29th Mar2022

ປກສ ເມືອງ ປາກກະດິງ ແຂວງ ບໍລິຄໍາໄຊ ເປີດກອງປະຊຸມສ້າງແຜນກໍານົດພະນັກງານນໍາພາ-ບັນຊາ (2021-2025)

by somda phoneor

ວັນທີ 23 ມີນາ 2022 ນີ້ ກອງບັນຊາການ ປກສ ເມືອງ ປາກກະດິງ ແຂວງ ບໍລິຄໍາໄຊ ໄດ້ເປີດກອງປະຊຸມສ້າງແຜນກໍານົດ ພະນັກງານນໍາພາ-ບັນຊາ ໄລຍະປີ 2021 -2025  ເປັນກຽດເຂົ້າຮ່ວມ ໂດຍ ພັທ ເຄນວອນ ລໍວັນໄຊ ຄະນະພັກກອງບັນຊາການ, ຮອງຫົວຫນ້າກອງບັນຊາການ ປກສ ແຂວງ ບໍລິຄໍາໄຊ, ມີ ພັນໂທ ວົງພະຈັນ ແກ້ວວິຊຽນ ຄະນະປະຈຳພັກເມືອງ, ເລຂາຄະນະພັກຮາກຖານ, ຫົວຫນ້າກອງບັນຊາການ ປກສ ເມືອງ ປາກກະດິງ, ພັທ ຄໍາໄມ ແກ່ນຄໍາຈັນ ຮອງ ປະທານກວດກາພັກກອງບັນຊາການ, ຮອງຫົວຫນ້າຫ້ອງການເມືອງ ປກສ ແຂວງ, ມີຄະນະຈັດຕັ້ງເມືອງ ປາກກະດິງ, ຄະນະຮັບຜິດຊອບລ້າງແຜນກໍານົດພະນັກງານນໍາພາ ັນຊ ປກສ ແຂວງ, ຄະນະວັ ນໆ .ມ Jມລ ເມືອງ, ພ້ອມດ້ວຍພະນັກງານຂັ້ນນໍາພາ-ບັນຊາ ປກສ ເມືອງ ປາກກະດິງເຂົ້າຮ່ວມ.

