29th Mar2022

ບ້ານ ຊໍາເກດ ເມືອງ ສີໂຄດຕະບອງ ເປີດຂະບວນການຈັດຕັ້ງປະຕິບັດວາລະແຫ່ງຊາດ.

by somda phoneor

ບ້ານ ຊໍາເກດ ເມືອງ ສີໂຄດຕະບອງ ນະຄອນຫຼວງວຽງຈັນ ເປີດຂະບວນການວຽງງານກໍ່ສ້າງຮາກຖານການເມືອງເພື່ອຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ແລະ ສ້າງຄອບຄົວ ບ້ານປ້ອງກັນຄວາມສະຫງົບດີ, ໃນວັນທີ 24 ມີນາ 2022 ນີ້ ເຊີ່ງຈະໄດ້ເລີ່ມຈັດຕັ້ງປະຕິບັດນັບແຕ່ວັນທີ 24 ມີນາ ຫາວັນທີ 2 ເມສາ 2022. ເຂົ້າຮ່ວມໂດຍ ພົຈວ ນິລະວົງ ເຈືອງຕະວະລາດ ຮອງຫົວໜ້າກົມໃຫ່ຍຕຳຫຼວດ, ມີຮອງກອງບັນຊາການ ປກສ ນະຄອນຫຼວງວຽງຈັນ, ຫົວໜ້າຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານນະຄອນຫຼວງວຽງຈັນ , ຫົວໜ້າ ປກສ ເມືອງ ສີໂຄດຕະບອງ ມີພະນັກງານກໍ່ສ້າງຮາກຖານ, ປກສ ກຸ່ມ 07 ໜອງບຶກ, ນາຍບ້ານໆຊຳເກດ ພ້ອມດ້ວຍ ປະຊາຊົນພາຍໃນບ້ານຊຳເກດເຂົ້າຮ່ວມ.

ອີງຕາມຂໍ້ຕົກລົງ, ແຈ້ງການ ຂອງ ເຈົ້າເມືອງ ແລະ ຂອງກອງບັນຊາການເມືອງສີໂຄດຕະບອງ ແລະ ແຜນວຽກການຈັດຕັ້ງປະຕິບັດວາລະແຫ່ງຊາດວ່າດ້ວຍ ການແກ້ໄຂບັນຫາຢາເສບຕິດ ແລະ ສ້າງຄອບຄົວບ້ານປ້ອງກັນຄວາມສະຫງົບດີ.

ດັ່ງນັ້ນການກໍ່ສ້າງຮາກຖານການເມືອງ ໃນຄັ້ງນີ້ ແມ່ນເນັ້ນໃສ່ ລົງ ເກັບກໍາສະຖິຕິຈໍານວນພົນ ແຕ່ລະຄອບຄົວ, ຄົນເພີ່ມຄົນຫຼຸດ, ຄົນໄດ້ຂື້ນສຳມະໂນຄົວ, ເກັບກຳຂື້ນບັນຊີຜູ້ທີ່ພົວພັນຢາເສບຕິດ  ( ພ້ອມທັງເຊີນມາສຶກສາອົບຮົມ ) , ເກັບກໍາຂຶ້ນບັນຊິຄົນຕ່າງປະເທດທີ່ມາພັກເຊົາ ມາດໍາເນີນທຸລະກິດຄ້າຂາຍປັບປຸງສິດຫນ້າທີ່ໃຫ້ ປກສ – ປກຊ ໃຫ້ແທດເຫມາະ, ຈັດລຽງຫົວຫ່ນວຍ 10 ຫຼັງຄາເຮືອນຄືນໃຫມ່ ແລະ ປະເມີນບ້ານປ້ອງກັນຄວາມສະຫງົບດີ ແລະ ຄອບຄົວ ບ້ານປອດຢາເສບຕິດ.

ໂອກາດດຽວກັນນີ້ ພົຈວ ນິລະວົງ ເຈືອງຕະວະລາດ ຮອງກົມໃຫຍ່ຕໍາຫຼວດ ໄດ້ໃຫ້ສໍາພາດກຽ່ວກັບການເປີດຂະບວນການວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ແລະ ສ້າງຄອບຄົວ ບ້ານປ້ອງກັນຄວາມສະຫງົບດີ ຢູ່ບ້ານຊໍາເກດ.

ແລະ ໃນວັນດຽວກັນນີ້ ບ້ານສະນອດ ເມືອງສັງທອງ ນະຄອນຫຼວງວຽງຈັນ ຂຶ້ນກັບ ປກສ ກຸ່ມ 02 ບ້ານໂດນ ກໍ່ໄດ້ເປີດຂະຂະບວນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແລະ ສ້າງຄອບຄົວ ບ້ານປ້ອງກັຮຄວາມສະຫງົບດີ ຢູ່ບ້ານສະນອດ ເຊັ່ນດຽວກັນ.

 

Off

Comments are closed.