25th Mar2022

ມອບໃບຢັ້ງຢືນສຳເລັດຊຸດຝຶກອົບຮົມວຽກງານພົວພັນຕ່າງປະເທດຊຸດທີ 6 ໃຫ້ກຳລັງປ້ອງກັນຄວາມສະຫງົບ.

by somchan

ໃນ 24 ມີນາ 2022 ນີ້ ກົມພົວພັນຕ່າງປະເທດ ຫ້ອງວ່າການກະຊວງປ້ອງກັນຄວາມສະຫງົບ ໄດ້ສຳເລັດຊຸດຝຶກອົບຮົມ ແລະ ມອບໃບຢັ້ງຢືນໃຫ້ນັກສຳມະນາກອນທີ່ສຳເລັດຝຶກອົບຮົມວຽກງານພົວພັນຕ່າງປະເທດ ແລະ ວຽກງານພິທີການ ຊຸດທີ 6 ໃຫ້ນາຍ ແລະ ພົນຕຳຫຼວດໃນຂອບເຂດທົ່ວປະເທດ,ເປັນກຽດເຂົ້າຮ່ວມຂອງ  ພັອ ອານຸເດດ ຄູນຄຳ ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ,ມີຫົວໜ້າກົມ,ຄະນະຮັບຜິດຊອບ,ນັກວິທະຍາກອນ ແລະ ສຳມະນາກອນເຂົ້າຮ່ວມ.

ທ່ານ ພັທ ບົວລີ ໄຊຍະວົງ ຮອງຫົວໜ້າກົມພົວພັນຕ່າງປະເທດ ກ່າວວ່າ:ຊຸດຝຶກອົບຮົມ ໄດ້ດຳເນີນເປັນເວລາ 3 ວັນ ,ປະກອບມີ 5 ຫົວຂໍ້ຄື:ແນວທາງການຕ່າງປະເທດຂອງ ສປປລາວ,ຂໍ້ຕົກລົງວ່າດ້ວຍການຄຸ້ມຄອງວຽກງານພົວພັນຕ່າງປະເທດໃນກຳລັງປ້ອງກັນຄວາມສະຫງົບ,ບັນດາລະບຽບກົດໝາຍ ແລະ ລະບຽບການທີ່ກ່ຽວຂ້ອງ,ວຽກງານຮ່ວມມືສອງຝ່າຍລາວ-ຈີນ,ວຽກງານຮ່ວມມືສອງຝ່າຍລາວ-ຫວຽດນາມ ແລະ ວຽກງານພິທີການ, ຜ່ານການຝຶກອົບຮົມເຫັນໄດ້ວ່ານັກສໍາມະນາກອນແຕ່ລະຄົນ ກໍາໄດ້ແນວທາງການຕ່າງປະເທດຂອງ ສປປ ລາວ ໃນໄລຍະໃໝ່, ເຊິ່ງເປັນການສ້າງຄວາມເປັນເອກະພາບພາຍໃນບັນດາໜ່ວຍງານທີ່ຮັບຜິດຊອບວຽກງານພົວພັນຕ່າງປະເທດ ຂອງກຳລັງປ້ອງກັນຄວາມສະຫງົບ,ນັກສຳມະນາກອນມີແນວຄິດຫຼັກໝັ້ນ, ອຸ່ນອຽນທຸ່ນທ່ຽງ, ປະຕິບັດວິໃນຢ່າງເຂັ້ມງວດ, ສະແດງອອກ ໃນການເອົາໃຈໃສ່ຂຶ້ນຫ້ອງຄົບຕາມຫຼັກສູດທຸກປະການ,ຍົກສູງນ້ໍາໃຈສາມັກຄີຮັກແພງ ແລະ ເຂົ້າເຂົ້າໃຈເຊິ່ງກັນ ແລະ ກັນ ລະຫວ່າງ ຄະນະຮັບຜິດຊອບ, ນັກວິທະຍາກອນ, ນັກສໍາມະນາກອນ ກໍ່ຄືລະຫວ່າງ ນາຍ ແລະ ພົນຕຳຫຼວດກົມພົວພັນຕ່າງປະເທດ ແລະ ກອງບັນຊາການ ປກສ ແຂວງ ທີ່ເຂົ້າຮ່ວມ. ສາມາດຈັດຕັ້ງຜັນຂະຫຍາຍເນື້ອໃນຈິດໃຈ, ແຜນການ ແລະ ໂຄງການຂອງກະຊວງປ້ອງກັນຄວາມສະຫງົບ ວ່າດ້ວຍການປັບປຸງ, ກໍ່ສ້າງກຳລັງປ້ອງກັນຄວາມສະຫງົບໃຫ້ປອດໃສ, ເຂັ້ມແຂງ, ໜັກແໜ້ນ ແລະ ມີແບບແຜນທັນສະໄໝ.

ຈາກນັ້ນ ພັອ ອານຸເດດ ຄູນຄຳ ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ ໄດ້ເປັນກຽດມອບໃບຢັ້ງຢືນໃຫ້ນັກສຳມະນາກອນທີ່ສຳເລັດຊຸດຝຶກອົບຮົມຈຳນວນ 22 ຄົນ, ຍີງ 13 ຄົນ.

Off

Comments are closed.