ທີ່ປະຊຸມໄດ້ຜ່ານມະຕິຂອງກົມການເມືອງ ສູນກາງພັກ ວ່າດ້ວຍການສ້າງແຜນພະນັກງານນໍາພາ-ຄຸ້ມຄອງ ແລະ ມາດຕະຖານຂອງພະນັກງານນໍາພາ-ຄຸ້ມຄອງ, ຄໍາແນະນໍາຂອງຄະນະຈັດຕັ້ງສູນກາງພັກ ວ່າດ້ວຍມາດຖານຂອງພະນັກງານນໍາພາ-ຄຸ້ມຄອງ, ວຽກງານຄຸ້ມຄອງພະນັກງານ ແລະ ວຽກງານສ້າງແຜນ ກໍານົດພະນັກງານນໍາພາ-ຄຸ້ມຄອງ, ມະຕິຂອງຄະນະບໍລິຫານງານພັກກະຊວງ ປກສ ວ່າດ້ວຍມາດຖານ ພະນັກງານນໍາພາ-ບັນຊາ ໃນກໍາລັງປ້ອງກັນຄວາມສະຫງົບ, ເຊີ່ງໄດ້ຍົກໃຫ້ເຫັນ ມາດຖານຜູ້ທີ່ຈະມາເປັນພະນັກງານນໍາພາບັນຊາ, ຕ້ອງມີຄຸນທາດການເມືອງຫນັກແຫນ້ນ, ມີຄຸນສົມບັດສິນທໍາປະຕິວັດ ຢຶດຫມັ້ນອຸດົມການສັງຄົມນິຍົມ, ມີຄວາມຈົງຮັກພັກດີຕໍ່ປະເທດຊາດ, ຕໍ່ລະບອບປະຊາທິປະໄຕ ປະຊາຊົນ ຢ່າງໜັກແໜ້ນ, ມີທັດສະນະຫຼັກໜັ້ນຊົນຊັ້ນ, ຈຳແນກໄດ້ມິດສັດຕູຢ່າງຈະແຈ້ງ, ມີຄວາມຮັບຜິດຊອບຕໍ່ຫນ້າທີ່ວຽກງານວິຊາສະເພາະທີ່ໄດ້ຮັບມອບຫມາຍ, ເຄົາລົບ ແລະ ປະຕິບັດຂໍ້ ກໍານົດກົດລະບຽບຂອງພັກ, ກົດຫມາຍຂອງລັດ, ເສຍສະຫຼະເພື່ອປະເທດຊາດ ແລະ ປະຊາຊົນບັນດາເຜົ່າ, ສມທຸກສະຕິປັນຍາ ແລະ ກໍາລັງແຮງຂອງຕົນເຂົ້າໃນວຽກງານປ້ອງກັນຄວາມສະຫງົບ, ມີຄວາມຮູ້ພື້ນຖານກ່ຽວກັບທິດສະດີມາກ-ເລນີນ, ແນວຄິດຂອງປະທານໄກສອນ ພົມວິຫານ, ກໍໄດ້ແຜນພັດທະນາເສດຖະກິດ-ສັງຄົມ, ມີລະດັບວິຊາສະເພາະໃດຫນຶ່ງ ທີ່ແນ່ນອນ, ມີຄວາມຮູ້ທາງດ້ານກົດຫມາຍ, ມີຜົນງານດີເດັ່ນ ແລະ ມີຜົນສໍາເລັດໃນຫຼາຍດ້ານ ໂດຍຜ່ານວຽກງານ ວິຊາສະເພາະຕົວຈິງ ຍຶດຖືປະຊາທິປະໄຕ, ປະຕິບັດລະບອບຫົວຫນ້າດຽວ, ມີສຸຂະພາບແຂງແຮງດີ, ມີຄວາມຮັບຜິດຊອບໃນຫນ້າທີ່ການເມືອງທີ່ພັກລັດມອບຫມາຍໃຫ້, ພ້ອມນັ້ນຍັງຍົກໃຫ້ເຫັນມາດຖານສໍາລັບຜູ້ຈະເປັນເລຂາຄະນະບໍລິຫານງານພັກ, ຮອງເລຂາຄະນະພັກ, ປະທານກວດກາ, ຄະນະພັກ, ຫົວຫນ້າພະແນກ, ຮອງພະແນກ, ຫົວຫນ້າ ປກສ ກຸ່ມບ້ານ, ຮອງຫົວຫນ້າ ປກສ ກຸ່ມບ້ານ ແລະ ຫົວຫນ້າຫນ່ວຍງານຂັ້ນຕ່າງໆ ຕື່ມອີກ.

ໂອກາດດັ່ງກ່າວ ຄະນະຮັບຜິດຊອບສ້າງແຜນກໍານົດພະນັກງານນໍາພາ-ບັນຊາ ປກສ ແຂວງ ກໍ່ໄດ້ອະທິບາຍຄວາມຫມາຍຄວາມສໍາຄັນໃນການທາບທາມ ແລະ ອະທິບາຍຊີ້ແຈງກ່ຽວກັບການຂູດບັດທາບທາມເພື່ອຄັດເລືອກເອົາບຸກຄະລາກອນທີຈະກໍານົດໃຫ້ເປັນພະນັກງານນໍາພາ-ບັນຊາ ໃຫ້ ຖືກຕ້ອງຕາມມາດຖານເງື່ອນໄຂທີ່ກຳນົດໄວ້ຢ່າງເຂັ້ມງວດ, ຫຼັງຈາກນັ້ນຄະນະພັກ-ຄະນະກອງບັນຊາການ ປກສ ເມືອງ ພະນັກງານນໍາພາ-ບັນຊາ ກໍ່ໄດ້ພ້ອມກັນປ່ອນບັດທາບທາມ ບຸກຄະລາກອນທີ່ຈະ ກໍານົດເປັນພະນັກງານນໍາພາ-ຄຸ້ມຄອງ, ເຊິ່ງການບ່ອນບັດທາບທາມບຸກຄາລາກອນ ແມ່ນໄດ້ຈັດໃຫ້ມີການ ປ່ອນບັດ 03 ຮອບຈື່ງສໍາເລັດ.

Off

Comments are closed.