21st Mar2022

ເຈົ້າໜ້າທີ່ຕຳຫຼວດ ແຂວງ ບໍ່ແກ້ວ ຍຶດຢາບ້າໄດ້ 11 ລ້ານກວ່າເມັດ.

by somda phoneor

ໃນວັນທີ 17 ມີນາ 2022 ກອງບັນຊາການ ປກສ ເມືອງຫ້ວຍຊາຍ ໄດ້ຮັບແຈ້ງຈາກພົນລະເມືອງດີວ່າ: ພົບເຫັນລົດຮຸນໄດສີຟ້າ (ບໍ່ມີປ້າຍທະບຽນ) ຂັບເຂົ້າໄປຈອດຢູ່ໃນຕະຫຼາດບ້ານນ້ຳເກິ່ງໃໝ່ ເມືອງຕົ້ນເຜິ້ງ ເຊິ່ງລົດຄັນດັ່ງກ່າວແມ່ນບັນທຸກເປົາສີຂາວສີ່ຫຼຽມ, ມີຜ້າສີດໍາປົກໄວ້ແຕ່ບໍ່ຮູ້ແມ່ນເປົາຫຍັງ.

 

ໃນເວລານັ້ນມີຜູ້ຊາຍສອງຄົນແລ່ນອອກຈາກລົດຄັນດັ່ງກ່າວເຂົ້າໄປໃນບ້ານນ້ຳເກິ່ງໃໝ່, ຈາກນັ້ນ ເຈົ້າໜ້າທີ່ປກສ ເມືອງຫ້ວຍຊາຍໄດ້ໄປກວດກາວ່າມີມູນຄວາມຈິງແທ້. ຈຶ່ງໄດ້ປະສານຫາຫ້ອງຕໍາຫຼວດ. ຫຼັງຈາກນັ້ນ ຫ້ອງຕໍາຫຼວດ ຈຶ່ງໄດ້ແຕ່ງພະແນກວິຊາສະເພາະໄປກວດກາຕົວຈິງໂດຍສົມທົບກັບກຳລັງ ປກສ ທີ່ປະຈຳຈຸດກວດການ້ຳເກິ່ງ, ປກສ ເມືອງຫ້ວຍຊາຍ, ປກສ ກຸ່ມບ້ານນ້ຳເກິ່ງ ແລະ ເຈົ້າໜ້າທີ່ທະຫານ 405. ຜ່ານການກວດກາລົດຄັນດັ່ງກ່າວ ແມ່ນພົບເຫັນຢາບ້າ ຈຳນວນ 48 ເປົ້າ ມີຈຳນວນ 5.960 ມັດ ເທົ່າກັບ 11,920.000 ເມັດ ມີນ້ຳໜັກ1.288 ກິໂລກຼາມ.

ປະຈຸບັນ ກອງບັນຊາການ ປກສ ແຂວງ ບໍ່ແກ້ວ ພວມດຳເນີນການສືບສວນ-ສອບສວນຫາແຫຼ່ງທີ່ມາຂອງຢາເສບຕິດດັ່ງກ່າວ ແລະ ຕິດຕາມນຳຈັບຕົວພັກພວກກຸ່ມແກ້ງໃນການຂົນສົ່ງຢາຄັ້ງນີ້ ເພື່ອມາດຳເນີນຄະດີຕາມກົດໝາຍ.

Off

Comments are closed.