29th Mar2022

ຈັບຕົວພໍ່ເຖົ້າ ອາຍຸ 70 ປີ ເສບ ແລະ ຄ້າ-ຂາຍຢາເສບຕິດ ພ້ອມຂອງກາງຢາບ້າ ຈໍານວນ 70 ເມັດ.

by somda phoneor

ໃນອາທິດທີ່ຜ່ານ ມາ ເຈົ້າຫນ້າທີ່ ປກສ ເມືອງກັວນ ໄດ້ຮັບລາຍງານວ່າ ມີກຸ່ມຄົນບໍ່ດີ ການເຄື່ອນໄຫວ ເສບ ແລະ ຄ້າຂາຍຢາເສບຕິດ  ຢູ່ໃນຂອບເຂດບ້ານ ນາໜັງ ເມືອງກ້ວນ ແຂວງຫົວພັນ ດັ່ງນັ້ນ ເຈົ້າຫນ້າທີ່ ວິຊາສະເພາະ ຈື່ງລົງຕິດຕາມກວດກາເຫັນວ່າມີມູນຄວາມຈິງແທ້, ຮອດເວລາ 14 ໂມງ ຂອງວັນດຽວກັນ ຈື່ງໄດ້ນໍາກໍາລັງເຂົ້າໄປກວດຄົ້ນເຄຫາສະຖານເຮືອນຂອງເປົ້າ ຫມາຍ ຊື່ທ້າວ ນໍລີ ທໍ ອາຍຸ 70 ປີ ປະຊາຊົນ ບ້ານ ນາຫນັງ ເມືອງກັວນ ແຂວງຫົວພັນ ຜ່ານການກວດຄົ້ນໄດ້ພົບເຫັນຢາບ້າຈໍານວນ 70 ເມັດ ຊຸກເຊື່ອງຢູ່ໃນກະເປົາຫັດແອວຂອງຜູ້ກ່ຽວ, ປືນ 2 ກະບອກ ແລະ ອຸປະກອນເສບຢາຈໍານວນຫນື່ງ.

ດັ່ງນັ້ນຈຶ່ງຈັບຕົວຜູ້ກ່ຽວມາດໍາເນີນການສືບສວນ – ສອບສວນ ຂະຫຍາຍຜົນຫາກຸ່ມແກ້ງ ຜູ້ຮ່ວມຂະບວນການ ຜູ້ກ່ຽວຮັບສາລະພາບວ່າ ຢາບ້າຈໍານວນດັ່ງກ່າວ ແມ່ນຂອງຜູ້ກ່ຽວແທ້ ຜູ້ກ່ຽວໄດ້ເສບຢາເສບຕິດ ມາໄດ້ປະມານ 30 ປີແລ້ວ ໃນວັນທີ່ 1 8 ກຸມພາ 2022 ໄດ້ມີຄົນຢູ່ເມືອງຊໍາໃຕ້ ບໍ່ຮູ້ຊື່ ໄດ້ເອົາຢາບ້າມາຂາຍໃຫ້ ຢູ່ເຮືອນຂອງຜູ້ກ່ຽວ ຈໍານວນ 1ຖົງ ໃນລາຄາ 200,000 ກີບ ຫຼັງຈາກນັ້ນກໍ່ເສບ ແລະ ຂາຍໃຫ້ຊາວຫນຸ່ມພາຍໃນບ້ານ ຈື່ງຖືກເຈົ້າຫນ້າທີ່ ປກສ ເມືອງກວັນ ເຂົ້າໄປກວດຄົ້ນເຄຫາສະຖານແລ້ວ ກັກຕົວມາດໍາເນີນຄະດີຕາມລະບຽບກົດຫມາຍ.

Off

Comments are closed.