21st Mar2022

ບ້ານສ້າງໃສ ເມືອງປາກງື່ມ ເປີດຂະບວນການຈັດຕັ້ງປະຕິບັດວາລະແຫ່ງຊາດ.

by somda phoneor

ໃນວັນທີ 16 ມີນາ 2022 ກອງບັນຊາການ ປກສ ເມືອງປາກງື່ມ ຮ່ວມກັບ ປກສ ກຸ່ມ ນາ ພາຍ ນະຄອນຫຼວງວຽງຈັນ ໄດ້ເປີດຂະບວນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກໄຂບັນຫາຢາເສບຕິດ ຕິດພັນກັບການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ ຢູ່ ບ້ານສ້າງໃສ ໂດຍການນໍາພາຂອງ ພັທ ຄໍາຜາຍ ທໍາມະວົງ ຮອງຫົວຫນ້າກອງບັນຊາການ ປກສ ເມືອງ ປາກງື່ມ ມີຫົວຫນ້າ ປກສ ກຸ່ມນາຝາຍ, ອໍານາດການປົກຄອງບ້ານ, ພະນັກງານລົງກໍ່ສ້າງຮາກຖານ ຕະຫຼອດຮອດປະຊາຊົນ ພາຍໃນບ້ານສ້າງໃສ ເຂົ້າຮ່ວມ.

ບ້ານສ້າງໃສ ເປັນບ້ານຫນຶ່ງທີ່ຂື້ນກັບ ປກສ ກຸ່ມນາຝາຍ, ມີ 196 ຫຼັງຄາເຮືອນ, 10 ຫນ່ວຍ, 286 ຄອບຄົວ, ມີພົນລະເມືອງທັງຫມົດ 1.447 ຄົນ, ຍິງ 719 ຄົນ, ປະຊາຊົນສ່ວນໃຫຍ່ປະຢຶດຖືອາຊີບປູກຝັງ-ລ້ຽງສັດ, ຜ່ານມາສາມາດຂື້ນບັນຊີເປົ້າຫມາຍຜູ້ພົວພັນຢາເສບຕິດໄດ້ 26 ຄົນ. ພາຍຫຼັງເປີດຂະບວນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ອໍານາດການປົກຄອງບ້ານສ້າງໃສ ຈະໄດ້ສົມທົບກັບ ປກສ ກຸ່ມນາຝາຍ ໃນການຕິດຕາມການຂື້ນສໍາມະໂນຄົວຂອງປະຊາຊົນ, ຄົນຕ່າງປະເທດ ແລະ ຄົນພັກເຊົ່າ ເພື່ອເກັບກໍາບັນຊີເປົ້າຫມາຍໃຫ້ມີ ຄວາມຮັດກຸ່ມຂື້ນກວ່າເກົ່າ.

ໂອກາດນີ້ ພັທ ສົມພານ ປະເສີດ ຫົວຫນ້າ ປກສ ກຸ່ມນາຝາຍ ກໍ່ໄດ້ໃຫ້ສໍາພາດກ່ຽວກັບການ ລຸງຈັດການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຕິດພັນກັບການ ສ້າງຄອບຄົວ ແລະ ບ້ານປ້ອງກັນຄວາມສະຫງົບດີ.

 

Off

Comments are closed.