11th Nov2015

ໃນ 1 ອາທິດ ທົ່ວປະເທດມີອັກຄີໄພເກີດຂຶ້ນ 6 ຄັ້ງ.

by somchan

ຕາມການລາຍງານຂອງເຈົ້າໜ້າທີ່ຕຳຫຼວດ ສະກັດກັ້ນ ແລະ ຕ້ານອັກຄີໄພກົມໃຫຍ່ຕຳຫຼວດກະຊວງ ປ້ອງກັນຄວາມສະຫງົບໃຫ້ຮຼ້ວ່າ: ອາທິດຜ່ານມາມີ ຄັກຄີໄພເກີດຂຶ້ນ 6 ຄັ້ງລວມມູນຄ່າເສຍຫາຍ 2 ຕື້ກ່າວກີບຄື: ໃນວັນທີ 7 ພະຈິກ 2015 ໄດ້ເກີດເຫດໄຟໄໝ້ເຮືອນຂອງນາງຄຳຕຸ້ນ ອາຍຸ 66 ປີ, ປະຊາຊົນບ້ານສະພັງໝໍ້ ເມືອງໄຊເຊດຖາ ນະຄອນຫຼວງວຽງຈັນ ແລະ ໄດ້ລຸກລາມໄປໃສ່ເຮືອນທີ່ຢູ່ໃກ້ຄຽງ 1 ຫຼັງ, ສາເຫດຂອງການເກີດອັກຄີໄພແມ່ນ ຍັງຢູ່ໃນຂັ້ນຕອນ ການສືບສວນ-ສອບສວນຂອງເຈົ້າໜ້າທີ່ຕຳຫຼວດ.

ໃນວັນດຽວກັນນີ້ກໍ່ໄດ້ເກີດເຫດໄຟໄໝ້ເຮືອນຂອງທ້າວກາລີ ອາຍຸ 55ປີ, ອາຊີບພະນັກງານ ຢູ່ບ້ານວັດຫໍ ເມືອງໂພທອງແຂວງຈັກສັກ ໄຟໄດ້ໄໝ້ລຸກລາມໃສ່ເຮືອນຂອງປະຊາຊົນທີ່ຢູ່ໃກ້ຄຽງຈຳນວນ 4 ຫຼັງ, ຜົນເສຍຫາຍມີເຮືອນ 5 ຫຼັງສາເຫດໄຟຟ້າລັດວົງຈອນ.

ໃນວັນທີ 6 ພະຈິກ ໄດ້ເກີດເຫດໄຟໄໝ້ກຸຕິວັດ ຢູ່ບ້ານນາເລົ່າ ເມືອງສີໂຄດຕະບອງ ນະຄອນຫຼວງວຽງຈັນ. ຜົນເສຍຫາຍມີກຸຕິ 1 ຫຼັງ, ສາເຫດໄຟຟ້າລັດວົງຈອນ, ເຫດການໄຟໄໝ້ໃນຄັ້ງນີ້ເຮັດໃຫ້ມີພຣະເສຍຊີວິດ 1 ອົງຄື: ພຣະອາຈານ ສົມພອນ ອາຍຸ 47 ປີ ຮອງເຈົ້າອາວາດວັດບ້ານນາເລົ່າ. ແລະ ໄລຍະດຽວກັນນີ້ຍັງມີອັກຄີໄຟເກີດຂຶ້ນຢູ່ແຂວງຫົວພັນ 1 ຄັ້ງ, ແຂວງຄຳມ່ວນ 1ຄັ້ງ ແລະ ຈຳປາສັກ 1 ຄັ້ງ.

Off

Comments are closed.