ນັກສໍາມະນາກອນ ໄດ້ນໍາເອົາບາງລາຍຄະດີຕົວຈິງທີ່ມີຄວາມຫຍຸ້ງຍາກສັບສົນຂື້ນມາແລກປ່ຽນບົດຮຽນຕົວຈິງຮ່ວມກັນແລະເຮັດໃຫ້ການຈັດຕັ້ງຝຶກອົບຮົມໃນຄັ້ງນີ້ດໍາເນີນໄປດ້ວຍບັນຍາກາດທີ່ສ້າງສັນແລະສໍາເລັດຕາມຈຸດປະສົງຄາດໝາຍທີ່ວາງໄວ້.

ພ້ອມນີ້ຍັງໄດ້ມອບໃບຢັ້ງຢືນການສໍາເລັດບັ້ນຊຸດຝຶກອົບຮົມໃນຄັ້ງນີ້ໃຫ້ສໍາມະນາກອນ,ໂດຍໃຫ້ກຽດມອບຂອງ ພົນຕີ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ,ຫົວໜ້າກົມໃຫຍ່ຕໍາຫຼວດແລະພ້ອມທັງມີຄໍາເຫັນໂອ້ລົມຊີທິດເຢືອງທາງຕໍ່ສໍາມະນາກອນທີ່ໄດ້ສໍາເລັດການຝຶກອົບຮົມວຽກງານວິຊາສະເພາະສືບສວນ-ສອບສວນຄະດີອາຍາໄລຍະສັ້ນໃນຄັ້ງນີ້ເຊີ່ງທ່ານໄດ້ກ່າວວ່າ:ຈຸດປະສົງ ຕົ້ນຕໍໃນການຝຶກອົບຮົມໃນຄັ້ງນີ້ ແມ່ນເພື່ອຈັດຕັ້ງປະຕິບັດມະຕິກົມການເມືອງສູນກາງພັກວ່າດ້ວຍການດໍາເນີນຄະດີຕາມຂະບວນການຍຸຕິທໍາ ຕິດພັນກັບແນວທາງປ້ອງກັນຊາດປ້ອງກັນຄວາມສະຫງົບ ທົ່ວປວງຊົນຮອບດ້ານ ແລະ ທັງຫັນເອົາວ່າລະແຫ່ງຊາດເຂົ້າສູ່ວຽກງານການແກ້ໄຂ,ດໍາເນີນຄະດີ ແລະ ອື່ນໆ.ຢາກເຮັດໄດ້ແນວນັ້ນ,ພວກເຮົາມີຄວາມຈໍາເປັນໃນການຍົກລະດັບວຽກງານວິຊາສະເພາະສືບສວນ-ສອບສວນຄະດີອາຍາໃນຂອບເຂດທົ່ວປະເທດ ໃຫ້ມີບາດກ້າວຫັນປ່ຽນຢ່າງຕັ້ງໜ້າ,ມີຄວາມເປັນມາດຕະຖານ,ມີຄວາມຄວາມໂປ່ງໃສ,ມີຄວາມຍຸຕິທໍາ ແລະ ເປັນມືອາຊີບ,ແນ່ນອນວ່າ,ກໍາລັງເຈົ້າໜ້າທີ່ຕໍາຫຼວດຢາກເຮັດໄດ້ແນວນັ້ນມັນຮຽກຮ້ອງໃຫ້ພວກເຮົາຕ້ອງໄດ້ຝຶກອົບຮົມເພື່ອກໍາແໜ້ນກົດໝາຍ,ບັນດານິຕິກຳຕ່າງໆລຸ່ມກົດໝາຍທີ່ກ່ຽວຂ້ອງກັັບວຽກງານສືບສວນ-ສອບສວນ,ກຳແໜ້ນວິທີການສືບສວນ-ສອບສວນ ແລະ ການນຳໃຊ້ມາດຕະການສະກັດກັ້ນຕໍ່ຜູ້ຖືກຫາເຂົ້າໃນວຽກງານສືບສວນ-ສອບສວນຕົວຈິງ ໃຫ້ຖືກຕ້ອງຕາມແນວທາງນະໂຍບາຍຂອງພັກ, ກົດໝາຍຂອງລັດ ແລະ ຫຼັກການວິຊາສະເພາະ, ຕະຫຼອດໄລຍະເວລາ 05 ວັັນ ທີ່ຜ່ານມາພວກສະຫາຍ ໄດ້ຮັບຟັງທິດສະດີຈາກວິທະຍາກຍາກອນ ຜູ້ບັນຍາຍ,ໄດ້ຍົກເອົາບັນຫາຕົວຈິງ ມາແລະປ່ຽນບົດຮຽນເຊີ່ງກັນ ແລະ ກັນ ທັງໝົດເຫຼົ່ານັ້ນມັນເປັນການສົນທະນາແລກປ່ຽນບົດຮຽນຕົວຈິງຂອງບັັນດາສະຫາຍ ແລະ ເປັນບ່ອນອີງໃນການຈັັດຕັ້ັງປະຕິບັດວຽກງານສືບສວນ-ສອບສວນ ຢູ່ຂົງເຂດຄວາມຮັບຜິດຊອບຂອງບັນດາສະຫາຍ ຢ່າງມີຄວາມຮັບຜິດຊອບສູງ, ສ້າງສັນ ແລະ ເປັນມືອາຊີບ,ສະນັ້ນຕາງໜ້າໃຫ້ກົມໃຫຍ່ຕຳຫຼວດສະເໜີໃຫ້ບັນດາສະຫາຍທີ່ໄດ້ເຂົ້າຮ່ວມຝຶກອົບຮົມຕົວຈິງ ນຳເອົາບົດຮຽນທີ່ໄດ້ຮັບຈາກການຝຶກອົບຮົມໃນຄັ້ງນີ້ໄປຜັນຂະຫຍາຍເຂົ້າສູ່ວຽກງານຕົົວຈິງໃຫ້ໄດ້ຮັບປະສິດ ທິພາບ ແລະ ປະສິດທິຜົນສູງທີ່ສຸດໃນດຳເນີນຄະດີໃຫ້ມີຄວາມໂປງໃສ, ຍຸຕິທຳ ແລະ ເປັນມືອາຊີບເຮັດໃຫ້ສັງຄົມຍ້ອງຍໍຊົມເຊີຍຜົນງານການສືບສວນ-ສອບສວນແກ້ໄຂຄະດີຂອງເຈົ້າໜ້າທີ່ ພ້ອມດຽວກັນນີ້ ຂໍໃຫ້ບັນດາສະຫາຍມີການປະສານສົມກັນ,ມີການແລກປ່ຽນຂໍ້ມູນອາຊະຍາກຳ,ແຈ້ງເປົ້າໝາຍກໍ່ອາຊະຍາກຳໃຫ້ກັນ ແລະ ກັນໄດ້ຮັັບຮູ້ ແລະ ປະຫວັດການເຄື່ອນໄຫວຂອງພວກກໍ່ອາຊະຍາກຳຢູ່ໃນແຕ່ລະເຂດ, ແຕ່ລະພື້ນທີ່ໃຫ້ຫຼາຍຂື້ນເພື່ອມີມາດຕະການແກ້ໄຂ ແລະ ສະກັດກັ້ນອາຊະຍາກໍາຮ່ວມກັນ ແລະ ພ້ອມກັນເປັນເຈົ້າການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ໄປພ້ອມໆກັັບການແກ້ໄຂອາຊະຍາກຳປະເພດຕ່າງໆຢູ່ໃນສັງຄົມຢ່າງສະໝໍ່ສະເໝີ ແລະ ຕໍ່ເນື່ອງ ເພື່ອເປັນການສະກັດກັ້ນ ແລະ ແກ້ໄຂບັນຫາອາຊະຍາກຳໃຫ້ນັບມື້ນັບຫຼຸດໜ້ອຍຖອຍລົງ, ເຮັດໃຫ້ສັງຄົມມີຄວາມເຊື່ອໝັ້ນ,ໃຫ້ການຍ້ອງຍໍ, ສະນັບສະໜູນ,ໃຫ້ຂໍ້ມູນ,ສະໜອງຫຼັກຖານປະເພດຕ່າງໆແກ່ເຈົ້າໜ້າທີ່ສືບສວນ-ສອບສວນແກ້ໄຂຄະດີອາຍາຂອງພວກເຮົາໄດ້ແກ້ໄຂບັນຫາຢ່າງວ່ອງໄວ ເຮັດໃຫ້ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ.

 

 

 

Off

Comments are closed.