24th Mar2022

ປກສ ເມືອງຈັນທະບູລີ ຈັບຕົວ ຜູ້ທີ່ເອົາມີດຟັນປຸ້ນເອົາລົດຜູ້ຍິງ.

by somchan

ໃນວັນທີ 23 ມີນາ 2022ນີ້ ພັທ ພູມມີ ແສນຈົ່ງຮັກ ຫົວໜ້າພະແນກຕໍາຫຼວດ ກອງບັນຊາການ ປກສ ເມືອງຈັນທະບູລີ ນະຄອນຫຼວງວຽງຈັນຖະແຫຼງຕໍ່ນັກຂ່າວ ປກສ ວ່າ: ໃນຄັ້ງວັນທີ 18 ມີນາ 2022 ເຈົ້າຫນ້າທີ່ ປກສ ເມືອງຈັນທະບູລີ ນະຄອນຫລວງວຽງຈັນ ໄດ້ຈັບຕົວ ທ້າວ ໂຕບີ່ ອາຍຸ 27 ປີ ບ້ານຫນອງປິງ ເມືອງຈັນທະບູລີ ທີ່ກໍເຫດປຸ້ນຊັບ ໂດຍໃຊ້ມີດຟັນ ຜູ້ຍິງທີ່ຂີ່ລົດຈັກ ໄດ້ຮັບບາດເຈັບ.

ເຫດການດັ່ງກ່າວເກີດຂຶ້ນ ໃນຄືນຂອງວັນທີ 13 ມີນາ 2022 ເວລາ 1:00 ໂມງ,ຢູ່ເສັ້ນທາງເຂດບ້ານສະຫວ່າງ ຜູ້ກໍ່ເຫດໄດ້ເອົາມີດຟັນເຈົ້າຂອງ ໄດ້ຮັບບາດເຈັບ ແຕ່ ບໍ່ທັນໄດ້ລົດ  ຈາກນັ້ນ ກໍເອົາຕົວຫລົບຫນີ, ປັດຈຸບັນເຈົ້າຫນ້າທີ່ກຳລັງ ຕິດຕາມຈັບຜູ້ຮ່ວມກໍ່ເຫດອີກຫນຶ່ງຄົນມາດຳເນີນຄະດີ,ສາເຫດ ການລົງມືກໍ່ເຫດໃນຄັ້ງນີ້ ແມ່ນເພື່ອປຸ້ນເອົາລົດໄປຂາຍ ເພື່ອຊື້ຢາເສບຕິດມາເສບ, ຜ່ານມາຜູ້ກໍ່ເຫດແມ່ນເຄີຍຕ້ອງໂທດມາແລ້ວ 1ຄັ້ງຖືກຈຳຄຸກ 5 ປີ ( 2014-2019 ) ຢູ່ຄ້າຍຄຸມຂັງ ຢູ່ເມືອງຈັນທະບູລີ ໃນຂໍ້ຫາຄ້າຂາຍຢາເສບຕິດ.

Off

Comments are closed.