25th Mar2022

ກະຊວງ ປກສ ຈັດການແຂ່ງຂັນກິລາຍິງປືນ ເນື່ອງໃນວັນສ້າງຕັ້ງກໍາລັງປ້ອງກັນຄວາມສະຫງົບ 5ເມສາ ຄົບຮອບ 61ປີ.

by somchan

ກະຊວງປ້ອງກັນຄວາມສະຫງົບຮ່ວມກັບບໍລິສັດບໍລິການຝຶກຊ້ອມຍິງປືນ 5 ເມສາ ຈັດການແຂ່ງຂັນກິລາຍິງປືນຊິງຂັນທ່ານລັດຖະມົນຕີກະຊວງປ້ອງກັນຄວາມສະຫງົບ,ໃນວັນທີ 25 ມີນາ 2022 ນີ້ທີ່ສະໜາມຝຶກຊ້ອມຍິງປືນ 5 ເມສາ, ເນື່ອງໃນໂອກາດ ສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບ 5 ເມສາ ຄົບຮອບ 61 ປີ, ໂດຍການໃຫ້ກຽດເຂົ້າຮ່ວມເປັນປະທານມີ ພົນໂທ ກົງທອງ ພົງວິຈິດ ກໍາມະການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບ, ທ່ານ ປີຊາໄຊ ແກ້ວໄຊຍະຈັກ ປະທານບໍລິສັດບໍລິການຝຶກຊ້ອມຍິງປືນ 5 ເມສາ, ມີບັນດາທ່ານຮອງລັດຖະມົນຕີ, ຫົວໜ້າກົມໃຫ່ຍ, ສອງວິທະຍາຄານປ້ອງກັນຄວາມສະຫງົບ, ລັດວິສາຫະກິດ, ພະນັກງານອາວູໂສບໍານານ,ພ້ອມດ້ວຍການນໍາ ກົມກອງອ້ອມຂ້າງກກະຊວງປ້ອງກັນຄວາມສະຫງົບ ແລະ ແຂກຖືກເຊີນເຂົ້າຮ່ວມ.

ໃນພິທີອັນມີຄວາມໝາຍສໍານີ້ ພັອ ພອນໄຊ ຍົດສົມບັດ ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ ມີຄໍາເຫັນກ່າວເປີດການແຂ່ງຂັນຍີງປືນຊິງຂັນທ່ານລັດຖະມນຕີກະຊວງປ້ອງກັນຄວາມສະຫງົບ,ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບ 5 ເມສາຄົບຮອບ61 ປີ, ຢ່າງເປັນທາງການ.

Off

Comments are closed.